ஒன்பது வார கர்ப்பத்தின் போது பிரவுன் டிஸ்சார்ஜ் ஏற்படுவதை எவ்வாறு அணுகுவது என்பதை தெரிந்து கொள்ளவும்

ஒன்பது வார கர்ப்பத்தின் போது பிரவுன் டிஸ்சார்ஜ்- இது சாதாரணமானது தானா?

• ஒன்பது வார கர்ப்பத்தில் பிரவுன் டிஸ்சார்ஜ் ஏற்படுவது உங்களை கவலையடைய செய்யலாம். இருப்பினும், கர்ப்பத்தின் ஆரம்பகால காலத்தில் இதுபோன்ற வெளியேற்றங்கள் ஏற்படுவது பெரும்பாலான நேரங்களில் இயற்கையானது. எனவே, இதனோடு மற்ற அறிகுறிகள் இல்லாத வரை இது குறித்து நீங்கள் கவலைப்பட தேவையில்லை.

• லேசான பிரவுன் டிஸ்சார்ஜ் அல்லது அடர் பிரவுன் டிஸ்சார்ஜ் என்பது பல விஷயங்களைக் குறிக்கும். மேலும் நான்கில் ஒரு கர்ப்பிணிப் பெண் இதை அனுபவிக்கிறாள். பிரவுன் டிஸ்சார்ஜ் ஏற்படுவதற்கான காரணங்களை தெரிந்துகொண்டு, அதிலிருந்து என்ன எதிர்பார்க்கலாம் என்பதை அறிய தொடர்ந்து படிக்கவும்.

பிரவுன் டிஸ்சார்ஜ் மற்றும் பிரக்னன்சி

• ஒரு பெண்ணுக்கு பிறப்புறுப்பில் இருந்து வெளியேற்றம் ஏற்படுவது ஒரு பொதுவான நிகழ்வு மற்றும் அது பெண்மையின் பண்பும் கூட. வெள்ளைப்படுதல் அல்லது லுகோரியா ஒரு இயற்கையான நிகழ்வு. இருப்பினும், கர்ப்ப காலத்தில் பிரவுன் டிஸ்சார்ஜ் ஏற்படும்போது நீங்கள் சற்று எச்சரிக்கையாக இருக்க வேண்டும். ஏனெனில் பழுப்பு நிறம் என்பது இரத்தத்தின் நிறத்துடன் ஒப்பிடப்படுகிறது. பல பெண்கள் கர்ப்ப காலத்தில் ஹார்மோன் மாற்றங்கள் காரணமாக தடிமனான வெளியேற்றத்தை அனுபவிக்கிறார்கள்.

  Article continues below advertisment

• பெரும்பாலான நேரங்களில், ஒன்பது வார கர்பத்தின்போது பிரவுன் டிஸ்சார்ஜ் என்பது பழைய இரத்தத்துடன் கூடிய சாதாரண பிறப்புறுப்பு வெளியேற்றமாக இருக்கலாம். உண்மையான இரத்தப்போக்கு முன்னதாகவே நடந்ததாகவும் அது பின்னர் வெளியேற்றப்படுவதையும் இது காட்டுகிறது. இது கருப்பை வாய் அல்லதுபிறப்புறுப்பு வழியாக நடைபெறலாம். பிரவுன் டிஸ்சார்ஜ் பொதுவாக சாதாரணமானது தான். இது குறித்து கவலைப்பட தேவையில்லை.

பிரவுன் டிஸ்சார்ஜ் ஏற்படுவதற்கான காரணங்கள்

• பிறப்புறுப்பின் pH இல் ஏற்படும் மாற்றங்கள் காரணமாக மூன்று நாட்கள் வரை நீடிக்கும் பிரவுன் டிஸ்சார்ஜ் என்பது தானாகவே சரியாகி விடும். இருப்பினும், பிரவுன் டிஸ்சார்ஜ் என்பது கடினமான வீட்டு வேலைகள், அதிக சுமையுடன் படிக்கட்டுகளில் ஏறுதல் அல்லது உடற்பயிற்சி செய்வது போன்ற சில உடல் செயல்பாடுகளின் காரணமாக இருக்கலாம். கூடுதலாக, ஈஸ்ட் தொற்று காரணமாக தடினமான பிரவுன் டிஸ்சார்ஜ் ஏற்படலாம்.

• பிறப்புறுப்பு எரிச்சல் பிரவுன் டிஸ்சார்ஜை ஏற்படுத்தலாம். கூடுதலாக, கூபக சோதனை (pelvic examination) அல்லது உடலுறவு காயத்தை ஏற்படுத்தலாம், இதன் விளைவாக பிரவுன் டிஸ்சார்ஜ் ஏற்படலாம்.

