hamburgerIcon
login
STORE

VIEW PRODUCTS

ADDED TO CART SUCCESSFULLY GO TO CART
  • Home arrow
  • Parenting Tips arrow
  • వర్కింగ్ పేరెంట్స్ (ఉద్యోగస్తులైన తల్లిదండ్రులు) గురించి మీరేమనుకొంటున్నారు? arrow

In this Article

    వర్కింగ్ పేరెంట్స్ (ఉద్యోగస్తులైన తల్లిదండ్రులు) గురించి మీరేమనుకొంటున్నారు?

    Parenting Tips

    వర్కింగ్ పేరెంట్స్ (ఉద్యోగస్తులైన తల్లిదండ్రులు) గురించి మీరేమనుకొంటున్నారు?

    3 November 2023 న నవీకరించబడింది

    కొన్నిసార్లు, మారుతున్న కుటుంబ విధానాలు ఎన్నో స్త్రీ పురుష అసమానతల సమస్యలకు దారితీయవచ్చు! వాస్తవానికి, సమాజం విధించే కొన్ని హద్దులు ఇంకా పరిమితులు కూడా ఉన్నాయి, ఇవి తల్లి ఇంకా తండ్రి మధ్య తేడాను స్పష్టంగా చూపుతాయి. కార్యాలయంలో లేదా ఇంట్లో జరిగే సంఘటనలు ఇంకా తమపై ఉన్న ఆపేక్షల వల్ల ఈ పరిమితులను సులభంగా గమనించవచ్చు. ఉద్యోగం చేసే తల్లిదండ్రుల సంఘర్షణలు ఇంకా అది పిల్లలపై ఎలాంటి ప్రభావం చూపుతుందనే దాని గురించి మరింత తెలుసుకొనేందుకు ఈ కథనాన్ని చదవండి.

    తల్లిదండ్రులు ఇద్దరూ పని చేస్తున్నప్పుడు మీరు దానిని ఏమంటారు?

    వర్కింగ్ పేరెంట్స్ అంటే తల్లితో పాటు తండ్రి కూడా వృత్తిపరమైన ఉద్యోగ జీవితాన్ని కలిగి ఉంటారు. సాధారణంగా పని చేసే తల్లిదండ్రుల గురించి చాలా ఊహాగానాలు ఉన్నాయి, వారు తాము తల్లిదండ్రులగా చేయాల్సిన పనులను వదిలేసి, వారి ఉద్యోగాలు చేసుకోవాల్సి ఉంటుందని అనుకొంటారు. ఆశ్చర్యకరమేమిటంటే, గృహిణులతో పాటు ఇల్లు కనిపెట్టుకొని ఉండే భర్తలను కూడా ఈరోజుల్లో వర్కింగ్ పేరెంట్స్‌గానే పరిగణిస్తున్నారు!

    వర్కింగ్ పేరెంట్స్‌ గురించి సమాజం ఏమనుకొంటోంది?

    చాలా కుటుంబాలలో, తండ్రులు సాధారణంగా సంపాదనపరులై ఉంటారు, అయితే తల్లి ఇంట్లోనే ఉంటూ తన పిల్లలను చూసుకుంటుంది. నిజానికి, గృహిణి చేసే పనుల్లో ఇంటి పనులే ఎక్కువగా ఉంటాయి. అయినప్పటికీ, చాలా మంది దంపతులిద్దరూ కూడా వారిద్దరి సంపాదనలు పొందుతూ ఉంటారు, ఇక్కడ భార్యాభర్తలు ఇద్దరూ కూడా తమ కుటుంబాలను పోషించడమే కాకుండా తమ ఇల్లు చక్కగా గడిచేందుకు ఎక్కువ మొత్తంలో సంపాదిస్తారు. సమయం గడిచేకొద్దీ, కుటుంబ విధానాల్లో ఇంకా పనిచేసే సమయాల్లో చాలా మార్పులు వచ్చాయి. పర్యావసానంగా తల్లిదండ్రుల జీతాలు ఇంకా ప్రయోజనాలను దృష్టిలో ఉంచుకుని, పుట్టుకొచ్చిన రకరకాల ఉద్యోగ అవకాశాల ఇందుకు ప్రతీక అని చెప్పవచ్చు. అంతే కాకుండా, పనిచేసే ఆఫీస్ వేళల్లో కూడా మార్పులు వచ్చాయి, దీనితో తల్లిదండ్రులు తమ పిల్లలతో ఎక్కువ కాలం గడపడానికి అవకాశం దొరికింది.

