சைலண்ட் ரிஃப்ளக்ஸ் பற்றி ஒருவர் தெரிந்து கொள்ள வேண்டியவை

வானிலையில் ஏற்படும் மாற்றங்கள் காரணமாக பலர் தொண்டை வலியால் பாதிக்கப்படுகின்றனர், ஆனால் ஒரு சிலருக்கு இது மிகவும் தீவிரமான ஒன்றின் அறிகுறியாகக் கூட இருக்கலாம். அவர்களுக்கு சைலண்ட் ரிஃப்ளக்ஸ் என்ற நிலை இருப்பதற்கு வாய்ப்புண்டு.

சைலண்ட் ரிஃப்ளக்ஸ் என்றால் என்ன?

சைலண்ட் ஆசிட் ரிஃப்ளக்ஸ் என்பது அமிலம் வால்வு வழியாக வயிற்றில் இருந்து உணவுக்குழாய்க்குள் மேலே வந்து தொண்டைப் பகுதியில் எரிச்சலை உண்டாக்கும் நிலையே ஆகும்.

பொதுவாக நம் வயிற்றில் ஒரு பாதுகாக்கும் லைனர் இருக்கும். ஆனால், உணவுக்குழாயில் அவ்வாறு எந்த லைனரும் இருக்காது. அதனால் அங்கு எரிச்சல் உணர்வு தோன்றலாம். இதன் காரணமாக ஒருவரின் பேசும் திறன், பாதிக்கப்படும். அதோடு அடிக்கடி தொண்டை வலி, இருமல் மற்றும் மார்பெலும்பில் வலியும் ஏற்படும்.

சைலண்ட் ரிஃப்ளக்ஸிற்கான எக்ஸ்பேர்ட் பராமரிப்பு

குரல்வளை மற்றும் அது தொடர்பான நோய்களுக்கு சிகிச்சை அளிக்கும் நிபுணர்கள் (காது, மூக்கு மற்றும் தொண்டையில் உள்ள குரல்வளை பிரச்சனைகளில் நிபுணத்துவம் பெற்ற மருத்துவர்கள்) சைலண்ட் ரிஃப்ளக்ஸ் மற்றும் பிற உணவுக்குழாய், தொண்டை மற்றும் குரல்வளை சார்ந்த கோளாறுகளைக் கண்டறிந்து சிகிச்சையளிப்பதில் பரந்த அனுபவத்தைக் கொண்டுள்ளனர். அவர்கள் பொதுவாக மருந்து மற்றும் வாழ்க்கை முறை மாற்றங்களை பரிந்துரைப்பார்கள். அடுத்து, அறுவை சிகிச்சை அல்லாத சிகிச்சை தோல்வியுற்றால், அவர்கள் அதிநவீன குறைந்தபட்ச ஊடுருவும் நடைமுறைகளை முன்மொழிவார்கள்.

சைலண்ட் ரிஃப்ளக்ஸ் ஏற்படுவதற்கான காரணங்கள்

ரிஃப்ளக்ஸைத் தூண்டக்கூடிய பல விஷயங்கள் உள்ளன. இத்தகைய அறிகுறிகள் தங்களுக்கு சைலண்ட் ரிஃப்ளக்ஸ் அல்லது லாரன்ஜியல் ஃபரிஞ்சீயல் ரிஃப்ளக்ஸ் (எல்பிஆர்) இருப்பதன் காரணமாகத் தான் தோன்றுகிறது என்று பெரும்பாலானவர்கள் உணர்வது இல்லை. நாம் சாப்பிடும்போது, உணவு உணவுக்குழாய் வழியாகத் தான் வயிற்றுக்குள் செல்கிறது.