• உடலுறவுக்குப் பிறகு ஏற்படும் பிரவுன் டிஸ்சார்ஜ் பொதுவாக உராய்வு காரணமாக கருப்பை வாய் அல்லது பிறப்புறுப்பு திசுக்களில் காயத்தை ஏற்படுத்துகிறது. போதுமான லூப்ரிகேஷன் இல்லாவிட்டால் இது நிகழலாம்.

• கர்ப்பம் என்பது கர்ப்பப்பை வாய் திசுக்களை மிகவும் மென்மையாக்குகிறது. இதன் விளைவாக, கூபக சோதனையானது கருப்பை வாயின் நுண்ணிய புறணியில் காயத்தை ஏற்படுத்தலாம். இது 9 வார கர்ப்பத்தின் போது வெளியேற்றத்திற்கு வழிவகுக்கும். இந்த வெளியேற்றம் பழுப்பு நிறமாக இருக்கலாம்.

  Article continues below advertisment

• உடலானது திடீர் ஹார்மோன் மாற்றங்களுக்கு உட்படுவதால், கர்ப்ப காலத்தில் கருப்பை வாய் அதிக உணர்திறன் கொண்டதாக மாறுகிறது. ஏனெனில் இதனால் இரத்த ஓட்டம் அதிகரிக்கிறது. இதன் விளைவாக, சிறிய எரிச்சல் அல்லது காயம் கூட ஏற்படலாம். மேலும் இது பிரவுன் டிஸ்சார்ஜ் ஏற்பட காரணமாகிறது.

• பிறப்புறுப்பு வெளியேற்றத்தில் துர்நாற்றம் வீசுவது பொதுவாக நோய்த்தொற்றின் அறிகுறியாகும். மேலும் இதற்கு சிகிச்சை பெற ஒரு மருத்துவரை அணுக வேண்டும். உடலுறவு காரணமாக பரவும் நோய்த்தொற்று அல்லது STI ஒரு ஆபத்து காரணி மற்றும் இதற்கு பொருத்தமான ஆன்டிபயாடிக் உடன் அவசர சிகிச்சை தேவைப்படுகிறது.

முதல் ட்ரைமெஸ்டரின் போது பிரவுன் டிஸ்சார்ஜ்

• கர்ப்பத்தின் ஆரம்பகால காலத்தில் 9 வார கர்ப்பிணி பெண்ணுக்கு வெள்ளைப்படுதல் என்பது அசாதாரணமானது அல்ல. கருப்பையானது பழைய இரத்தத்தை வெளியிடுவதால் அவ்வப்போது பிரவுன் டிஸ்சார்ஜ் ஏற்படலாம். ஆரம்பகால கர்ப்பத்தின் போது பிரவுன் டிஸ்சார்ஜ் ஏற்படுவதற்கான மிகவும் பொதுவான காரணம் உட்பதிவு உதிரப்போக்கு ஆகும். கருத்தரித்தலின் போது கருப்பையின் புறணியில் கருமுட்டை இணைக்கப்பட்ட இரண்டு வாரங்களுக்குப் பிறகு இது தோன்றலாம்.

• ஒரு தாயாக போகும் பெண்ணானவள் கர்ப்ப காலத்தில் தனது உடலில் ஏற்படும் பல மாற்றங்களை பொறுத்துக்கொள்ள வேண்டும். ஹார்மோன் ஏற்றத்தாழ்வானது கருப்பை மற்றும் பிற இனப்பெருக்க உறுப்புகளுக்கு இரத்த ஓட்டத்தை அதிகரிக்கிறது. இதனால் இனப்பெருக்க உறுப்புகள் அதிக உணர்திறன் கொண்டதாக மாறுகிறது. மேலும் இது இனப்பெருக்க உறுப்புகளில் ஒரு சிறிய எரிச்சலை ஏற்படுத்தி காயத்தை உண்டாக்கும். இது பிரவுன் டிஸ்சார்ஜை ஏற்படுத்தும். இதன்போது வலி மற்றும் துர்நாற்றம் போன்ற பிற அறிகுறிகள் இருந்தால், முழுமையான பரிசோதனைக்கு மருத்துவரை அணுகுவது நல்லது.

தாயாக போகும் பெண்ணானவள் எப்போது மருத்துவரை அணுக வேண்டும்?