    తల్లితండ్రులు ఇంకా ఆదర్శవంతమైన కుటుంబ సంరక్షణ గురించి అందరూ ఏవేవో ఆదర్శాలు వల్లిస్తుంటారు, కానీ చాలా మంది తల్లిదండ్రులు కేవలం ఒక ఆదాయంతో సంసారాన్ని నెట్టుకురాలేరు. ఈ విధంగా, అనేక కుటుంబాలు తమ ఆర్థిక అవసరాల కోసం ఒకరిపైనే ఆధారపడటం వారికి కష్టతరం అవుతుంది. అందువల్ల, చాలా మంది తల్లిదండ్రులు సాధారణంగా తమ పనులను సరిగ్గా పంచుకోలేరు. సమాజాభిప్రాయం ప్రకారం, తల్లితండ్రుల్లో ఒకరు సంరక్షకులుగా బాధ్యతలు నిర్వర్తిస్తే, ఇంకొకరు సంపాదనాపరులై ఉండాలని చెబుతారు.

    వర్కింగ్ పేరెంట్స్‌కు ఉండే మంచి చెడ్డలేమిటి?

    వర్కింగ్ పేరెంట్స్‌కు కూడా చెప్పుకోదగ్గ మంచి చెడ్డలు ఉన్నాయి. తల్లిదండ్రులిద్దరూ ఉద్యోగస్టులైతే ఉండే లాభనష్టాల గురించి, ప్రత్యేకించి చక్కని పని విధానాల అమరిక గురించి మాట్లాడుకొనేటప్పుడు ఖచ్చితంగా వీని ఆలోచించవలసి ఉంటుంది. తల్లిదండ్రులు ఇద్దరూ ఉద్యోగం చేసే కుటుంబం సాధారణంగా చక్కని ఆర్థిక పరిపుష్టిని కలిగివుంటుంది. అందువలన, ఈ ఆర్థిక స్వావలంబన వల్ల వారి పిల్లలు ఆనందిస్తారు, ధరల పెరుగుదల కారణంగా ఆర్థిక ఒత్తిడి గురించి ఆందోళన పడాల్సిన అవసరం ఉండదు. కుటుంబం ఎంత ఎక్కువ డబ్బు సంపాదిస్తే, డేకేర్, విద్య ఇంకా పాఠశాల విద్యలో మెరుగైన నాణ్యత ప్రమాణాలను పొందవచ్చు.

    ఇంకా, అనేక కుటుంబాలు తమ పిల్లల కళాశాల చదువుల కోసం కూడా ఆదా చేసుకోగలుగుతాయి. అంతే కాకుండా, మంచి వైద్య సదుపాయాలు, సరదా పిక్నిక్‌లు, ట్రిప్‌లు, అలాగే సెలవులలో చిరస్మరణీయమైన ఆటవిడుపుల వంటివి వర్కింగ్ పేరెంట్స్‌ అయినందువల్ల కలిగే ఇతర ప్రయోజనాలు. అయితే, వర్కింగ్ పేరెంట్స్‌ తమ పిల్లలతో తరచుగా గడపలేకపోతారు, అలాంటి అపరాధ భావం వారి వెన్నంటే ఉంటుంది. ఇద్దరూ ఉద్యోగస్తులైన తల్లిదండ్రులతో పెరిగిన పిల్లలు, వారి ఇళ్లలో పెద్దలను గౌరవించడం వారితో సరైన రీతిలో మసలుకోవడం నేర్చుకుంటారు. అంతేకాకుండా, వారు చాలా త్వరగా సంఘంతో మమైకమవడం నేర్చుకుంటారు.

