Hair Fall During Pregnancy: Causes And Treatment in Tamil :பிரக்னன்ஸியின் போது முடி உதிர்தல்: காரணங்கள் மற்றும் சிகிச்சை

முடி உதிர்தல் என்பது ஆண்கள் மற்றும் பெண்கள் இருவருக்கும் சாதாரணமாக நிகழக்கூடியது. உண்மையில், எந்த நேரத்தில், நமது முடியின் 10% முடி உதிரும். இது முடி வளரும் சுழற்சியின் இறுதி கட்டத்தில் மொத்தமாக உதிர்கிறது. இருப்பினும், பிரக்னன்ஸியின் போது, ஈஸ்ட்ரோஜனின் அதிகரித்த அளவு இயற்கையான முடி வளர்ச்சி சுழற்சியை தாமதப்படுத்துகிறது. இது முடி வளரும் சுழற்சியின் இறுதி கட்டத்தில் அதிக முடி இருப்பதை உறுதி செய்கிறது. மேலும் முடி உதிரக்கூடிய காலத்தில் அவை உதிர்வதில்லை.

இதனால் கூந்தல் அடர்த்தியாகவும், பளபளப்பாகவும் இருக்கும். ஆனால் பிரசவத்திற்குப் பிறகு முடி உதிர்கிறது. இதுதான் பெரும்பாலான சந்தர்ப்பங்களில் நடக்கிறது. ஆயினும்கூட, பிரக்னன்ஸியின் போது முடி உதிர்தலை அனுபவிக்கும் சில பெண்கள் உள்ளனர். நீங்கள் அந்த பெண்களில் ஒருவராக இருந்தால், நீங்கள் இனி கவலைப்பட வேண்டியதில்லை. முடி உதிர்தல் பிரச்சினையை சமாளிக்க நீங்கள் என்ன செய்யலாம் என்பதைப் பற்றி மேலும் அறிய தொடர்ந்து படிக்கவும்!

கர்ப்ப காலத்தில் பெண்களுக்கு முடி கொட்டுவது ஏன்?(Why Do Women Experience Hair Fall During Pregnancy in Tamil)

பிரக்னன்ஸியின் போது முடி உதிர்வதற்கு பல்வேறு காரணங்கள் இருக்கலாம். ஒரு சில கண்டிஷன்கள் மீளக்கூடியதாக இருக்கலாம்; இருப்பினும், பிற கண்டிஷன்களுக்கு திறம்பட சிகிச்சை பெற உங்களுக்கு மருத்துவ உதவி தேவைப்படலாம். மிகவும் பொதுவான காரணங்களில் சில பின்வருமாறு:

1. ஹார்மோன் மாற்றங்கள் (Hormonal changes)

பிரக்னன்ஸியின் போது, உங்கள் ஹார்மோன்கள் தொடர்ந்து ஏற்ற இறக்கமாக இருக்கும். இதனால் உங்கள் தோல் மற்றும் உங்கள் தலைமுடி இரண்டிலும் மாற்றங்கள் ஏற்படுகின்றன. சில தோல் அல்லது முடி பிரச்சினைகளிலிருந்து நிவாரணம் பெற நீங்கள் பல வீட்டு வைத்தியங்களை முயற்சி செய்யலாம் என்றாலும், பொதுவாக உங்கள் சுகாதார வழங்குநருடன் தொடர்புகொள்வது நல்லது. மருத்துவர் உங்கள் ஹார்மோன்களை சமப்படுத்த உங்களுக்கு கூடுதல் மருந்துகள் பரிந்துரைக்கலாம்.

2. மரபியல் (Genetics)

சில நேரங்களில், நீங்கள் பிரக்னன்ட்டாக இருக்கிறீர்களா? இல்லையா? என்பதை பொருட்படுத்தாமல் உங்கள் தலைமுடி வளர்ச்சிக்கான காரணங்களை ஆராய்ந்தால் மரபியல் காரணங்கள் ஒரு முக்கிய பங்கு வகிக்கலாம். குறிப்பாக உங்கள் தலைமுடிக்காக நீங்கள் பயன்படுத்தும் எந்த மருந்து அல்லது சிகிச்சையும் பலனளிக்கவில்லை என்றால், நீங்கள் பெரும்பாலும் உங்கள் மரபியல் காரணமாக முடி உதிர்தலால் பாதிக்கப்படுகிறீர்கள் என்பதை அறிந்துகொள்ளலாம்.

