గర్భధారణ సమయంలో రెడ్ వైన్: దుష్ప్రభావాలు & మార్గదర్శకాలు | Red wine during pregnancy: Side Effects & Guidelines in Telugu

గర్భిణీ స్త్రీలు రెడ్ వైన్ తాగకూడదు. ఎందుకంటే ఆల్కహాల్ కడుపులో శిశువు ఎదుగుదలపై ప్రతికూల ప్రభావం చూపిస్తుంది. గర్భిణీ స్త్రీలు ఎంత మొత్తంలో మద్యం తీసుకుంటే ప్రమాదకరమో నిపుణులకు కూడా తెలియదు. అయితే గర్భవతులు మద్యానికి పూర్తిగా దూరంగా ఉండాలని చాలా మంది చెబుతుంటారు. ఈ కథనం గర్భవతులు రెడ్ వైన్ తీసుకోవడం సురక్షితమేనా ఇంకా గర్భధారణ సమయంలో రెడ్ వైన్ తాగడం వల్ల కలిగే ప్రమాదాలేమిటో పరిశీలిస్తుంది.

గర్భధారణ సమయంలో రెడ్ వైన్ తాగడం సురక్షితమేనా? (Is it safe to drink red wine during pregnancy in Telugu)

జాతీయ ఆరోగ్య సంస్థలకు సంబంధించినంతవరకు, గర్భధారణ సమయంలో మద్యం సేవించడం ప్రమాదకరం. గర్భవతులు రెడ్ వైన్ లేదా ఆల్కహాల్ ఎక్కువగా తాగినప్పుడు, ఫీటల్ ఆల్కహాల్ సిండ్రోమ్ అనే పరిస్థితి ఏర్పడుతుంది. అందువల్ల, గర్భిణీ స్త్రీలు ఎటువంటి మద్యమైనా సరే సేవించకూడదు. మాయ ద్వారా ఆల్కహాల్ శిశువు రక్తప్రవాహంలోకి ప్రవేశిస్తుంది. దీనివల్ల పుట్టుకతోనే శారీరక ఇబ్బందులు మొదలుకొని మెంటల్ రిటార్డేషన్(మానసిక మాంద్యము) వరకు అనేక సమస్యలు తలెత్తుతాయి. ఇలాంటి తీవ్ర ప్రభావాలు పుట్టిన తర్వాత లేదా బిడ్డ పెరుగుతున్నప్పుడు వ్యక్తమవుతాయి. గర్భస్థ పిండం ఆల్కహాల్ సిండ్రోమ్ కారణమయ్యే ఆల్కహాల్ పరిమాణం ఎంత అనే దాని గురించి ఎటువంటి రికార్డు లేదు, కాబట్టి గర్భవతులు గర్భధారణ సమయంలో వైన్ తీసుకోవచ్చా అనే ప్రశ్నకు సురక్షితమైన సమాధానం ఏంటంటే, వారు మద్యాన్ని తీసుకోరాదు.

గర్భధారణ సమయంలో రెడ్ వైన్ వల్ల కలిగే దుష్ప్రభావాలు (Side effects of red wine during pregnancy)

ఎవరైనా మద్యం సేవించినప్పుడు, దానిలోని రసాయనాలు రక్తంలోకి ప్రవేశిస్తాయి. కాబోయే తల్లి మద్యం తీసుకున్నపుడు, మద్యం బొడ్డు తాడు ద్వారా శిశువులోనికి ప్రవేశిస్తుంది. ఎందుగుతున్న పిండం ఆ టాక్సిన్‌ను(హానికర రసాయనాన్ని) జీర్ణించుకోలేవు లేదా జీవక్రియ ద్వారా ఇముడ్చుకోలేవు. తర్వాత ఇది అనేక ప్రమాదాలను కలిగిస్తుంది. గర్భధారణ సమయంలో ఆల్కహాల్ తాగడం వల్ల పుట్టుకతో వచ్చే అసాధారణతలు, గర్భస్రావం ఇంకా అకాల ప్రసవానికి అవకాశం పెరుగుతుందని నిర్ధారించబడింది. ఇది ఫీటల్ ఆల్కహాల్ స్పెక్ట్రమ్ డిజార్డర్ (FASD)కి కూడా దారితీయవచ్చు. అంటే ఇది(FASD) జీవితకాలం పాటు ఉండే వివిధ శారీరక, ప్రవర్తనా ఇంకా మానసిక సమస్యలను తెలియజేసేది. ఈ రుగ్మతలు మితంగా లేదా తీవ్రంగా కూడా ఉండవచ్చు ఇంకా వాటిని చికిత్స లేదా నయం చేయలేనివిగా ఉండవచ్చు.

