PTSD(పోస్ట్​ ట్రామాటిక్ స్ట్రెస్ డిజార్డర్) అర్థం మరియు లక్షణాలు

అసలు PTSD(పోస్ట్ ట్రామాటిక్ స్ట్రెస్ డిజార్డర్) అంటే ఏమిటి?

PTSD అంటే పోస్ట్ ట్రామాటిక్ స్ట్రెస్ డిజార్డర్. ఒక భయంకరమైన సంఘటనను చూడడం లేదా గుర్తుకుతెచ్చుకోవడం వలన ప్రేరేపించబడే ఒక మానసిక ఆరోగ్య పరిస్థితి. చాలా మంది వ్యక్తులు ట్రామాతో జీవిస్తున్నపుడు, ఒక వ్యక్తికి PTSD(పోస్ట్ ట్రామాటిక్ స్ట్రెస్ డిజార్డర్) నిర్దారణ అయినపుడు ఈ పరిస్థితులను అధిగమించేందుకు సరైన మద్దతు వ్యవస్థ ఉండదు. లక్షణాలు తీవ్రమయితే.. చాలా కాలం పాటు ఉంటే.. అంతే కాకుండా మీ రోజువారీ జీవితంలో జోక్యం చేసుకుంటే మీరు మానసిక ఆరోగ్య నిపుణులను సంప్రదించాల్సి ఉంటుంది. మానసిక ఆరోగ్య సమస్యలు సొంత వైద్యం ద్వారా నయం చేయడం కుదరదని తెలుసుకోవడం ముఖ్యం. కాబట్టి PTSD(పోస్ట్ ట్రామాటిక్ స్ట్రెస్ డిజార్డర్) కోసం థెరపిస్ట్, సైక్రియాట్రిస్ట్, సైకాలజిస్ట్​ని సంప్రదించడం ముఖ్యం.

PTSD(పోస్ట్ ట్రామాటిక్ స్ట్రెస్ డిజార్డర్) లక్షణాలు ఏమిటి?

PTSD(పోస్ట్ ట్రామాటిక్ స్ట్రెస్ డిజార్డర్) యొక్క లక్షణాలు ట్రామాటిక్ ఈవెంట్ జరిగిన నెలలోనే ప్రారంభం అవుతాయి. అయితే కొన్ని సందర్భాల్లో మాత్రం సంఘటన జరిగిన కొన్ని సంవత్సరాల వరకు ఈ లక్షణాలు కనిపించవు. అన్ని లేదా కొన్ని రకాల PTSD(పోస్ట్ ట్రామాటిక్ స్ట్రెస్ డిజార్డర్స్) పని ప్రదేశాల్లో లేదా ఇంటి వద్ద లేదా సామాజిక పరిస్థితుల్లో సమస్యలను కలిగించవచ్చు. అంతే కాకుండా కొన్ని సందర్భాల్లో మీ రోజువారీ పనులకు కూడా ఇవి ఆటంకం కలిగించవచ్చు. PTSD(పోస్ట్ ట్రామాటిక్ స్ట్రెస్ డిజార్డర్) యొక్క లక్షణాలను 4 వేర్వేరు గ్రూపులుగా వర్గీకరించవచ్చు.

మీకు ఇది కూడా నచ్చుతుంది: ఎమోషనల్ వెల్ బీయింగ్ అంటే ఏమిటి | దాని ప్రాముఖ్యత & లక్షణాలను అర్థం చేసుకోవడం

1. అనుచిత జ్ఞాపకాలు

• గతంలో జరిగిన గాయాన్ని గురించి పదే పదే గుర్తు చేసుకోవడం (రిలీవింగ్)
• ట్రామా యొక్క అవసరం లేని, బాధపెట్టే జ్ఞాపకాలు
• గాయం గురించి మీకు గుర్తు చేసే ఏదైనా శారీరక ప్రతిచర్యలు మరియు మానసిక క్షోభ.
• పీడకలలు లేదా సంఘటన గురించి బాధపెట్టే కలలు.

