9 వారాల ప్రెగ్నెన్సీలో బ్రౌన్ డిశ్చార్జ్ - ఇది సాధారణమా?

9 వారాల ప్రెగ్నెన్సీలో బ్రౌన్ డిశ్చార్జ్‌ మిమ్మల్ని కలవరపెట్టే అవకాశం ఉంది. అయితే ప్రెగ్నెన్సీ ప్రారంభంలో యోని స్రావాలు చాలా సందర్భాల్లో సహజంగానే జరుగుతుంటాయి. అందువల్ల వేరే ఇతర లక్షణాలు ఉంటే తప్ప ఆందోళనకు కారణం కాకూడదు. లైట్ గా రంగు లేదా బ్రౌన్ రంగు (గోధుమ రంగు) డిశ్చార్జ్ అనేక విషయాలను తెలియజేస్తుంది. ప్రతి నలుగురిలో ఒకరు గర్భిణి ఏదో ఒక దశలో దీన్ని చూస్తారు. బ్రౌన్ డిశ్చార్జికి కారణాలు తెలుసుకోవడానికి దాని నుంచి ఏం ఊహించవచ్చో చదవండి.

బ్రౌన్ డిశ్చార్జ్ మరియు ప్రెగ్నెన్సీ

యోని స్రావాలు ఒక సాధారణ విషయం మరియు ఇది స్త్రీ సాధారణ లక్షణం. తెల్లటి యోని స్రావాలు లేదా ల్యుకోరియా అనేది సహజమైన అంశం. అయినాకూడా, ప్రెగ్నెన్సీ సమయంలో బ్రౌన్ డిశ్చార్జ్ కాస్త భయం కలిగిస్తుంది. ఎందుకంటే బ్రౌన్ రంగు రక్తం రంగుతో పోల్చవచ్చు. చాలామంది మహిళలు ప్రెగ్నెన్సీ సమయంలో హార్మోన్ల మార్పుల కారణంగా మందమైన స్రావాలను అనుభవిస్తారు. చాలా సందర్భాల్లో, 9 వారాల సమయంలో బ్రౌన్ డిశ్చార్జ్ అంటే పాత రక్తంతో కూడిన సాధారణ యోని స్రావం అని చెప్పొచ్చు. అసలు రక్తస్రావం ముందుగా జరిగిందని, తర్వాత డిశ్చార్జ్ అవుతున్నదని ఇది తెలియజేస్తుంది. ఇది గర్భాశయం లేదా యోని నుంచి విడుదల కావచ్చు. యోని నుంచి వచ్చే బ్రౌన్ డిశ్చార్జి చాలా సాధారణం మరియు ఆందోళన చెందాల్సిన పనిలేదు.

యోని బ్రౌన్ డిశ్చార్జికి గల సాధారణ కారణాలు

• సాధారణంగా యోని పీహెచ్‌ (pH)లో మార్పుల వల్ల 3 రోజుల వరకు ఉండే బ్రౌన్ డిశ్చార్జ్‌ను పరిష్కరించవచ్చు. అయితే ఇంటి పనులు చేయడం, అధిక బరువుతో మెట్లు ఎక్కడం లేదా భారమైన పనులు చేయడం వంటి శారీరక శ్రమ వల్ల కూడా బ్రౌన్ డిశ్చార్జి జరుగొచ్చు. ఇంకా ఈస్ట్ ఇన్ఫెక్షన్ వల్ల థిక్ బ్రౌన్ యోని స్రావాలు రావచ్చు.
• యోనిలో చిరాకు కూడా బ్రౌన్ డిశ్చార్జ్‌కు కారణమవుతుంది. ఇంకా, పెల్విక్ పరీక్ష లేదా శృంగారం కూడా కారణం కావచ్చు. ఫలితంగా కొంత మొత్తంలో బ్రౌన్ డిశ్చార్జి అవుతుంది.
• శృంగారం తర్వాత బ్రౌన్ డిశ్చార్జ్ అనేది సాధారణంగా రాపిడి కారణంగా గర్భాశయ లేదా యోని కణజాలానికి గాయం అవుతుంది. తగినంత లుబ్రికేషన్ లేేకపోతే ఇది జరగొచ్చు.
• సర్వైకల్ కణజాలాలను ప్రెగ్నెన్సీ మరింత సున్నితంగా చేస్తుంది. ఫలితంగా పెల్విక్ పరీక్ష వల్ల గర్భాశయ పొరకు గాయం కావచ్చు. ఇది 9 వారాల ప్రెగ్నెన్సీ డిశ్చార్జికి దారి తీస్తుంది, ఇది బ్రౌన్ రంగులో ఉండవచ్చు
• ప్రెగ్నెన్సీ సమయంలో గర్భాశయం మరింత సున్నితంగా ఎందుకు ఉంటుందంటే శరీరం ఆకస్మిక హార్మోన్ మార్పులకు లోనవుతుంది. దీంతో రక్త ప్రవాహం పెరుగుతుంది. ఫలితంగా, చిరాకు లేదా చిన్నపాటి గాయం కారణంగా బ్రౌన్ డిశ్చార్జ్ పెరిగే అవకాశాలు పెంచుతుంది.
• దుర్వాసనతో కూడిన స్రావాలు సాధారణంగా ఇన్ఫెక్షన్‌కు సంకేతం. సరైన చికిత్స కోసం తప్పనిసరిగా వైద్యుడిని సంప్రదించాల్సి ఉంటుంది. లైంగిక సంక్రమణ ఇన్ఫెక్షన్ లేదా STI అనేది ప్రమాద కారకం. తగిన యాంటీబయాటిక్ థెరపీతో తక్షణ చికిత్స అవసరం.