இரைப்பை வயிற்றுடன் இணையும் இடத்தில உள்ள சுருக்குத்தசை (எலாஸ்டிக் போன்ற தசை வளையம்) உணவுக்குழாய்க்கு மேல் வயிற்றின் உள்ளடக்கங்கள் செல்லாமல் தடுத்து மூடுகிறது. சுருக்குத்தசையானது சரியாக மூடப்படாமல் இருந்தால், அமிலத் தன்மை நிறைந்த வயிற்றின் உள்ளடக்கங்கள் மீண்டும் உணவுக்குழாய், கழுத்து மற்றும் குரல்வளை வரை செல்லும். இது சைலண்ட் ரிஃப்ளக்ஸிற்கு வழிவகுத்து விடும்.

சைலண்ட் ரிஃப்ளக்ஸின் அறிகுறிகள்

சைலண்ட் ரிஃப்ளக்ஸ், இதன் பெயர் குறிப்பிடுவது போல, சில சைலண்ட் ஆன ஒரு சில அறிகுறிகளைக் காட்டும். சைலண்ட் ரிஃப்ளக்ஸை ஒப்பிடுகையில், இரையக உண்குழலியப் பின்னோட்ட நோய் அறிகுறிகளைக் காட்டும். சைலண்ட் ரிஃப்ளக்ஸ் உடைய பெரும்பாலானவர்களுக்கு நெஞ்செரிச்சல் அல்லது மார்பக வலி இருக்காது. அவர்களுக்கு பின்வரும் அறிகுறிகள் தோன்றும்:-

1. தொண்டையில் ஏதோ அடைத்துக் கொண்டிருப்பது போன்ற உணர்வு

2. கரகரப்பு

3. ஆஸ்துமா

4. போஸ்ட்நேசல் டிரிப்பிங்

5. விழுங்குவதில் சிரமங்கள்

6. குறைந்த வோக்கல் ஸ்டேமினா

7. கரகரப்பான ஒலி

8. தொடர்ச்சியான இருமல்

9. பாடும் போது அசௌகரியம்

இந்த அறிகுறிகளில் ஏதேனும் இருந்தால் அது சைலண்ட் ரிஃப்ளக்ஸ் இருப்பதைக் குறிக்கலாம். இந்த அறிகுறிகள் பொதுவானவை மற்றும் பெரிதாக தெரியாது என்றாலும், அவை கவனிக்கப்பட வேண்டிய ஒரு சிக்கலைத் தான் சுட்டிக்காட்டுகின்றன. ஒருவருக்கு தொடர்ந்து அறிகுறிகள் இருந்தால், உடனடியாக இஎன்டி நிபுணரைப் பார்க்க வேண்டியது அவசியம்.

சைலண்ட் ரிஃப்ளக்ஸைக் கண்டறிதல்

மருத்துவர் நோயறிதலுக்கு விரிவான பரிசோதனையை மேற்கொள்வார். .இதில் பெரும்பாலும் அறிகுறிகளின் வரலாற்றைப் பெறுதல் மற்றும் முயற்சித்த சிகிச்சைகள் பற்றிய தகவல்களைப் பெறுதல் மற்றும் அறிகுறிகள் எப்போது ஏற்படுகின்றன என்பது குறித்து அறிந்து கொள்வது போன்றவை அடங்கும்.

இரண்டாவது செக்-அப் மூலம் அவர்கள் பயனடைவார்கள் என நம்பினால், மருத்துவர் நோயாளியை இரைப்பைக் குடலியல் நிபுணரிடம் அனுப்பலாம். கூடுதலாக, ஒருவருக்கு சைலண்ட் ரிஃப்ளக்ஸ் மற்றும் அதன் காரணமாக வடு அல்லது சேதம் இருந்தால், மருத்துவர் நோயாளியை ஓட்டோலாரிஞ்ஜாலஜிஸ்ட்-டிடம் (இஎன்டி நிபுணர்) செல்லும்படி பரிந்துரைக்கலாம்.தேவைப்பட்டால், அவர்கள் பின்வரும் கூடுதல் சோதனைகளைச் செய்யலாம்.

• ஆசிட் ரிஃப்ளக்ஸ் சோதனை: உணவுக்குழாயில் உள்ள திரவத்தில் உள்ள அமிலத்தின் அளவைக் கண்டறியும் சோதனை இதுவாகும்.

