குழந்தையின் நகர்வு ஏன் அடிவயிற்றுப் பகுதியில் உணரப்படுகிறது? | Why you are feeling baby movement in lower abdomen in Tamil

உதை மேல் உதை, அடுத்தடுத்த அசைவுகள். ஒவ்வொரு நாளும் உங்கள் அடிவயிற்றுப் பகுதியில் வெவ்வேறு விஷயங்களை உணரலாம். இவற்றில் பெரும்பாலானவை இயல்பானது தான். ஆனால், சில சமயங்களில் குழந்தையின் அசைவு அல்லது இயல்புக்கு மாறான உணர்வு தென்படக் கூடும்.

குழந்தையின் நகர்வு குறித்த உணர்வு அடிவயிற்றுப் பகுதியில் தென்படுவது எதனால் என்பது குறித்து இந்தக் கட்டுரையில் நாம் பார்க்கலாம்.

என் குழந்தையின் நகர்வு காரணமாக அடிவயிற்றுப் பகுதியில் எனக்கு உணர்வு தென்படுவது ஏன்? (Why am I experiencing movement in my lower abdomen from my baby in Tamil)

இதற்கு முன்பு வரையிலும், குழந்தை உதைத்து விளையாடவும், சிலிர்த்துக் கொள்ளவும் தேவையான இட வசதி இருந்தது. இந்தத் சமயத்தில் தான், தங்களுக்கு நகர்த்தக் கூடிய கை, கால்கள் நமக்கு இருக்கின்றன என்பதை குழந்தை உணர்ந்து கொண்டிருக்கும். ஆக, இந்தத் தருணத்தில் குழந்தையின் நகர்வு என்பது பிறந்த குழந்தைகளுக்கு ஈடானதாக இருக்கும். கால்களை அசைத்தால் என்ன நடக்கிறது என்பதை குழந்தை முயற்சித்துப் பார்த்துக் கொண்டிருக்கும். இந்தத் தருணத்தில் குழந்தையின் உதை என்பது வெவ்வேறு உயரங்கள் மற்றும் இடங்களில் நிகழும். சில சமயம், உங்கள் அடிவயிற்றுப் பகுதியில் இது நிகழுவதாகத் தோன்றும்.

ஒரு கர்ப்பிணிப் பெண் தன்னுடைய அடிவயிற்றுப் பகுதியில் குழந்தை உதைப்பதை உணரும் பட்சத்தில் அது குறித்து கவலை கொள்ளத் தேவையில்லை. வெவ்வேறு நகர்வுகள் மற்றும் நரம்பு மண்டல வளர்ச்சிக்கு உதவிடும் வகையில் எப்படி செயல்படுவது மற்றும் குதூகலமாக இருப்பது எப்படி என்பது குறித்து குழந்தை பரிசோதித்துக் கொண்டிருக்கிறது என்று அர்த்தம். இதை ஒரு அழகியத் தருணமாக பெண் உணரலாம். கர்ப்பிணிப் பெண்ணுக்கு அவரது அடிவயிற்றுப் பகுதியில் குழந்தை நகரும் போது கீழ்காணும் உணர்வு தென்படும்:

• உதைத்தல்

• திரும்புதல்

• விக்கல்

• கை, கால்களை வளைத்தல்

  Article continues below advertisment

• குழந்தை தன் கால்கள் கொண்டு பயிற்சி செய்தல்

அடிவயிற்றுப் பகுதியில் குழந்தை உதைக்கும் போது உங்களுக்கு வலிக்குமா? (Does it hurt when the baby kicks you in the lower abdomen in Tamil)

இல்லை. பொதுவாக பார்க்கப் போனால், அடிவயிற்றுப் பகுதியில் குழந்தை உதைப்பதால் அல்லது குத்து விடுவதால் பெரிய அளவுக்கு வலி ஏற்படாது. ஆனால், அடிவயிற்றுப் பகுதியில் குழந்தையின் நகர்வு காரணமாக ஏற்படும் உணர்வுக்கும், வாயுத் தொல்லையால் ஏற்படும் உணர்வுக்கும் இடையே உள்ள வேறுபாடுகளை ஒரு கர்ப்பிணிப் பெண் உணர முடியும். உதாரணத்திற்கு, கர்ப்பத்தின் 6ஆவது மாதத்தில் குழந்தையின் உதை சற்று கடுமையானதாக இருக்கும். இதனுடன் புரட்டும் உணர்வு சேர்ந்து கொள்வதால் கர்ப்பிணிப் பெண்கள் அடுத்தடுத்த அதிர்வுகளை உணரலாம். கர்ப்பிணிப் பெண் சில கடுமையான வேலைகளை செய்யும் போது அடிவயிற்றுப் பகுதியில் குழந்தை நகருவதை உணரலாம். ஏனெனில், இந்த சமயத்தில் பனிக்குடத்தில் குழந்தைக்கு கூடுதல் இடவசதி கிடைக்கும்.