2. మానసిక స్థితి మరియు ఆలోచనల్లో ప్రతికూల మార్పులు

• భవిష్యత్ గురించి నిస్సహాయత
• మీ గురించి, లేదా మీ చుట్టూ ఉన్న వ్యక్తుల గురించి మొత్తం ప్రపంచం గురించి ప్రతికూల ఆలోచనలు
• జ్ఞాపక శక్తి సమస్యలు, ట్రామాకు సంబంధించిన వివిధ విషయాలను గుర్తుంచుకోకపోవడం.
• స్నేహితులు మరియు కుటుంబసభ్యుల నుంచి విడిపోయిన అనుభూతి
• సంబంధాలను కొనసాగించడంలో ఇబ్బందులు
• మానసికంగా తిమ్మిరి వచ్చిన అనుభూతి
• ప్రతికూల భావోద్వేగాలను అనుభవించడం
• మీరు ఒకసారి ఆనందించిన కార్యకలాపాలపై ఆసక్తిని కోల్పోవడం

3. తప్పించుకు తిరగడం

• ట్రామా (గాయం) గురించి మాట్లాడకుండా ఉండడం మరియు ఆలోచించకుండా ఉండడం.
• ఈవెంట్ గురించి మీకు గుర్తు చేసే స్థలాలు, వ్యక్తులు లేదా కార్యకలాపాలను నివారించడం

4. భావోద్వేగ మరియు శారీరక ప్రతి చర్యలలో మార్పులు

• ఈజీగా భయపడడం లేదా ఆశ్చర్యపోవడం
• నిద్రించడంలో సమస్యలు
• ఎల్లప్పుడూ కాపలాగా ఉండడం
• ఏకాగ్రతలో సమస్యలు
• అతివేగంగా డ్రైవింగ్ చేయడం లేదా అతిగా మద్యం సేవించడం వంటి తనకు తాను గాయపర్చుకునే ప్రవర్తన.
• అవమానం లేదా అపరాధం యొక్క అధిక ఫీలింగ్
• దూకుడు ప్రవర్తన, చిరాకు లేదా కోపంతో కూడిన విస్పోటనం.

ఇవి కాకుండా 6 సంవత్సరాల కంటే తక్కువ వయసున్న పిల్లలలో PTSD(పోస్ట్ ట్రామాటిక్ స్ట్రెస్ డిజార్డర్) లక్షణాలు.. భయపెట్టే కలలు, ఆడుతున్నపుడు బాధాకరమైన అంశాలను తిరిగి అమలు చేయడం వంటివి ఉండవచ్చు.

మీకు ఇది కూడా నచ్చుతుంది: పిల్లల మానసిక అభివృద్ధికి ఎలాంటి యాక్టివిటీస్ ఉండాలి? ఓ లుక్ వేయండి!

లక్షణాల తీవ్రత :

PTSD(పోస్ట్ ట్రామాటిక్ స్ట్రెస్ డిజార్డర్) లక్షణాల తీవ్రత మారుతూ ఉండొచ్చు. మీరు ఎక్కువ ఒత్తిడికి గురైనపుడు లేదా బాధాకరమైన సంఘటనల గురించి గుర్తుచేసే సంఘటనలను మీరు చూసినపుడు మీకు లక్షణాలు ఎక్కువ కావొచ్చు. ఉదాహరణకు మీరు కార్ బ్యాక్​ఫైర్​ను (సైలెన్సర్​ నుంచి వచ్చే శబ్దం) విన్నపుడు మీరు వ్యాధి లక్షణాల నుంచి పోరాడే శక్తిని తిరిగి పొందవచ్చు. అలాగే లైంగిక వేధింపులకు సంబంధించిన వార్తల నివేదికలను చూడడం ద్వారా మీపై జరిగిన దాడికి సంబంధించిన ప్రతికూల భావోద్వేగాలను అధిగమించొచ్చు.

PTSD(పోస్ట్ ట్రామాటిక్ స్ట్రెస్ డిజార్డర్) గుర్తించడమెలా(నిర్దారణ)

ఒక వైద్యుడు PTSD పోస్ట్ ట్రామాటిక్ స్ట్రెస్ డిజార్డర్​ని కింది పద్ధతుల్లో నిర్దారిస్తాడు. మీ లక్షణాలకు కారణమయ్యే వైద్య సమస్యలను గుర్తించడం కోసం శారీరక పరీక్ష చేయాలి. మీ లక్షణాలు వాటికి దారి తీసే సంఘటనలను గురించి చర్చించడం ద్వారా మరియు సైకలాజికల్ ఎవల్యూషన్ చేయడం ద్వారా గుర్తించవచ్చు. అమెరికన్ సైకియాట్రిక్ అసోసియేషన్ ప్రచురించిన DSM-5 (డయాగ్నోస్టిక్ మరియు స్టాటిస్టికల్ మాన్యువల్ ఆఫ్ మెంటల్ హెల్త్ డిజార్డర్స్) ద్వారా మూల్యాంకనం జరుగుతుంది. పోస్ట్ ట్రామాటిక్ స్ట్రెస్ డిజార్డర్ నిర్దారణ కోసం మీరు సీరియస్ ఇంజురీ, లేదా డెత్ వంటి సంఘటనకు గురికావాల్సి ఉంటుంది. ఇది కింది మార్గాల్లో బహిర్గతం కావొచ్చు.