మీకు ఇది కూడా నచ్చుతుంది: గర్భిణీ మహిళల రోజువారీ సమతుల్య ఆహారం: ఏం తినాలి ఇంకా ఏం తినకూడదు

ఫీటల్ ఆల్కహాల్ స్పెక్ట్రమ్ రుగ్మతలోని అత్యంత తీవ్రమైన రకం ఫీటల్ ఆల్కహాల్ సిండ్రోమ్ (FAS). ఈ సిండ్రోమ్ ఉన్న శిశువులు పై పెదవి ఇంకా ముక్కు మధ్య చదునుగా ఉండటం ఇంకా చిన్నని తల వంటి అసాధారణమైన ముఖ లక్షణాలను చూపించవచ్చు. అలాగే.. వారి వయస్సులో ఉన్న పిల్లల కంటే పొట్టిగా ఇంకా తక్కువ బరువుని కలిగి ఉంటారు. ఫీటల్ ఆల్కహాల్ సిండ్రోమ్ చూపించే మరిన్నిలక్షణాలు క్రింద చూపినట్లుగా ఉంటాయి:

• నిద్ర సమస్యలు.
• శిశువుగా ఉన్నప్పుడూ పాలు పీల్చుకోవడంలో సమస్య .
• కంటి చూపు సమస్యలు.
• వినికిడి సమస్యలు.
• గుండె మరియు మూత్రపిండాల సమస్యలు.
• సహకార లోపాలు(సహకరించకపోవడం).
• జ్ఞాపకశక్తి సమస్యలు.
• హైపర్యాక్టివ్(అతిచురుకైన) ప్రవర్తన.
• ఏకాగ్రతలేమి సమస్య.
• నేర్చుకోవడంలో (అభ్యాస రుగ్మత) ఇబ్బందులు.
• మాట్లాడటంలో జాప్యం.
• తక్కువ (మేధో సామర్థ్యాలు)IQ.
• అసంపూర్ణమైన జ్ఞానం ఇంకా నిర్ణయాత్మక సామర్థ్యాలు.

FAS సమస్య అనేది తరచుగా మద్యపానం లేదా అతిగా మద్యం సేవించే గర్భవతులతో ముడిపడి ఉంటుంది.

మీకు ఇది కూడా నచ్చుతుంది: అప్పుడే పుట్టిన శిశువుల విషయంలో ఎలాంటి కేర్ తీసుకోవాలి?

గర్భవతులు ఏ రకమైన వైన్ తాగవచ్చు? (What type of wine can a pregnant woman drink in Telugu)

గర్భవతులు వైన్ తాగవచ్చా? గర్భంతో ఉన్న మహిళలు గర్భధారణ సమయంలో రెడ్ వైన్ తాగవచ్చా లేదా అనేదానికి క్షేమకరమైన సమాధానం ఏమిటంటే, వారు దానికి దూరంగా ఉండేందుకు ప్రయత్నించాలి. ఫీటల్ ఆల్కహాల్ సిండ్రోమ్ మరియు పిండానికి ఇతర సమస్యల ప్రమాదావకాశం ఉన్నందున, గర్భవతులు మద్యం సేవించకూడదు. అయితే, గర్భవతులు అతిగా మద్యం సేవించినప్పుడు, ఫీటల్ ఆల్కహాల్ సిండ్రోమ్ అనే విపత్కర పరిస్థితి ఏర్పడుతుంది. ఆల్కహాల్ మావి ద్వారా శిశువు రక్తప్రవాహంలోకి ప్రవేశిస్తుంది. ఇది పుట్టుకతో వచ్చే శారీరక ఇబ్బందుల నుండి మెంటల్ రిటార్డేషన్(మానసిక మాంద్యము) వరకు అనేక సమస్యలను కలిగిస్తుంది. ప్రసవం తర్వాత మరియు/లేదా ఎదిగే సమయంలో ఈ దుష్ప్రభావాలు బయటపడతాయి. ఫీటల్ ఆల్కహాల్ సిండ్రోమ్‌కు కారణమయ్యే ఆల్కహాల్ పరిమాణమెంతో అనేది ఇంకా నిశ్చయాత్మకంగా నమోదు కాలేదు. కాబట్టి, గర్భవతులు దీనిని తీసుకోకపోవడమే మంచిది.