    అంతేకాకుండా, మంచి నాణ్యమైన సేవనందిచే డేకేర్ వారు పిల్లలని ఒంటరిగా వదలకుండా, వారు నిరంతరం ఇతరులతో కలిసి ఉండేలా చూడటంలో సహాయపడుతుంది, తద్వారా వారిలో సామాజిక స్పృహను, కలుపుగోలుతనాన్ని మెరుగుపరచడానికి ఇది సహాయపడుతుంది. కొన్నిసార్లు, ఇటువంటి పరిస్థితులు వారి వర్కింగ్ పేరెంట్స్‌ అయిన తల్లితండ్రులతో వారి పిల్లల సంబంధాన్ని కూడా ప్రభావితం చేసేవిగా కూడా ఉంటాయి. ఇద్దరి జీతాల వల్ల వచ్చే ప్రయోజనాలే కాకుండా, తల్లిదండ్రులు తమ పనులను సమానంగా పంచుకోగలరని, చివరి వరకు వారి బంధం సుధీర్ఘంగా సాగేందుకు సహాయపడాలని కూడా ఆశించవచ్చు. కాలక్రమేణా, ఇందువల్ల అది వారి ఇంటిలో చక్కని సామరస్యాన్ని ఇంకా ఆనందానికి కూడా తెరతీస్తుంది. అయినప్పటికీ, పని చేసే తల్లిదండ్రులు అవసరమైనపుడు పిల్లలకి అండగా ఉండటం, వారితో మంచి కార్యకలాపాలను నిర్వహించడం అలాగే ఇంట్లో ఇంకా పిల్లల పాఠశాల కార్యాక్రమాల్లో వారితో కలిసి పాల్గోవడం కూడా చాలా ముఖ్యం.

    ఉద్యోగం చేసే తల్లులు ఎవరు?

    సమాజంలో చాలామంది సాధారణంగా మహిళలు ఇంటిపట్టునే ఉంటూ అన్నివేళల కుటుంబ సంరక్షకులుగా ఉండాలని ఇంకా పురుషులు తమ కుటుంబాన్ని నడిపించే సంపాదనపరులై ఉండాలని అనుకొంటారు. ఏది ఏమైనప్పటికీ, ప్రపంచంపు దృక్పధం ఇంకా దాని అంచనాలు రోజురోజుకీ మారుతున్నాయి, చివరికిది మంచి మార్పునే తెస్తుంది. U.S. సెన్సస్ బ్యూరో 2019లో నమోదు చేసిన గణాంకాల ప్రకారం, అమెరికాలోని దాదాపు 64 శాతం కుటుంబాలలో తల్లిదండ్రులు ఇద్దరూ ఉద్యోగస్తులైన కుటుంబాలు ఉన్నాయి.

    పని చేసే తల్లి ప్రభావం బిడ్డలపై ఎలా ఉంటుంది?

    పని చేసే తల్లికి ఇప్పుడు తమ పిల్లలను చూసుకోవడం లేదా వారితో సమయం గడపడమనే విషయంలో కాస్త బాధ కలుగుతూ ఉండవచ్చు. అయితే, పిల్లలు కూడా ప్రతిసారీ తమతోపాటు తల్లి పక్కన ఉండని ఇంటిని అలవాటు చేసుకోవడం గురించి తెలియజెప్పి సర్దుబాటు చేయాల్సి ఉంటుంది. కాలం గడిచేకొద్దీ పిల్లలకి వారి తల్లిదండ్రుల గడిపే సమయం కూడా తగ్గుతుంది. ఉద్యోగస్తురాలైన తల్లి అనేక ఇతర బాధ్యతలను కూడా నెరవేర్చవలసి ఉంటుంది! ఆమె, ఉద్యోగస్తుడైన భర్త ఇంకా పిల్లల అవసరాలతో పాటు, వారి వృత్తిపరమైన సంస్థలు చేసే డిమాండ్లను కూడా నెరవేర్చాల్సి ఉంటుంది. కొన్నిసార్లు, ఉద్యోగస్తులైన తల్లిదండ్రులు కూడా వారి ఇంటిని చూసుకోవడం, చదువులో వారి పిల్లలకు సహాయం చేయడం, అలాగే వారి తల్లిదండ్రులతో సన్నిహితంగా ఉండడం వంటి పనులతో, పైకి కనిపించని ఒత్తిడితో సతమతమవుతారు. వారిపై ఇప్పటికే ఉన్న ముఖ్యమైన బాధ్యతలను లెక్కలోకి తీసుకుంటే, వారికి తమనుతాము పట్టించుకొనేందుకు కాస్త సమయం లేదా ఒక్కోసారి అసలు సమయమే మిగలదు. ఇందువల్ల ఉద్యోగం చేసే తల్లిదండ్రుల ఇద్దరి ఆరోగ్యం ఇంకా శ్రేయస్సు కూడా ప్రమాదంలో పడవచ్చు!

