கர்ப்ப காலத்தில் முடி உதிர்வது இயல்பானதா?

• உங்கள் வாழ்க்கையின் மறக்க முடியாத கட்டத்தில் திடீரென்று கொத்து கொத்தாக முடி உதிர்தல் அல்லது முடி கொட்டுவதை நீங்கள் அனுபவிக்கிறீர்களா? விரைவில் உங்கள் தலையில் வழுக்கைத் திட்டுகள் இருக்கப்போவதை பற்றி கவலைப்படுகிறீர்களா? நீங்கள் ஏற்கனவே அதற்காக ஏதேனும் சிகிச்சையை முயற்சித்து, அதில் இப்போது தவறான விளைவுகளைக் காண்கிறீர்களா? பொதுவாக உங்கள் வாழ்க்கையில் முடி உதிர்தலின் இந்த கட்டம் மிகவும் பொதுவான ஒன்று, குறிப்பாக கர்ப்ப காலத்தில் இவ்வாறு நடக்கும். முடி உதிர்தலுக்கு பல காரணங்கள் உள்ளன.

• சில நேரங்களில், இந்த பிரச்சனையின் பின்னால் உள்ள காரணங்கள் ஏதேனும் தொந்தரவின் காரணமாக இருக்கலாம். இருப்பினும், பெரும்பாலான நேரங்களில், இந்த வகையான சிக்கலை மிகவும் எளிதாக மாற்றியமைக்க முடியும்! பெரும்பாலான கர்ப்பிணிப் பெண்கள் தங்கள் கர்ப்ப காலத்தில் அடர்த்தியான மற்றும் பளபளப்பான கூந்தலை பெற்றுள்ளனர்.

• ஆனால், எல்லாருக்கும் கர்ப்ப காலத்தில் அவ்வாறு இருக்காது. சில சந்தர்ப்பங்களில், சிலர் முடி உதிர்தல் குறித்து கவலை தெரிவிக்கின்றனர். ஒரு சில கர்ப்பிணிப் பெண்கள் இந்த காலக்கட்டத்தில் தங்கள் தலைமுடி சுருண்டோ அல்லது மிகவும் வறண்டதாகவோ மாறுவதாக கவலை தெரிவிக்கின்றனர்.

  Article continues below advertisment

கர்ப்ப காலத்தில் முடி உதிர்வதற்கான காரணங்கள் என்ன?

முடி உதிர்தல் என்பது மிகவும் பொதுவானதாக இருந்தாலும், நிறைய பெண்கள் அதைப் பற்றி தொடர்ந்து கவலைப்படுகிறார்கள். உண்மையில், ஒரு நாளைக்கு 200 க்கும் அதிகமான முடிகளை இழக்கும் பெண்களுக்கு இது ஒரு பெரிய பிரச்சனையாக மாறக்கூடும். கர்ப்ப காலத்தில் முடி மெலிந்து போவது மிகவும் பொதுவானது அல்ல என்றாலும், பின்வரும் காரணங்களால் இது நிகழலாம்:

ஹார்மோன் ஏற்றத்தாழ்வு

உங்கள் கருப்பையில் வளர்ந்து வரும் குழந்தைக்கு சப்போர்ட் அளிப்பதற்காக ஹார்மோன்களின் வியத்தகு மாற்றத்தால் உங்களுக்கு முடி உதிர்தல் அல்லது முடி மெலிந்து போகலாம். அதிர்ச்சி மற்றும் மன அழுத்தத்தின் இந்த கண்டிஷன் டெலோஜென் எஃப்ளூவியம் என்று அழைக்கப்படுகிறது. இதனால் உங்கள் தலைமுடியில் 30 சதவீதத்திற்கும் அதிகமாக முடி இழப்பீர்கள். இதனால் ஒவ்வொரு நாளும் அதிக முடி கொட்டுகிறது. இந்த பிரச்சனை ஏற்பட்டால் ஒருவர் என்ன செய்ய வேண்டும் என்பதைப் பற்றி அறிய உங்கள் மருத்துவரை சந்திக்கலாம்!

