கர்ப்ப காலத்தில் வாந்தி எடுப்பதைத் தடுக்க சில விரைவான மற்றும் பயனுள்ள டிப்ஸ்

கர்ப்பம் என்பது மூன்று ட்ரைமெஸ்டர் பயணமாகும். இது பல இனிமையான மற்றும் கடினமான அனுபவங்களுடன் வருகிறது. அத்தகைய ஒரு கடினமான அனுபவம் வாந்தியெடுத்தல் ஆகும். இது ஒரு கர்ப்பிணிப் பெண்ணின் டயட்டை பாதிக்கிறது. வாந்தி அல்லது குமட்டல் பெரும்பாலும் கர்ப்பத்தின் பொதுவான அறிகுறி ஆகும். பெரும்பாலான கர்ப்பிணிகள் தங்கள் முதல் ட்ரைமெஸ்டர் முடிந்த பிறகு நாள்பட்ட வாந்தியை அனுபவிப்பதில்லை என்பதும் குறிப்பிடத்தக்கது. கர்ப்ப காலத்தில் வாந்தியை எப்படி நிறுத்துவது என்பதற்கான தீர்வுகளை இங்கே காணலாம்.

கர்ப்ப காலத்தில் வாந்தி எப்போது தொடங்குகிறது?

கர்ப்ப காலத்தில் வாந்தி மற்றும் குமட்டல் ஆகியவை பொதுவாகும். இது 75% கர்ப்பிணிப் பெண்களால் அனுபவிக்கப்படுகிறது. பெரும்பாலான பெண்கள் கர்ப்பத்தின் ஆறு வாரங்களில் வாந்தியை அனுபவிக்கிறார்கள். இது நாட்கள் முதல் மாதங்கள் வரை நீடிக்கும். இருப்பினும், பெரும்பாலான பெண்கள் கர்ப்பத்தின் முதல் மூன்று மாதங்களுக்குப் பிறகு தங்கள் நிலையில் முன்னேற்றத்தை அனுபவிக்கிறார்கள். கர்ப்ப காலத்தில் வாந்தியெடுத்தல் ஒரு மோசமான அறிகுறி அல்ல என்பதை கவனத்தில் கொள்ள வேண்டும். இருப்பினும், தொடர்ந்து அதிகப்படியான வாந்தியெடுத்தல் தாய் மற்றும் குழந்தையின் டிஹைட்ரேஷனுக்கு வழிவகுக்கும்.

கர்ப்ப காலத்தில் வாந்தி எடுப்பது எப்படி?

கர்ப்ப காலத்தில் வாந்தியைக் குறைக்க அல்லது நிறுத்த எந்த தீர்க்கமான முறையும் இல்லை. இருப்பினும், சில முயற்சிகள் உதவலாம். அதற்கு இங்கு சில நடைமுறை வழக்கங்களை காணலாம்.

உங்கள் உணவு முறைகளில் மாற்றங்களைச் செய்யுங்கள்.

நீங்கள் முதலில் முயற்சி செய்ய வேண்டியது, சிறிய இடைவெளியில் சிறிய அளவிலான உணவை உண்ண வேண்டும். கர்ப்ப காலத்தில், ஒரே நேரத்தில் அதிகம் சாப்பிட வேண்டாம். தானியங்கள், சிற்றுண்டி, க்ராக்கர்கள், உலர்ந்த பழங்கள் ஆகியவற்றுடன் உங்கள் நாளைத் தொடங்குவது நல்லது. தண்ணீர், பழச்சாறுகள், போன்ற திரவங்களை குறைந்த அளவில் பருகுவதும் அவசியம். இரண்டு நேரம் முழு உணவு, அதாவது மதிய உணவு மற்றும் இரவு உணவை சாப்பிடுவதற்கு பதிலாக, கர்ப்பிணிகள் இரண்டு முதல் மூன்று மணி நேரத்திற்கு ஒருமுறை சிறிய உணவை சாப்பிட வேண்டும்.

சில உணவுகளின் கடுமையான வாசனையால் கர்ப்பிணிப் பெண்களுக்கும் குமட்டல் ஏற்படுகிறது. இதுபோன்ற சந்தர்ப்பங்களில், புலன்களுக்கு விரும்பத்தகாத உணவுகளைத் தவிர்ப்பது நல்லது. எண்ணெயான, வறுத்த மற்றும் காரமான உணவுகளைத் தவிர்ப்பது முக்கியம். ஏனெனில், அவை வாந்தியெடுப்பதற்கு முக்கிய தூண்டுதல் காரணிகளாக இருக்கலாம்.

வீட்டு வைத்தியம் மூலம் கர்ப்ப காலத்தில் வாந்தி எடுப்பதை நிறுத்துவது எப்படி?

கர்ப்ப காலத்தில் ஏற்படும் வாந்தியை சமாளிக்க சில நேரங்களில் வீட்டு வைத்தியம் உதவியாக இருக்கும். இருப்பினும், ஒவ்வொரு மனித உடலும் வித்தியாசமானது என்பதையும், குறிப்பிட்ட வீட்டு வைத்தியம் சில சந்தர்ப்பங்களில் வேலை செய்யாமல் போகலாம் என்பதையும் அறிந்து கொள்வது அவசியம். அதே வேளையில், முயற்சி செய்ய சில வீட்டு வைத்தியங்களை இங்கே காணலாம்:

எலுமிச்சை

கர்ப்ப காலத்தில் வாந்தி எடுப்பதை நிறுத்துவதற்கு எலுமிச்சை, பாதுகாப்பான வீட்டு வைத்தியமாகும். கர்ப்பிணிப் பெண்கள் நன்றாக உணர ஃப்ரெஷ்ஷான எலுமிச்சை தோலை நுகரலாம். அடிக்கடி ஏற்படும் வாந்தியை சமாளிக்க சிறிது எலுமிச்சைப் பழச்சாற்றை குடிப்பதும் நல்லது.