எனினும், அடிவயிற்றுப் பகுதியில் தடாலென்ற சத்தத்தை கர்ப்பிணிப் பெண் உணருகிறார் என்றால், அது உங்கள் வயிறு அல்லது முதுகு நோக்கி தள்ளப்படும் குழந்தையின் தலைப்பகுதியால் உண்டாகக் கூடியதாக இருக்கும். கால்களால் இந்த உணர்வு ஏற்படாது.

மருத்துவ சிகிச்சை எப்போது தேவைப்படும் (When you could require medical attention in Tamil)

குழந்தை இடது அடிவயிற்று பகுதி நோக்கி இருப்பதாக ஒரு கர்ப்பிணிப் பெண் உணரும் பட்சத்தில் அல்லது குழந்தை பின்பகுதியை உயர்த்தியவாறு இருக்கிறது என்றால், அந்த சமயத்தில் கர்ப்பிணிப் பெண் தன்னுடைய அடிவயிற்றுப் பகுதியில் கூடுதலான உதையை உணரக் கூடும். குழந்தையின் தலைத் திரும்பும் சமயத்தில் ஏற்படும் வலியை காட்டிலும் இது கூடுதலாக இருக்கக் கூடும். இருப்பினும், பிரசவ தேதிக்கு முன்னதாகவே திரும்பிக் கொண்ட குழந்தையை சரியான முறையில் வைப்பதற்கு மகப்பேறு மருத்துவர் உதவி செய்வார். இதற்குப் பெயர் வெளிப்புற சீஃபாலிக் முறை அல்லது இசிவி (ECV) என்பதாகும். குழந்தையை திருப்புவதற்காக லேசானது முதல் கடுமையான அழுத்தத்தை மருத்துவர் ஏற்படுத்தக் கூடும். கீழ்காணும் ஏதேனும் அறிகுறிகள் தென்பட்டால் கர்ப்பிணிப் பெண்கள் மருத்துவரை அணுக வேண்டும்.

• அதிகப்படியான வயிற்றுப்போக்கு

  Article continues below advertisment

• உடல் சோர்வு அல்லது மயக்க உணர்வு

• பெண்ணுறுப்பில் உதிரப்போக்கு அல்லது வழக்கத்திற்கு மாறான கசிவு

• நெஞ்சு, கை அல்லது கால்களில் வலி

• 100 டிகிரிக்கும் மேலான உடல் வெப்பநிலை

• வீக்கம்

  Article continues below advertisment

• சிறுநீர் கழிப்பதில் சிரமம்

• தலைசுற்றல் அல்லது கடுமையான தலைவலி

கர்ப்பமாக இல்லாத சமயத்தில் அடிவயிற்றில் ஏற்படக் கூடிய நகர்வுகளுக்கான காரணம் (Movement in the lower abdomen when not pregnant in Tamil)

கர்ப்பமாக இல்லாத பெண்களுக்கும் அடிவயிற்றில் அசாதாரணமான நகர்வுகள் அல்லது உணர்வுகள் தென்படக் கூடும்.

செரிமானம் போன்ற ஒவ்வொரு உடல் இயக்க செயல்பாடுகள் காரணமாக இதுபோன்ற உணர்வுகள் தென்படலாம். வாயுத்தொல்லை அல்லது வயிறு உப்புசம் காரணமாகவும் கூட இது நிகழக் கூடும். இந்த நகர்வுகளுக்கு என்ன காரணம் என்பதை ஒரு பெண் கண்டறிய முடிந்தால், இதற்கு சிகிச்சை தேவையா, மருத்துவரை பார்க்க வேண்டுமா என்பது குறித்து அவர் முடிவு செய்யலாம்.

1. செரிமானம் (Digestion)

ஒரு நபர் சாப்பிடுகின்ற போது, செரிமானக் கட்டமைப்பு தசைகள் அந்த உணவை வயிற்றில் இருந்து குடல் பகுதிக்கு நகர்த்திக் கொண்டு செல்கிறது. சாப்பிட்ட பிறகு அல்லது சாப்பிட்ட சில மணி நேரத்திற்குப் பிறகு இந்த தசைகள் நகரக் கூடும்.

2. செரிமானக் கோளாறு (Indigestion)

ஒரு பெண்ணுக்கு செரிமானக் கோளாறு ஏற்படுகின்றபோது, அந்தப் பெண் தனது வயிறு விழுங்கப்பட்டதை போல உணருவார். தசை இயக்கத்தை போல இந்த உணர்வு தென்படும்.