உடல்நலப் பிரச்சனைகள்

தைராய்டு மற்றும் இரும்புச்சத்து குறைபாடு போன்ற உடல்நலப் பிரச்சனைகளும் கர்ப்ப காலத்தில் டெலோஜென் எஃப்ளூவியத்திற்கு வழிவகுக்கும். கர்ப்ப காலத்தில் ஹார்மோன்கள் அல்லது முக்கிய வைட்டமின்களின் ஏற்றத்தாழ்வு காரணமாக உங்கள் தலைமுடியை மிக வேகமாக இழக்க நேரிடும். இது உங்களுக்கு கவலை அளிப்பதோடு கர்ப்ப காலத்தில் முடி உதிர்தலை எவ்வாறு கட்டுப்படுத்துவது என்று தெரியவில்லை என்றால், நீங்கள் இனி கவலைப்பட வேண்டியதில்லை. ஒருவர் பரிந்துரைக்கப்பட்ட கூடுதல் மருந்துகளை எடுத்துக் கொள்ளலாம் அல்லது அவர்களின் சுகாதார வழங்குநருடன் தொடர்பு கொண்டு காரணத்தையும் சிகிச்சையையும் பற்றி அறியலாம்!

கர்ப்ப காலத்தில் முடி உதிர்வதை எவ்வாறு தடுப்பது?

முடிவுகள் உங்கள் முடி உதிர்தலுக்கான காரணத்தை முற்றிலும் சார்ந்துள்ளன, ஆனால் முடி மெலிதல் மற்றும் முடி உதிர்தலைக் குறைக்க பின்வரும் உதவிக்குறிப்புகளை நீங்கள் முயற்சி செய்யலாம்:

1. முதலில் உங்கள் கவனத்தை சுவையான உணவில் இருந்து ஆரோக்கியமான உணவுக்கு மாற்ற வேண்டும். உங்கள் உடலின் ஊட்டச்சத்து தேவைகளுக்கு ஏற்ப தேவையான அனைத்து ஊட்டச்சத்துக்களையும் பெற நீங்கள் சீரான உணவுகளை எடுத்துக்கொள்ள வேண்டும். இது தவிர, முடி வளர்ச்சியை அதிகரிக்க தேவையான கூடுதல் மருந்துகளை எடுத்துக்கொள்வதையும் நீங்கள் பரிசீலிக்கலாம். ஆனால், உங்கள் சுகாதார வழங்குநரிடம் கலந்தாலோசித்த பின்னரே கூடுதல் மருந்துகளை எடுத்துக்கொள்ள வேண்டும்.

   Article continues below advertisment

2. உங்கள் தலைமுடியை மென்மையாக கையாளுங்கள். உங்கள் தலைமுடியை இழுப்பது, திருப்புவது அல்லது தேய்க்கக்கூடிய இறுக்கமான ஜடைகள் அல்லது பன் கொண்டைகள் போன்ற சிகை அலங்காரங்களைத் தவிர்க்கவும். இந்த காலகட்டத்தில் இறுக்கமாக அல்லது உச்சந்தலையில் இழுத்து கட்டுவதையும் நீங்கள் தவிர்க்கலாம். இருப்பினும், நீங்கள் தளர்வான ஜடைகள் அல்லது இருக்கமில்லாமல் முடியை கட்டிக்கொள்ளலாம்.

3. உங்கள் தலைமுடியை நல்ல மூலிகை அல்லது இயற்கை ஷாம்புகளால் மெதுவாக அலசவும், அகலமான பல் கொண்ட சீப்பு உதவியுடன் பொறுமையாக முடியில் உள்ள சிக்கலை பிரிக்கவும். இன்று சந்தையில் கிடைக்கும் பல ஷாம்புகள் குறிப்பாக முடி உதிர்தல் பிரச்சனைகளைக் கையாள்கின்றன.

4. உங்கள் தலைமுடியை வலுப்படுத்த ஒரு நல்ல இயற்கையான அல்லது ஆயுர்வேத முடி உதிர்தலை தடுக்கக்கூடிய எண்ணெய்யைப் பயன்படுத்துங்கள். இது மிகவும் உதவியாக இருக்கும். இந்த சூழ்நிலையில் தேங்காய் எண்ணெய் பொதுவாக சிறந்ததாகக் கருதப்படுகிறது. இதுபோன்ற கண்டிஷனை மாற்றியமைக்க ஒருவர் பல வீட்டு வைத்தியங்களையும் முயற்சி செய்யலாம். தேங்காய் எண்ணெய்யை வெந்தய விதைகளுடன் கொதிக்க வைத்து உங்கள் தலைமுடியின் வேர்களில் தடவலாம். ஆமணக்கு எண்ணெய்யை கலப்பதும் நன்மை பயக்கும்.