3. குறைவான ஊட்டச்சத்து (Poor Nutrition)

உங்கள் தலைமுடியின் வளர்ச்சி மற்றும் வலிமைக்கு உங்கள் உணவும் குறிப்பிடத்தக்க பங்கு வகிக்கிறது. உங்கள் தலைமுடிக்கு தேவையான அனைத்து வைட்டமின்களையும் பெறுவதை உறுதி செய்ய ஆரோக்கியமான மற்றும் சீரான உணவை உட்கொள்ள பரிந்துரைக்கப்படுகிறது.

4. உச்சந்தலையில் ஏற்படும் தோல் நோய்கள் (Skin Diseases Of The Scalp)

சில நேரங்களில், பொடுகு அல்லது உங்கள் உச்சந்தலையில் பேன் போன்ற பிரச்சினைகள் உங்கள் தலைமுடியில் தாக்கத்தை ஏற்படுத்தும். வழக்கத்தை விட அதிக முடி உதிர்வை நீங்கள் காணலாம். இதுபோன்ற சூழ்நிலைகளில், உச்சந்தலையில் ஏற்படும் கண்டிஷன்களுக்கு சிகிச்சையளிக்கும்போது மிகவும் பயனுள்ளதாக இருக்கும் ஒரு ஷாம்புவை உங்கள் மருத்துவர் பரிந்துரைக்கலாம்.

5. இரும்புச்சத்து போன்ற வைட்டமின் மற்றும் தாது குறைபாடுகள் (Vitamin And Mineral Deficiencies Like That Of Iron)

இரும்புச்சத்து நிறைந்த உணவுகளை உட்கொள்வதை நீங்கள் கருத்தில் கொள்வது அவசியமாகும். இரும்புச்சத்து நிச்சயமாக உங்கள் உடலின் ஒவ்வொரு செல்லுக்கும் தேவையான ஒரு முக்கியமான கனிமமாகும். ஆனால் அதிகப்படியான இரும்புச்சத்து எதிர்மறையான தாக்கத்தை ஏற்படுத்தும் என்பதால், இரும்புச்சத்து கொண்ட உணவை உட்கொள்ளும்போது நீங்கள் கவனமாக இருக்க வேண்டும்.

6. உடல்நலக் கோளாறுகள் மற்றும் ஹைப்போ தைராய்டிசம் மற்றும் பாலி-சிஸ்டிக் ஓவரியன் சிண்ட்ரோம் (பி.சி.ஓ.எஸ்) போன்ற பிரச்சினைகள். Health Disorders And Issues Like Hypothyroidism And Poly-Cystic Ovarian Syndrome (PCOS)

அத்தகைய கண்டிஷன்களுக்கு எந்த தாமதமும் இல்லாமல் உடனடியாக மருத்துவ உதவியை நாட வேண்டும். சிகிச்சையளிக்கப்படாவிட்டால், அறிகுறிகள் காலப்போக்கில் மோசமடையக்கூடும். இது தவிர, உங்கள் சீரான உணவுமுறையிலும் நீங்கள் கவனமுடன் வேண்டும்.

7. உயர் இரத்த அழுத்தம், மனச்சோர்வு அல்லது பிரக்னன்ஸியின் போது நீரிழிவு நோய்க்கு சிகிச்சையளிக்கப் பயன்படுத்தப்படும் சில மருந்துகளினால் ஏற்படும் பக்க விளைவுகள் (Side Effects Of Some Medicines Used To Treat Hypertension, Depression, Or Gestational Diabetes.)

.நீங்கள் முடி உதிர்தலுக்காக மேற்கொள்ளும் சிகிச்சை முறைகள் எதிர்மறையான பலனை அளிப்பது போன்று உணர்ந்தால், நீங்கள் பயன்படுத்தும் தயாரிப்பை உடனடியாக மாற்ற வேண்டும் அல்லது அதற்கு பதிலாக சிறந்த தரமான மற்றும் பாதுகாப்பான தயாரிப்பை பயன்படுத்த வேண்டும்.