3. மாதவிலக்கு (Ovulation)

மாதவிலக்கு சுழற்சியின்போது ஒரு பெண்ணுக்கு வெவ்வேறு உணர்வுகள் தென்படக் கூடும். மாதவிலக்கு தொடங்கும் சமயத்தில், தசைப்பகுதிகளில் ஏற்படும் பிடிப்புகள் காரணமாக அடிவயிற்றுப் பகுதியில் இறுக்கமான நிலை தென்படும். இதுவும் ஒரு நகர்வு போல இருக்கும்.

4. தசை பிடிப்புகள் (Muscle spasms)

ஒரு பெண்ணுக்கு கை, கால்களில் தசை பிடிப்பு ஏற்படுவதைப் போலவே வயிற்றிலும் ஏற்படலாம். தசைகளுக்கு சிரமம் தரும் நடவடிக்கை அல்லது அதிகப்படியான பயன்பாடு காரணமாக இதுபோன்ற பிடிப்புகள் ஏற்படக் கூடும்.

5. கற்பனையான உதைகள் (Phantom kicks)

கர்ப்பமாக இல்லாத பெண்களுக்கும், இல்லாத குழந்தை உதை விடுவதை போன்ற உணர்வு தென்படும். பெரும்பாலான பெண்களுக்கு பிரசவித்த பிறகு இந்த உணர்வு தென்படுகிறது. ஆனால், வேறு சிலருக்கு சில ஆண்டுகள் கழித்து இந்த உணர்வு தென்படும்.

6. குடலில் சிரமங்கள் (Intestinal obstruction)

வயிற்றில் இருந்து செரிமானம் ஆன உணவுப் பொருள்கள் நீண்ட தொலைவு கொண்ட குடல்பகுதி வழியாகவும், உறுப்புகள் வழியாகவும் பயணிக்கும். மலமாக உடலை விட்டு வெளியேறும் முன்பாக இந்த நடவடிக்கை நிகழும். சில சமயம், இந்த செரிமானப் பாதையில் அடைப்பு ஏற்படக் கூடும். இந்த அடைப்பு என்பது பகுதியளவு அல்லது முழுமையானதாக இருக்கும். இவ்வாறு அடைப்பு ஏற்படும்போது, நகர்வுகளை போன்ற தசை பிடிப்புகள் உள்பட பல்வேறு அறிகுறிகளை பெண்கள் உணரக் கூடும்.

7. டைவர்டிகுலிடிஸ் (Diverticulitis)

டைவர்டிகுலிடிஸ் என்பது செரிமானக் கட்டமைப்பில் ஏற்படக் கூடிய பிரச்சனை ஆகும். வயிறு உப்புசம், வயிற்றுப்போக்கு மற்றும் கழிவறைக்கு செல்ல இயலாமை போன்ற அசாதாரணமான தொந்தரவுகளை இது ஏற்படுத்தக் கூடும். வயிற்றுப் பகுதியில் இது வலியை ஏற்படுத்தும் மற்றும் பிடிப்பு உண்டாக்கும். அதுவும் கூட ஒரு நகர்வு போல தென்படும்.

இதையும் படிக்கலாமே! - கர்ப்ப காலத்தில் தடுப்பூசிகள்: கர்ப்ப காலத்தில் டிடி ஊசியை எப்போது போட்டுக் கொள்ள வேண்டும்

முடிவுரை (Conclusion)

அடிவயிற்றில் நகர்வு தென்படுகிறது என்றால், அது குழந்தை ஆரோக்கியமாக வளருகிறது என்பதற்கான அறிகுறியாகும். குழந்தை நகர்ந்து கொண்டே இருப்பதால் இந்த உணர்வு தென்படும். அடிக்கடி மருத்துவரை ஆலோசனை செய்து, அல்ட்ராசவுண்ட் பரிசோதனை செய்து கொள்ளும் பெண்கள், தங்கள் குழந்தை ஆரோக்கியமாகவும், எதிர்பார்க்கப்பட்ட அளவிலும் வளர்ச்சி அடைவதை உறுதி செய்து கொள்ளலாம்.

References

1. Linde A, Georgsson S, Pettersson K, Holmström S, Norberg E, Rådestad I. (2016). Fetal movement in late pregnancy - a content analysis of women's experiences of how their unborn baby moved less or differently. BMC Pregnancy Childbirth.

2. Carlberg DJ, Lee SD, Dubin JS. (2016). Lower Abdominal Pain. Emerg Med Clin North Am.

Tags

Movement in my lower abdomen in Tamil, Baby kick hurt's in Tamil, Movement in the lower abdomen when not pregnant in Tamil, Why you are feeling baby movement in lower abdomen in Hindi, Why you are feeling baby movement in lower abdomen in Telugu, Why You Are Feeling Baby Movement in Lower Abdomen in Bengali