ఒక గ్లాసు వైన్ గర్భస్థ శిశువుకు హాని చేస్తుందా? (Will one glass of wine hurt my baby in Telugu)

గర్భవతులు ఎంత మొత్తంలో లేదా ఎలాంటి ఆల్కహాల్ తాగినా, అది వారి బిడ్డకు హాని కలిగిస్తుంది. ఇంకా అది ప్రమాదకరం కూడా. ఫీటల్ ఆల్కహాల్ స్పెక్ట్రమ్ డిజార్డర్ అనేది పిండంలో తలెత్తే అనేక ఆల్కహాల్ సంబంధిత ఆరోగ్య సమస్యలకు వాడే ఒక విస్తృత పదం. 2017 నుండి జరిపిన ఒక అధ్యయన సమీక్షలో గర్భవతిగా ఉన్నప్పుడు మద్యం సేవించిన 13 మంది స్త్రీలలో ఒకరికి కొంత FASDతో బిడ్డను పొందినట్లు కనుగొన్నారు. గర్భవతులు ఒకవేళ మద్యం సేవిస్తే:

• ఆల్కహాల్ గర్భవతుల రక్తప్రవాహంలో నుండి మాయ ద్వారా వారి బిడ్డలోకి ప్రవేశిస్తుంది.
• గర్భస్థ శిశువులో తల్లి కంటే ఎక్కువగా రక్త సాంద్రత పెరగవచ్చు, ఎందుకంటే వారి ఎదుగుతున్న శరీరం ఆల్కహాల్‌ను త్వరగా వదిలించుకోలేదు.
• గర్భవతులు ఆల్కహాల్ తీసుకోవడం వల్ల శిశువు ఆరోగ్యంగా ఎదగడానికి అవసరమైన ఆక్సిజన్ ఇంకా ఆహారానికి ఆటంకం కలవచ్చు.
• గర్భవతులు ఎక్కువగా మద్యం సేవిస్తే, ఆల్కహాల్ వారి బిడ్డ అవయవాల పెరుగుదలను మందగింపచేసి దెబ్బతీస్తుంది, అందువల్ల శాశ్వతంగా మెదడుకు హాని కలగవచ్చు.

ముగింపు (Conclusion)

గర్భిణీ స్త్రీలు రెడ్ వైన్ తీసుకోకూడదు. గర్భవతులు సేవించేందుకు సురక్షితమైన ఆల్కహాల్ ఏదో, ప్రస్తుతం తెలియదు. అంతేకాక, గర్భవతులుగా ఉన్నప్పుడు అతిగా మద్యం సేవించే స్త్రీలు ఆరోగ్యవంతమైన శిశువులను పొందిన దాఖలాలు లేవు. గర్భధారణ సమయంలో ఆల్కహాల్ ఏదైనా సరే, అది ప్రమాదకరం ఇంకా అది తల్లీబిడ్డలకు ఎప్పుడైనా హాని కలిగించవచ్చు. సురక్షితంగా ఉండటానికి, పిల్లలు కావాలనుకొనే మహిళలు గర్భధారణ సమయంలో రెడ్ వైన్ లేదా ఎలాంటి ఆల్కహాల్ కూడా తీసుకోకూడదు. గర్భవతిగా ఉన్నప్పుడు రెడ్ వైన్ తాగకుండా ఉండేందుకు, మహిళలు ఆన్‌లైన్‌లో మరియు వారి స్నేహితులు ఇంకా కుటుంబసభ్యుల నుండి సహాయం పొందవచ్చు. ఖచ్చితమైన సలహాల కోసం డాక్టరు గారిని సంప్రదించాలి.

References

1. Armstrong EM. (2017). Making Sense of Advice About Drinking During Pregnancy: Does Evidence Even Matter? J Perinat Educ.

2. O'Brien P. (2007). Is it all right for women to drink small amounts of alcohol in pregnancy? Yes. BMJ.

Tags

Is it safe to drink red wine during pregnancy in Telugu, Can I drink red wine during pregnancy in Telugu, What are the side effects of red wine during pregnancy in Telugu, Red Wine During Pregnancy: Side Effects & Guidelines in English, Red Wine During Pregnancy: Side Effects & Guidelines in Hindi, Red Wine During Pregnancy: Side Effects & Guidelines in Tamil, ⁠Red Wine During Pregnancy: Side Effects & Guidelines in Bengali