5. ஆர்கானிக் பொருட்களைக் கொண்டுள்ள எண்ணெய் முடி உதிர்தலுக்கு சிறந்த தீர்வாக கருதப்படும் மற்றும் அதில் தீங்கு விளைவிக்கும் இரசாயனங்கள் இருக்காது. அது தவிர, இது மலிவு விலையில் கிடைக்க வேண்டும். சந்தையில் ஏராளமான முடி பராமரிப்பு பொருட்கள் கிடைத்தாலும், தரத்தில் சமரசம் செய்துகொள்ளாத ஒரு தயாரிப்பில் நீங்கள் முதலீடு செய்வது அவசியமாகும்.

பிரக்னன்ஸியின் போது முடி உதிர்தலை தடுக்கும் சிறந்த எண்ணெயை எவ்வாறு தேர்ந்தெடுப்பது?

பிரக்னன்ஸியின் போது முடி உதிர்தலை தடுக்கும் எந்தவொரு எண்ணெயையும் வாங்குவதற்கு முன் அதன் கலவை மற்றும் பொருட்கள் பட்டியலுக்கான லேபிளை நீங்கள் சரிபார்க்க வேண்டும். ஒரு நல்ல பிரக்னன்ஸி கால முடி உதிர்தலை தடுக்கும் எண்ணெயில் பிரிங்ராஜ் மற்றும் மேத்தி போன்ற சில சக்தி வாய்ந்த மூலிகைகள் இருக்க வேண்டும். பின்வரும் சில இயற்கை எண்ணெய்கள் முடி உதிர்தலை தடுக்கும் பண்புகளைக் கொண்டுள்ளன:

• நெல்லிக்காய் எண்ணெய்:

இது உங்கள் தலைமுடியின் வேர்களை வலுப்படுத்துகிறது, பொடுகுக்கு சிகிச்சையளிக்கிறது மற்றும் முடி உதிர்தலைக் குறைக்கிறது. அரிப்புப் பிரச்சனையை நீங்கள் சமாளிக்க விரும்பினால், இந்த தீர்வை நீங்கள் முயற்சிக்கலாம்.

• ஆமணக்கு எண்ணெய்:

இது உங்கள் உச்சந்தலையில் பி.எச் (pH) அளவை சமப்படுத்துகிறது மற்றும் உங்கள் முடி வளர்ச்சியை அதிகரிக்கிறது. அதன் செயல்திறனை அதிகரிக்க பொதுவாக அதை ஒரு கேரியர் எண்ணெயுடன் கலப்பது நல்லது.

• சூரியகாந்தி எண்ணெய்:

உச்சந்தலையை ஆரோக்கியமாக மாற்றுவதில் பிரபலமான, சூரியகாந்தி எண்ணெய் முடி வளர்ச்சியை துரிதப்படுத்துகிறது மற்றும் உங்கள் தலைமுடியை பளபளப்பாகவும் பளபளப்பாகவும் ஆக்குகிறது. மீண்டும், சூரியகாந்தி எண்ணெய்யை சில வகையான கேரியர் எண்ணெய்யுடன் கலப்பது அவசியமாகும்.

• ஆர்கான் எண்ணெய்:

ஆர்கான் எண்ணெய்யில் உள்ள கொழுப்பு அமிலங்கள் உங்கள் தலைமுடியின் பளபளப்பை மீட்டெடுத்து, அதை வலுவாகவும், பட்டு போன்றும் ஆக்குகின்றன. இது தவிர, இந்த எண்ணெய் உங்கள் உச்சந்தலையில் ஆழமாக ஊடுருவி வேர்களை வலுப்படுத்துகிறது, மேலும் முடி உதிர்தல் பிரச்சனைகளைத் தடுக்கிறது.