பெரும்பாலான நேரங்களில், ஒன்பது வார கர்ப்பத்தின் போது ஏற்படும் டிஸ்சார்ஜ் பற்றி கவலைப்பட தேவையில்லை. பிரவுன் டிஸ்சார்ஜின் அளவு மற்றும் அதில் ஏதும் துர்நாற்றம் வீசுகிறதா என்பதை கவனிப்பது நல்லது. பிரவுன் டிஸ்சார்ஜ் உடன் பின்வரும் அறிகுறிகள் இருந்தால் கண்டிப்பாக மருத்துவரை சந்திப்பது நல்லது:

● அசெளகரியமாக உணர்தல்

ஒரு துர்நாற்றத்துடன் கூடிய அசௌகரியம், வலி மற்றும் பிடிப்புகள் தொற்றின் அறிகுறியாக இருக்கலாம்.

● டிஸ்சார்ஜின் வகை

அதிக அளவு வெளியேற்றம் என்பது சானிட்டரி நாப்கின் தேவையை உணர்த்துகிறது

● காய்ச்சல்

பிரவுன் டிஸ்சார்ஜ் உடன் காய்ச்சல் ஏற்பட்டால் இது தொற்றின் அறிகுறியாக இருக்கலாம்

● நீர் போன்ற திரவத்துடன் டிஸ்சார்ஜ்

கீழ் முதுகு அல்லது அடிவயிற்றில் கட்டிகள் மற்றும் வலியுடன் கூடிய புதிய இரத்தத்துடன் நீர் போன்ற திரவத்துடன் பிரவுன் டிஸ்சார்ஜ் ஏற்படுவது கருச்சிதைவின் அறிகுறியாக இருக்கலாம்.

● தாங்க முடியாத வலி

தலைச்சுற்றல், மயக்கம், தோள்பட்டை வலி மற்றும் லேசான தலைச்சுற்றல் மற்றும் இளஞ்சிவப்பு பிரவுன் டிஸ்சார்ஜ் ஆகியவை எக்டோபிக் கர்ப்பத்தின் காரணமாக இருக்கலாம்.

9 வார கர்ப்பிணி பெண்ணுக்கு டிஸ்சார்ஜ் ஏற்படும் போது என்ன செய்ய வேண்டும்?

வலி போன்ற அறிகுறிகள் இருக்கிறதா என்பதை சுய பரிசோதனை மூலம் அறிந்துகொள்வது அவசியம். பிரவுன் டிஸ்சார்ஜ் மிகக் குறைவாகவும் 2 அல்லது 3 நாட்களுக்கு நீடித்தாலும் கூட, மருத்துவரிடம் ஆலோசிப்பது முக்கியம். 9 வார கர்ப்பிணி பெண்ணுக்கு டிஸ்சார்ஜ் ஏற்படுவதற்கான காரணத்தை அறிய அல்ட்ராசவுண்ட் மற்றும் இரத்த பரிசோதனை போன்ற சோதனைகளை மருத்துவர் பரிந்துரைக்கலாம்.

இதையும் படிக்கலாமே! - கர்ப்பக்காலத்தின் 9ஆவது வாரத்தின் அல்ட்ராசவுண்ட்: என்ன எதிர்பார்க்கவேண்டும் மற்றும் இதில் அபாயம் தரும் அறிகுறிகள் யாவை?

9 வார கர்ப்பத்தின் போது, ஒரு பெண் பிரவுன் டிஸ்சார்ஜை அனுபவித்தாலும் இல்லாவிட்டாலும், பிறப்புறுப்பு உறுப்புகளில் எரிச்சலைத் தவிர்க்க வேண்டும். உள்ளாடைகளைத் துவைக்க லேசான சோப்பைப் பயன்படுத்துவது அல்லது பிறப்புறுப்புப் பகுதியைக் கழுவும் போது சோப்பை அதிகமாகப் பயன்படுத்துவதைத் தவிர்ப்பது பிறப்புறுப்பு பகுதியில் தொற்று அல்லது எரிச்சலைத் தடுக்க சில உதவும் சில படிகள் ஆகும். மேலும் பகல் நேரத்தில் அடிக்கடி பிறப்புறுப்புப் பகுதியைக் கழுவுவது, தொற்றுநோய்களிலிருந்து பாதுகாக்கும் இயற்கையான பாக்டீரியாக்களை அழிக்க உதவும்.

Tags

Brown Discharge at 9 Weeks Pregnancy in English, Brown Discharge at 9 Weeks Pregnant in Hindi, Brown Discharge at 9 Weeks Pregnant in Telugu, Brown Discharge at 9 Weeks Pregnant in Bengali