புதினா

வாந்தியை சமாளிக்க மற்றொரு அற்புதமான வழி புதினா. இவை செரிமானத்தை மேம்படுத்தும் ‘மென்தால்’ பண்புகளுடன் வருகிறது. குமட்டல் மற்றும் வாந்தியைக் குறைக்க, ஃப்ரெஷ்ஷான புதினா இலைகளை ஒரு நாளைக்கு ஒரு முறை மென்று சாப்பிடுவது நல்லது.

வைட்டமின் B6 கொண்ட உணவுகள்

கருவின் வளர்ச்சிக்கு வைட்டமின் பி6 உள்ள உணவுகளை உட்கொள்வது அவசியம். இது குமட்டல் மற்றும் வாந்தியை ஒரு குறிப்பிட்ட அளவிற்கு குறைக்கும் என்பதும் குறிப்பிடத்தக்கது. குமட்டலைத் தடுக்க வைட்டமின் பி6 நிறைந்த உணவுகளை சாப்பிடுவது மிகவும் நல்லது.

சீரகத் தண்ணீர்

கர்ப்ப காலத்தில் குமட்டல் மற்றும் வாந்தியை சமாளிக்க மற்றொரு பயனுள்ள மற்றும் பாதுகாப்பான வழி சீரகத் தண்ணீரை உட்கொள்வது. வழக்கமான தண்ணீரில் ஒன்று அல்லது இரண்டு டீஸ்பூன் சீரகத்தை சேர்த்து சுமார் 15 நிமிடங்கள் சூடாக்குவதன் மூலம் சீரகத் தண்ணீரை தயாரிக்கலாம். அதை குளிர்வித்து, நாள் முழுவதும் சிறிய அளவில் பருகி வரலாம்.

வழக்கமாக நடைப்பயிற்சிக்கு செல்வது

கர்ப்பிணிப் பெண்களுக்கும், கருவுக்கும் நடைபயிற்சி மிகவும் பயனுள்ள மற்றும் இலகுவான உடற்பயிற்சியாகும். இது ஆரோக்கியத்தை மேம்படுத்துவதோடு, குமட்டல் மற்றும் வாந்தியையும் கணிசமாகக் குறைக்கும். எல்லாவற்றிற்கும் மேலாக, வழக்கமாக நடைப்பயிற்சி செய்வது நார்மல் டெலிவரிக்கான வாய்ப்பை அதிகரிக்கும் என்று கூறப்படுகிறது.

சிட்ரஸ் பழங்களை சாப்பிடுங்கள்

சிட்ரஸ் பழங்கள் சிறந்த ஆண்டிஆக்ஸிடண்ட்ஸ் என்பதால், குமட்டல் மற்றும் வாந்தியை எளிதாக்க உதவும். எனவே, அவற்றை வழக்கமான உணவில் சேர்த்துக்கொள்வது, புளிப்பு சுவையை ரசிக்கவும் ஏதுவாக இருக்கும்.

கர்ப்ப காலத்தில் ஏற்படும் வாந்தியை மருந்து மூலம் கட்டுப்படுத்துவது எப்படி?

வீட்டு வைத்தியம் வேலை செய்யவில்லை என்றால், வாந்தி தாங்கமுடியாமல் போனால், அதை நிறுத்த மருந்துகளை நாடுவது நல்லது. ஆயினும், வாந்தி மற்றும் குமட்டலைக் கட்டுப்படுத்த எந்த மருந்தையும் தேர்ந்தெடுக்காமல் இருப்பது நல்லது, ஏனெனில், அது குழந்தையின் ஆரோக்கியத்தை பாதிக்கலாம். கர்ப்பிணிப் பெண்கள் செய்யக்கூடிய சிறந்த விஷயம், தங்கள் மகளிர் மருத்துவ நிபுணரிடம் தங்கள் நிலையைப் பற்றி ஆலோசிப்பதாகும். தாய் மற்றும் கருவின் நிலைக்கு ஏற்ப சரியான மருந்தை அவர்கள் பரிந்துரைப்பார்கள்.

இதையும் படிக்கலாமே! - 10-வார கர்ப்பகால வயிற்றின் அளவு: எது இயல்பானது, எது இயல்பில்லை?

முடிவுரை

குமட்டல் மற்றும் வாந்தியெடுத்தல் கர்ப்பத்தின் பொதுவான அறிகுறிகளாகக் கருதப்படலாம். ஆனால். அது நாள்பட்டதாக மாறினால் அதைச் சமாளிப்பது சவாலாக இருக்கும். கர்ப்ப காலத்தில் வாந்தி எடுப்பதை எப்படி நிறுத்துவது என்று பல பெண்கள் போராடுகிறார்கள். மேலே கொடுக்கப்பட்டுள்ள நடைமுறை டிப்ஸ், வீட்டு வைத்தியம் மற்றும் உணவு முறை மாற்றங்கள், குமட்டல் மற்றும் வாந்தியைப் போக்க உதவும். இருப்பினும், இந்த முறைகள் வேலை செய்யாமலும் போகலாம். இதுபோன்ற சந்தர்ப்பங்களில், மருத்துவ நிபுணரின் உதவியை நாட வேண்டியது அவசியம். குறிப்பாக, ஒரு மகளிர் மருத்துவ நிபுணரால் நிலைமையை எளிதாக்க சரியான மருந்துகளை பரிந்துரைக்க முடியும்.