8. பிரக்னன்ஸி அடைவதை தடுக்கும் முறைகளை நிறுத்துதல், கருக்கலைப்பு, பிரசவம் மற்றும் கருச்சிதைவு போன்ற இனப்பெருக்க காரணங்கள் (Reproductive Causes Like Discontinuation Of Birth Control Methods, Abortions, Stillbirths, And Miscarriages)

.பிரக்னன்ஸியின் போது முடி உதிர்வது சாதாரணமான ஒன்றுதான் என்றாலும், முடி உதிர்தல் அதிகமாகி மொத்தமாக முடி கொட்டுவதற்கு வழிவகுப்பதைத் தடுக்க நாம் செய்யக்கூடிய சில விஷயங்கள் உள்ளன. தவிர, முடி உதிர்தல் பிரச்சினைகளுக்கு ஆரம்ப கட்டத்திலேயே சிகிச்சையளிப்பது பொதுவாக சிறந்தது. எனவே இதன்மூலம், முடி மெலிந்து போய் தலையில் வழுக்கை திட்டுகள் ஏற்படுவதை நீங்கள் தடுக்கலாம்.

பிரக்னன்ஸியின் போது முடி உதிர்வதை எவ்வாறு சரிசெய்யலாம்? (How Can Women Treat Hair Fall During Pregnancy in Tamil)

முதலாவதாக, முடி உதிர்தல் மிகவும் இயல்பானது என்பதை புரிந்து கொள்ள வேண்டியது அவசியமாகும். குறிப்பாக, பிரக்னன்ஸியின் போது அது சகஜமான ஒன்றாகும். பிரக்னன்ஸியின் போது முடி உதிர்வதற்கு எந்த அடிப்படை காரணங்களும் இல்லாதபோது அது கண்காணிக்கப்பட வேண்டும்.

பிரக்னன்ஸியின் போது முடி உதிர்தலைக் கட்டுப்படுத்தவும், முடியின் தரத்தை மேம்படுத்தவும் உதவும் சில சிகிச்சைகள் இங்கே உள்ளன.

எண்ணெய் தேய்த்தல் (Oiling)

வாரத்திற்கு இரண்டு முறை, முடி உதிர்வதை கட்டுப்படுத்தும் எண்ணெய்யை வெதுவெதுப்பாக சூடு செய்து நம் உச்சந்தலையில் மசாஜ் செய்வதற்கு பயன்படுத்துவது நல்லது. ஆர்கான், ஆலிவ், சூரியகாந்தி, வெங்காய விதை, ஆமணக்கு மற்றும் நெல்லிக்காய் ஆகியவற்றிலிருந்து பெறப்பட்ட எண்ணெய்களைப் பயன்படுத்துங்கள். ஆர்கான், ஆமணக்கு மற்றும் ஆலிவ் எண்ணெய்கள் முடிக்கு அத்தியாவசியமான கொழுப்பு அமிலங்களை வழங்கி அவற்றை ஈரப்பதமாக்குகின்றன, அதோடு அவற்றின் பி.எச் சமநிலையை சரிசெய்கின்றன, மேலும் முடியின் பளபளப்பை மீட்டெடுக்கின்றன.

மறுபுறம், வெங்காய எண்ணெய் முடி உதிர்தலைத் தடுக்கிறது. நெல்லிக்காய் எண்ணெய் பொடுகுக்கு சிகிச்சையளிக்கிறது மற்றும் முடி உதிர்தலைத் தடுக்க மயிர்க்கால்களை வலுப்படுத்துகிறது. மேலும், சூரியகாந்தி எண்ணெய் உச்சந்தலையின் ஆரோக்கியத்தை மேம்படுத்துகிறது மற்றும் முடி வளர்ச்சியைத் தூண்டுகிறது. இந்த எண்ணெய்யை உச்சந்தலையில் 15-20 நிமிடங்கள் மசாஜ் செய்து, ஒரு மணி நேரம் விட்டுவிட்டு, லேசான ஷாம்பு கொண்டு கழுவ வேண்டும்.

பொதுவாக உங்கள் தலையில் முடி வளர்ச்சிக்கு வெங்காய எண்ணெய்யை பயன்படுத்தும் போது இரவு முழுவதும் வைத்திருக்காமல் இருப்பது நல்லது. உங்கள் தலைமுடியில் எண்ணெய்யை 45 நிமிடங்கள் ஊற விட்டு, பின்னர் ஒரு நல்ல தரமான லேசான ஷாம்பு கொண்டு அலசுங்கள். இவ்வாறு ஒருவர் தங்கள் தலைமுடியை திறம்பட பராமரிக்க முடியும்.