    మీకు ఇది కూడా నచ్చుతుంది: గృహిణి వృత్తి అంటే ఏమిటి? ఈ పోస్ట్ లో ఎన్ని బాధ్యతలుంటాయో తెలుసా?

    ఉద్యోగస్తులైన తల్లిదండ్రుల జీవితాలలో ఎదుర్కొనే ప్రధాన సవాళ్లు ఏమిటి?

    పని చేసే తల్లిదండ్రులకు ఎన్నెన్నో ఆందోళనలు ఏదో ఒక విధంగా నిరంతరం మభ్యపెడుతూనే ఉంటాయి. మీ ప్రధాన సందేహం- ఉద్యోగం చేసే తల్లిదండ్రులు వీటిని ఎలా ఎదుర్కొని ముందుకెళ్తారు, అయినట్లయితే, అప్పుడు తెలుకోవలసిన సవాళ్లు చాలానే ఉంటాయి. ఈ భావనను చక్కగా అర్థం చేసుకొనేలా సహాయపడే కొన్ని సంబంధిత విషయాలు క్రింద జాబితా చేయబడ్డాయి.

    1. ఉద్యోగ-గృహపరమైన పనులవల్ల మానసిక ఆదుర్దా

    సాధారణంగా వర్కింగ్ పేరెంట్స్‌కు తమ ఇల్లు మరియు ఉద్యోగ జీవితాలను ఏకకాలంలో సమతుల్యం చేయడం కష్టంగా ఉంటుంది. వాస్తవానికి, వారు ఈ మార్గంలో అనేక అడ్డంకులను అధిగమిస్తారు. అంతే కాకుండా, ఈ మధ్య వచ్చిన మహమ్మారి వల్ల, ఎంతోమంది ఉద్యోగస్తులైన తల్లిదండ్రులకు తమ పిల్లల ఆన్‌లైన్ చదువుకు సహాయపడటం, ఇంటి పనులను చూసుకోవడంతో పాటు ఇంటి పనులు చక్కబెట్టడం ఇంకా ఇంటి నుండి చేసే తమ పని షెడ్యూల్‌ను ప్లాన్ చేసుకోవడం ఎంతో కష్టతరమని తెలియవచ్చేలా చేసింది.

    తమ పిల్లలను కనిపెట్టుకొని చూసుకొనే డేకేర్‌ల కోసం వారి ఆదాయంపై నిరంతరం ఆధారపడాల్సిన అనేకమంది ఉద్యోగస్టులైన తల్లిదండ్రులు ఉన్నారు. ఈ మహమ్మారి సమయంలో, డేకేర్‌లు ఇంకా పాఠశాలలు మూతపడినప్పుడు, ఇలాంటి తల్లిదండ్రులు తమ పిల్లలను కనిపెట్టుకొని చూసుకొనే వారులేక ఎంతో సతమతమయ్యారు. అందువల్ల, ఈ విషయాలు మరింత కష్టతరం అయ్యేలా చేసింది. చాలా కంపెనీలు మరియు సంస్థలు లోటు బడ్జెట్ ఇంకా నష్టాల కారణంగా తమ ఉద్యోగులను తొలగించిన వాస్తవాన్ని లెక్కలోకి తీసుకుంటే, చాలా మంది వర్కింగ్ పేరెంట్స్‌ తమ ఉద్యోగాలను కోల్పోయారు, ఇది మరింత ఆందోళనలకు తెరతీసింది!