మీకు ఇది కూడా నచ్చుతుంది: తొమ్మిది వారాలకు బిడ్డ పరిమాణం సరిగ్గా ఉందా?

మొదటి త్రైమాసికంలో బ్రౌన్ డిశ్చార్జ్

ప్రెగ్నెన్సీ ప్రారంభంలో 9 వారాల గర్భిణిలో తెల్లటి స్రావాలు కనిపించడం అసాధారణమేమీ కాదు. గర్భాశయం పాత రక్తాన్ని విడుదల చేస్తుంటే అప్పుడప్పుడు బ్రౌన్ రంగు స్రావాలు కనిపిస్తాయి. గర్భధారణ ప్రారంభంలో బ్రౌన్ యోని స్రావాలకు ఇంప్లాంటేషన్ రక్తస్రావం మరింత సాధారణమైన కారణం. ప్రెగ్నెన్సీ సమయంలో గర్భాశయంలోని లైనింగ్‌కు పిండం అతికిన కొన్ని వారాల తర్వాత ఇది కనిపించవచ్చు. కాబోయే తల్లి ప్రెగ్నెన్సీ సమయంలో తన శరీరంలో జరిగే అనేక మార్పులకు సర్దుబాటు చేసుకోవాల్సి ఉంటుంది. హార్మోన్ల పెరుగుదల వల్ల గర్భాశయం మరియు జననేంద్రియాలకు రక్త ప్రవాహం పెరుగుతుంది. ఇది ఈ అవయవాలు మరింత సున్నితంగా మారడానికి కారణమవుతుంది. దీంతో చిన్న చిరాకు కలిగినా గాయమైనా బ్రౌన్ డిశ్చార్జికి కారణమవుతుంది. నొప్పి మరియు దుర్వాసన వంటి ఇతర లక్షణాలు ఉంటే క్షుణ్ణమైన చెకప్ కోసం వైద్యుడిని సంప్రదించడం మంచిది.

కాబోయే తల్లి ఎప్పుడు వైద్యుడిని సంప్రదించాలి

9 వారాల గర్భిణీ స్రావాలు ఆందోళన కలిగించకూడదు. స్రావాల పరిమాణం మరియు వాసన చూడటం మంచిది. బ్రౌన్ డిశ్చార్జ్‌తో కింది లక్షణాలు ఉన్నట్లయితే వైద్యుడిని సందర్శించడం మంచిది:

● అసౌకర్యంగా అనిపించడం- ఇన్ఫెక్షన్ వల్ల అసౌకర్యం, భరించరాని వాసన, నొప్పి మరియు తిమ్మిరి రావొచ్చు.

● డిశ్చార్జ్ రకం- పెద్ద మొత్తంలో డిశ్చార్జ్ జరిగితే శానిటరీ నాప్కిన్ అవసరం.

● జ్వరం- బ్రౌన్ డిశ్చార్జ్‌తో పాటు జ్వరం వస్తే ఇన్‌ఫెక్షన్ వచ్చే అవకాశం ఉంది

● నీటి వంటి ద్రవాలతో స్రావాలు- నడుము కింది భాగం లేదా పొత్తికడుపులో నొప్పి ఉండటంతో పాటు ముద్దల వంటి పదార్థాలు తాజా ఎర్రటి రక్తంతో కూడిన నీటి వంటి బ్రౌన్ కలర్ నీటి వంటి స్రావాలు జరిగితే గర్భస్రావం యొక్క సంకేతం కావొచ్చు.

● భరించరాని నొప్పి- మైకం, కళ్లు తిరగడం, భుజం నొప్పి మరియు తేలికపాటి తలనొప్పితో పాటు పింక్ రంగు బ్రౌన్ డిశ్చార్జ్ ఎక్టోపిక్ ప్రెగ్నెన్సీ వల్ల కావచ్చు

9 వారాల గర్భిణీ డిశ్చార్జ్ విషయంలో ఏమి చేయాలి?

నొప్పి వంటి లక్షణాలు ఉంటే స్వీయ పర్యవేక్షణ అవసరం. బ్రౌన్ డిశ్చార్జ్ తక్కువగా ఉండి, 2 లేదా 3 రోజుల పాటు కొనసాగినా, చెకప్ కోసం వెళ్లినప్పుడు డాక్టర్‌తో చర్చించడం చాలా ముఖ్యం. 9 వారాల ప్రెగ్నెంట్ డిశ్చార్జికి గల కారణాన్ని తెలుసుకోవడానికి డాక్టర్ అల్ట్రాసౌండ్ మరియు రక్త పరీక్షలు సిఫారసు చేయొచ్చు. 9 వారాల ప్రెగ్నెంట్ కి బ్రౌన్ డిశ్చార్జ్ వచ్చినా, రాకపోయినా ఆమె తప్పనిసరిగా జననేంద్రియ భాగాలకు చిరాకు కలగకుండా చూసుకోవాలి. లోదుస్తులను ఉతకడానికి తేలికపాటి సబ్బు ఉపయోగించడం లేదా జననేంద్రియ ప్రాంతాన్ని శుభ్రం చేసుకోవడానికి సబ్బు అతి వాడకం తగ్గించడమనేది జననేంద్రియ ప్రాంతంలో ఇన్ఫెక్షన్ లేదా చికాకు నివారించడానికి కొన్ని దశలుగా చెప్పుకోవచ్చు. పగటిపూట తరచుగా జననేంద్రియ ప్రాంతాన్ని కడగడం వల్ల ఇన్ఫెక్షన్ల నుంచి రక్షించే సహజ బ్యాక్టీరియా నశిస్తుంది.