• మీరు ఒక బాధాకరమైన సంఘటనను నేరుగా అనుభవించినపుడు..
• వేరొకరికి జరిగిన బాధాకరమైన సంఘటనను మీరు చూసినపుడు..
• మీకు దగ్గరగా ఉన్న వ్యక్తి బాధాకరమైన సంఘటన గురించి మీరు తెలుసుకున్నపుడు
• బాధాకరమైన సంఘటన యొక్క గ్రాఫిక్ వివరాలను మీరు పదే పదే బహిర్గతం చేసినపుడు..

PTSD(పోస్ట్ ట్రామాటిక్ స్ట్రెస్ డిజార్డర్) కు చికిత్స

PTSD(పోస్ట్ ట్రామాటిక్ స్ట్రెస్ డిజార్డర్) యొక్క ప్రధాన లక్ష్యం శారీరక, భావోద్వేగ లక్షణాలను తగ్గించడం, మీ రోజు వారీ పని తీరును మెరుగుపరచడం. చికిత్స ఎంపికలు ఈ కింది విధంగా ఉన్నాయి.

మెడికేషన్ (మందులు):

PTSD (పోస్ట్ ట్రామాటిక్ స్ట్రెస్ డిజార్డర్) ఆందోళన వంటి లక్షణాలను నియంత్రించేందుకు మీ వైద్యుడు యాంటీ డ్రిప్రెసెంట్స్ మందులను సూచించవచ్చు. PTSD(పోస్ట్ ట్రామాటిక్ స్ట్రెస్ డిజార్డర్) కోసం సూచించినబడిన ఇతర ఔషధాలలో SSRIలు, మూడ్ స్టెబిలైజర్లు, యాంటీ సైకోటిక్స్, ట్రైసైక్లిక్ యాంటీ డిప్రెసెంట్స్ ఉండవచ్చు.

సైకోథెరపీ (మానసిక చికిత్స)

సైకోథెరపీ అనేది కోపింగ్ మెకానిజంను డెవలప్ చేయడం ద్వారా మీ లక్షణాలను మేనేజ్ చేయడంలో మీకు సహాయం చేస్తుంది. రుగ్మతలు, పరిస్థితులను మేనేజ్ చేసే మార్గాలను గురించి మీకు, మీ కుటుంబసభ్యులకు తెలియజేయడం దీని లక్ష్యం. మానసిక చికిత్స విషయానికి వస్తే.. అనేక రకాల చికిత్సలు అందుబాటులో ఉన్నాయి. వీటిలో సైకోథెరపీ కూడా అందుబాటులో ఉంది.

• కాగ్నిటివ్ బిహేవియరల్ థెరపీ
• ప్రోలాంగ్​డ్ ఎక్స్​పోజర్ థెరపీ
• సైకోడైనమిక్ థెరపీ
• ఫ్యామిలీ థెరపీ
• గ్రూప్ థెరపీ
• ఐ డీసెన్సిటైజేషన్ & రీప్రాసెసింగ్ (EMDR)

చివరగా..

PTSD(పోస్ట్ ట్రామాటిక్ స్ట్రెస్ డిజార్డర్) నుంచి రికవరీ అనేది క్రమంగా జరిగే ప్రక్రియ. సరైన చికిత్సను తీసుకుంటే దాని లక్షణాలు పూర్తిగా అదృశ్యమవుతాయి. మీరు మీ లక్షణాలను సమర్థవంతంగా మేనేజ్ చేయడం నేర్చుకోవచ్చు. దీని చికిత్స తక్కువ తీవ్రమైన లక్షణాలను కలిగి ఉంటుంది. ట్రామా (గాయం) గురించి మీ భావాలను విజయవంతంగా మేనేజ్ చేసేందుకు ఇది అనుమతిస్తుంది. మీరు కనుక PTSDతో బాధపడుతున్నారని మీకు అనిపిస్తే వెంటనే మీ హెల్త్​కేర్ ప్రొవైడర్​ని సంప్రదించి నిర్దారణ చేసుకోండి.