• ஆலிவ் எண்ணெய்:

ஆலிவ் எண்ணெயின் ஈரப்பதமூட்டும் குணங்கள் உங்கள் தலைமுடியை சீராக்கி முன்னெப்போதையும் விட மென்மையாக வைத்திருக்கும்! மெல்லிய அல்லது குறைவான முடி உள்ளவர்களுக்கு இந்த எண்ணெய் பொதுவாக சிறந்தது.

• வெங்காய எண்ணெய்:

வெங்காய எண்ணெய் முடி உதிர்தலை பெருமளவில் தடுக்கிறது. இது தவிர, இது முடி வளர்ச்சியை ஊக்குவிக்கிறது மற்றும் உச்சந்தலையில் அரிப்பு ஏற்படுவதைத் தடுக்கிறது! வெங்காய விதை எண்ணெய் பொதுவாக இன்று பல கர்ப்பிணிப் பெண்களால் பயன்படுத்தப்படுகிறது.

இந்த இயற்கை எண்ணெய்கள் முடி உதிர்தலை தடுக்கின்றன, ஆனால் அவை அனைத்தின் நற்குணங்களைக் கொண்ட எண்ணெய்யைப் பயன்படுத்தினால் சிறந்த மற்றும் விரைவான முடிவைப் பெறுவீர்கள். இது தவிர, சிலர் உச்சந்தலை குறிப்பிட்ட வகை எண்ணெய்யை ஒத்துக்கொள்ளாது. ஒரு குறிப்பிட்ட வகை எண்ணெயுடன் முடி உதிர்தலுகுக்கான சிகிச்சையைத் தொடங்கிய பிறகு சில தவறான விளைவுகள் ஏற்பட்டால், உங்கள் சுகாதார வழங்குநரிடமிருந்து உடனடி உதவியைப் பெறலாம்.

மேலே குறிப்பிட்ட அனைத்து எண்ணெய்களின் நற்குணங்களைக் கொண்ட பல எண்ணெய்கள் சந்தையில் உள்ளன. ஆனால், ஆர்கானிக் பொருட்களை மட்டுமே கொண்ட ஒரு தயாரிப்பை நீங்கள் வாங்க விரும்பினால் அந்த தயாரிப்புகள் உங்கள் குழந்தையின் வளர்ச்சியில் எதிர்மறையான பாதிப்பை ஏற்படுத்தக்கூடும் என்பதால் தீவிர அளவு இரசாயனங்களைக் கொண்ட தயாரிப்புகளைத் தவிர்ப்பதை உறுதிப்படுத்திக் கொள்ளுங்கள். சுருக்கமாக சொல்வதென்றால், பொதுவாக உங்கள் மருத்துவரிடம் இது பற்றி பேசுவதும், சிகிச்சையை தவறாமல் பின்பற்றுவதும் நல்லது.

இதையும் படிக்கலாமே! - முடி உதிர்வை எளிதில் சமாளிக்க உதவும் டாப் 5 டிப்ஸ்

முடிவுரை

கர்ப்ப காலத்தில் முடி மெலிதல் அல்லது முடி உதிர்தல் பொதுவானதல்ல. இருப்பினும், இது கடந்து செல்லும் கட்டம் என்பதால் நீங்கள் அதைப் பற்றி கவலைப்பட வேண்டாம். ஒரு ஆரோக்கியமான உணவு பழக்கம் மற்றும் நல்ல இயற்கை எண்ணெயுடன் உங்கள் தலைமுடியை தவறாமல் மசாஜ் செய்வது மூலம் உங்கள் அழகான முடியின் துள்ளலையும் அடர்த்தியையும் மீண்டும் பெறலாம்.

இது தவிர, உங்கள் சுகாதார வழங்குநரை தவறாமல் சந்திப்பதால் அஅவரின் உதவியோடு முடி உதிர்தல் பிரச்சனையை மிகவும் திறம்பட சமாளிக்க முடியும். பல சந்தர்ப்பங்களில், பிரசவத்திற்குப் பிறகு முடி உதிர்தல் சரியாகிவிடும். தவிர, பல பெண்களுக்கு மீண்டும் அவர்களின் தலைமுடி முந்தைய சாதாரண நிலைக்கு திரும்பிவிடும்.