    2. మూస ధోరణులు

    వాస్తవానికి, పని చేసే తల్లిదండ్రులు తమ పనిపై శ్రద్ధ పెట్టడానికి ముందు అనేక బాధ్యతలను నెరవేర్చాల్సివస్తుంది. నిజానికి, ఇది చాలా చిన్న బిడ్డలున్న తల్లిదండ్రులకు చక్కగా వర్తిస్తుంది. కొన్నిసార్లు, చాలా మంది వర్కింగ్ పేరెంట్స్‌ తమ పిల్లల పట్ల నిరంతరం శ్రద్ధ చూపడం వల్ల వారి ఉద్యోగ జీవితం మరియు గృహ జీవితాల మధ్య అంతరాయం ఏర్పడవచ్చని భయపడుతున్నారు. ఏదేమైనప్పటికీ, కంపెనీ ఖచ్చితమైన వర్క్-హోమ్ బ్యాలెన్స్ సంస్కృతిని అనుమతించి అనుసరిస్తే, తల్లిదండ్రులు తమ సమయాన్ని రెండింటికీ సమతుల్యం చేసుకోగలరని గ్రహిస్తే, అందరికీ ఆరోగ్యకరమైన గృహ జీవితం గడిపేందుకు ఇంకా ఆఫీసు సమయాల్లో అధిక ఉత్పాదకతకు అవకాశం ఏర్పడుతుంది.

    3. అలసట

    ఒక కంపెనీలో పని చేయడంతోనే చాలామంది అలసిపోతారు అనే నిజాన్ని గ్రహిస్తే, జీవనోపాధి కోసం ఒకటికి మించిన కంపెనీలలో పని చేస్తున్నప్పుడు ఇంకా ఆ పనులన్నీ కొనసాగించడానికి రెండు మూడు జాబ్ షెడ్యూల్‌లను పాటించాల్సి వచ్చినపుడు ఎదురయ్యే ఇబ్బందులను ఊహించుకోవచ్చు. ప్రపంచవ్యాప్తంగా అనేక ప్రాంతాలలో ఈ పరిస్థితులను అనుభవిస్తున్న ఎంతో మంది వర్కింగ్ పేరెంట్స్‌ ఉన్నారు, చివరికి వర్కింగ్ పేరెంట్స్‌ ఇద్దరు కూడా తీవ్ర ఒత్తిడికి గురవుతున్నారు. తల్లిదండ్రులు ఏకకాలంలో ఉద్యోగులుగా, ఉపాధ్యాయులుగా ఇంకా సంరక్షకులుగా ఉండాల్సిరావొచ్చు. అయితే, వర్కింగ్ పేరెంట్స్‌ ఇద్దరూ ఇప్పట్లో తరచుగా మల్టీ టాస్క్(ఒకేసారి అనేక పనులు) చేయవలసి ఉంటుంది ఇంకా వారిగురించి వారు ప్రట్టించుకొనేందుకు వారికి సమయం దొరకకపోవచ్చు. క్లుప్తంగా చెప్పాలంటే, ఒకే సమయంలో అన్ని పనులను ప్రయత్నించడానికి ఇంకా అవి చేసేందుకు, వారికి ఒక రోజుకి కేవలం 24 గంటలు మాత్రమే ఉన్నాయనేది వాస్తవం!

    4. మారుతూ ఉండే పనివేళలు

    చాలా మంది వర్కింగ్ పేరెంట్స్ తమ కార్యాలయా పరిస్థితుల్లో ఇమడలేక పోతారు. వాస్తవానికి, కొత్త ప్రదేశాలకు అలవాటుపడటం లేదా అదనపు పని గంటలను తీసుకోవడంలో వారికి కష్టతరం అవుతుంది. కొన్నిసార్లు, ఎక్కువ పనిభారం వల్ల పూర్తిచేసి పంపిన పనుల్లో నాణ్యత కూడా లోపిస్తుంది. అంతే కాకుండా, కొత్త పని వేళలు నిరంతరం ఇలాంటి తల్లిదండ్రులను నిద్ర లేమికి ఇంకా ఇతర ఆరోగ్య సమస్యలు కలిగే అధిక ప్రమాదంలోకి నెట్టేస్తాయి. పిల్లల బాగోగులు ఇంకా ఇంటి పనుల కోసం తగినంత సమయాన్ని వెచ్చిస్తూ, వారి మారుతున్న పని వేళలను సమతుల్యం చేసుకొనేందుకు వారు అందుకు అనుగుణంగా ఉండేందుకు ప్రయత్నించవచ్చు. అందువల్ల, అలసట, ఒత్తిడి ఇంకా నిరాసక్తతలను అధిగమించడం వారికి సులభతరం అవుతుంది.