நன்றாக சாப்பிடுங்கள் (Eating Well)

பழங்கள் மற்றும் காய்கறிகளை நம் உணவில் சேர்ப்பதன் மூலம் நமக்கு ஏற்படும் எந்தவொரு குறைபாட்டையும் சமாளிக்க தேவையான அத்தியாவசிய தாதுக்கள், வைட்டமின்கள் மற்றும் ஃபிளேவனாய்டுகளை உட்கொள்வதை உறுதி செய்யுங்கள். சில நேரங்களில், தாது குறைபாடுகள், குறிப்பாக இரும்புச்சத்து குறைபாடு, உங்கள் வாழ்க்கையின் பிற்காலத்தில் முடி பிரச்சினைகளுக்கு வழிவகுக்கும்.

சிகையலங்காரங்களைத் தவிருங்கள் (Avoiding Extreme Styling)

பிரக்னன்ஸி என்பது நம் தலைமுடி அதிகம் உதிரக்கூடிய ஒரு காலக்கட்டம். இந்த நேரத்தில் நம் தலைமுடியில் வெப்ப கருவிகளை பயன்படுத்தி சிகை அலங்காரங்கள் செய்வது மற்றும் கடுமையான இரசாயனங்கள் அல்லது சிகை அலங்கார நுட்பங்களைப் பயன்படுத்துவதைத் தவிர்ப்பது நல்லது. ஈரமாக இருக்கும் போது சீப்புகளை பயன்படுத்துவது அல்லது நம் தலைமுடியை தேய்ப்பது போன்றவற்றை தவிர்ப்பது நல்லது. நம் தலைமுடியை நாமே உலர்த்த வேண்டும் அல்லது இயற்கையாகவே உலர வைக்க வேண்டும்.

முடி பராமரிப்பில் நீங்கள் மேற்கொள்ளும் இந்த சிறிய மாற்றங்கள் உதவவில்லை என்றால், இந்த பிரச்சினைக்கு நீங்கள் ஒரு மருத்துவரை அணுக வேண்டியிருக்கும். முடி உதிர்தல் ஏதேனும் ஒரு நோயின் அறிகுறியாக இருக்கலாம் அல்லது வேறு ஏதேனும் பிரச்சினை இருக்கலாம்.

முடிவுரை (Conclusion in Tamil)

உண்மையில் முடி உதிர்வதற்கு, குறிப்பாக பிரக்னன்ஸியின் போது முடி உதிர்வதற்கு பல காரணங்கள் உள்ளன. இருப்பினும், முடி உதிர்தல் கண்டிஷன்களை குணமாக்க பல பயனுள்ள சிகிச்சைகள் இருப்பதால் இந்த சிக்கல்களைப் பற்றி நீங்கள் அதிகம் கவலைப்பட வேண்டியதில்லை.

நீங்கள் சமீபத்தில்தான் மருந்துகளை பயன்படுத்த ஆரம்பித்து, இதுவரை எந்த வித்தியாசத்தையும் காணவில்லை என்றால், உங்கள் மருத்துவரை அணுகலாம். மீண்டும், உங்கள் முடி உதிர்தல் பிரச்சினைக்கு சிகிச்சையளிக்க நீங்கள் எடுக்கும் மருந்துகள் உங்கள் குழந்தைக்கு எந்த தாக்கத்தையும் ஏற்படுத்தாத வகையில் இருக்க வேண்டும். உங்கள் முடி உதிர்தல் பிரச்சினை குறையும் வரை லேசான ஷாம்பு மற்றும் ஆரோக்கியமான உணவை உங்கள் மருத்துவர் பரிந்துரைக்கலாம்.

மூலம் (Source)

1. Gizlenti S, Ekmekci TR,J Eur Acad Dermatol Venereol.(2014) The changes in the hair cycle during gestation and the post-partum period. NCBI

2. Grymowicz M, Rudnicka E, Podfigurna A, Napierala P, Smolarczyk R, Smolarczyk K, Meczekalski B.(2020) Hormonal Effects on Hair Follicles. Int J Mol Sci.NCBI

Tags

Hair fall,hair loss during pregnancy,hair loss in first trimester,hair loss due to pregnancy Hair Fall Durning Pregnancy in English, Hair Fall Durning Pregnancy in Telgu, Hair Fall Durning Pregnancy in Bengali