    5. కెరీర్ అవకాశాలు

    కొత్త ఉద్యోగంలో సర్దుబాటు చేసుకోవడం, మార్పులు ఇంకా నేర్చుకోవలసినవి ఎన్నో ఉంటాయి. అయితే, నిరంతరం జరిగే ఈ మార్పులకు అనుగుణంగా తమను మలచుకోవడమనేది వారి కెరీర్ వృద్ధికి ఆటంకం కలిగిస్తుంది. అందువల్ల, వర్కింగ్ పేరెంట్స్ సాధారణంగా ఆమె లేదా అతని దృష్టిని వారి కెరీర్ వృద్ధిపై కేంద్రీకరించాలని అనుకొంటారు ఇంకా ఒకేరకమైన మార్పులు ఉంటే, అది కెరీర్ వృద్ధిని ఆటంక పరచగలదు. ఇలాంటి తల్లిదండ్రులు తమ సహోద్యోగుల నుండి వివిధ రకాల కామెంట్లను వినాల్సి వస్తుంది, వాటి ఫలితంగా అలసట ఇంకా మానసిక ఒత్తిడి ఏర్పడుతుంది. ఇది ఆ ఉద్యోగికి, తమ ఇంటి బాధ్యతలు తమ ఉద్యోగ విధుల నుండి తమను దూరం చేస్తున్నాయని భావించేలా చేయవచ్చు.

    ముగింపు

    అలాంటి తల్లిదండ్రుల పరిస్థితి నేడు ఎలా ఉంటుందో ఆలోచించారా? కొన్ని వారాల లాక్‌డౌన్, ఊహించని విధంగా విధించిన రెండేళ్ల కఠిన నియమాలు చివరికి ప్రజలు అనుసరించాల్సిన కఠినమైన మార్గదర్శకాలుగా మారాయి. ఉద్యోగరీత్యా తల్లిదండ్రుల పరిస్థితిల్లో నేడు ఎంతో మార్పు వచ్చింది. వర్క్-హోమ్(ఇంటిపనులు-ఆఫీసు పనులు) బ్యాలెన్స్ ప్రాముఖ్యత గురించి అనేక కంపెనీలు ఇంకా సంస్థలకు మరింత అవగాహన పెరిగింది. ఉద్యోగిని ఎక్కువగా ఒత్తిడి చేయకుండా ఆఫీసు ఉత్పాదకతను పెంచే మార్గాలను అన్వేషించడానికి వారు ముందుకు సాగుతున్నారు. అయినప్పటికీ, ఈ మహమ్మారి సంచరిస్తున్న ఈ సమయంలో, చాలా మంది పని చేసే తల్లులు తమ పిల్లలను పూర్తి సమయం చూసుకోవడం కోసం తమ ఉద్యోగాలను విడిచిపెట్టారు. వాస్తవానికి, సెప్టెంబర్ 2020లో నిర్వహించిన జనాభా లెక్కల ప్రకారం, 860,000 కంటే ఎక్కువ మంది మహిళలు తమ ఉద్యోగాలను వదిలి కుటుంబ బాధ్యతల కోసం తమ సమయాన్ని వెచ్చించాలని భావించారని తెలిసింది. నిజానికి, పని చేసే తల్లిదండ్రుల జీవితం ఖచ్చితంగా ఎంతో ఒత్తిడితో కూడుకున్నది. అయితే, కార్యాలయంలో సరైన పని సంస్కృతి మరియు నైతికతతో, వర్కింగ్ పేరెంట్స్ తమ జీవితంలో అనేక అవరోధాలను అధిగమించడం మాత్రం ఖాయం!

    Is this helpful?

    thumbs_upYes

    thumb_downNo

    Written by

    Sarada Ayyala

    Get baby's diet chart, and growth tips

    Download Mylo today!
    Download Mylo App

    RECENTLY PUBLISHED ARTICLES

    our most recent articles

    Mylo Logo

    Start Exploring

    wavewave
    About Us
    Mylo_logo

    At Mylo, we help young parents raise happy and healthy families with our innovative new-age solutions:

    • Mylo Care: Effective and science-backed personal care and wellness solutions for a joyful you.
    • Mylo Baby: Science-backed, gentle and effective personal care & hygiene range for your little one.
    • Mylo Community: Trusted and empathetic community of 10mn+ parents and experts.