• எண்டோஸ்கோபி: இந்த செயல்முறையில் தொண்டை மற்றும் உணவுக்குழாயின் நுனியில் ஒளிரும் கேமராவுடன் நீண்ட, மெல்லிய குழாயைப் பயன்படுத்தி அதனை சோதனை செய்து பார்ப்பார்கள்.

• ஸ்வாலோயிங் ஸ்டடி: எக்ஸ்-கதிர்கள் மூலம் காண்பிக்கப்படும் பேரியம் எனப்படும் குறிப்பிட்ட திரவத்தைப் பயன்படுத்தி உணவுக்குழாய் வழியாக உணவு எவ்வாறு வாயிலிருந்து செல்கிறது என்பதை இந்த சோதனை மதிப்பிடுகிறது.

சைலண்ட் ரிஃப்ளக்ஸ் எவ்வாறு சிகிச்சையளிக்கப்படுகிறது?

சைலண்ட் ரிஃப்ளக்ஸ் மருந்துகள் மற்றும் ஒரு சில வாழ்க்கை முறை மாற்றங்கள் மூலம் சிகிச்சையளிக்கப்டுகிறது.

வாழ்க்கை முறையை சற்று சரிசெய்தாலே ரிஃப்ளக்ஸ்க்கு பங்களிக்கும் ஆபத்து காரணிகளைக் குறைக்க முடியும்.
அத்தகைய வாழ்க்கைமுறை மாற்றங்கள் பின்வருமாறு:

• உறங்கச் செல்வதற்கு குறைந்தது மூன்று மணி நேரத்திற்கு முன் சாப்பிடுவதையும் தண்ணீர் அல்லது பால் போன்றவற்றை குடிப்பதையும் தவிர்ப்பது நல்லது.

• தூங்கும் போது தலையை சாற்றி உயர்த்தி வைத்து படுக்க வேண்டும்.

• தூண்டுதல் உணவுகளை அடையாளம் கண்டு அவற்றைக் அளவாக எடுத்துக் கொள்ளலாம் அல்லது சுத்தமாக எடுத்துக் கொள்ளாமல் கூட இருக்கலாம். இதில் சாக்லேட், காரமான உணவுகள், சிட்ரஸ், வறுத்த உணவுகள் மற்றும் தக்காளி சார்ந்த உணவுகள் போன்றவை அடங்கும்.

• புகைப்பிடிக்கும் பழக்கம் இருந்தால், அதனை விட்டுவிட வேண்டும்.

• மன அழுத்தத்தை நிர்வகிக்க கற்றுக் கொள்ள வேண்டும்.

தூண்டுதல்கள் ஒவ்வொருக்கும் வெவ்வேறு மாதிரியாக இருக்கலாம். வாழ்க்கைமுறை மாற்றங்களின் மூலம் ரிஃப்ளக்ஸை நிர்வகிப்பதற்கான முயற்சி செய்தாலும் ஒரு சிலருக்கு சில மருந்துகள் எடுத்துக் கொள்ள வேண்டி இருக்கும். சைலண்ட் ரிஃப்ளக்ஸ் மூலம் ஏற்படும் எந்த பாதிப்பையும் குறைக்க இந்த மருந்துகள் உதவும். இருப்பினும், அது தலைகீழாக மாறாது.

சைலண்ட் ரிஃப்ளக்ஸுக்கு சிகிச்சையளிக்க உதவும் சில மருந்துகள் பின்வருமாறு:

• இரைப்பை அமிலத்தைக் குறைக்க டாகாமெட், பெப்சிட் அல்லது நிசாடிடின் போன்ற ஹெச்2 தடுப்பான்கள்.

• இரைப்பை அமிலத்தைக் குறைக்க பிரிவாசிட், நெக்சியம் மற்றும் ப்ரோடோனிக்ஸ் போன்ற புரோட்டான் பம்ப் இன்ஹிபிட்டர்கள் (பிபிஐ-க்கள்) பயன்படுத்தப்படுகின்றன.

• அமிலத் தன்மையை நியூட்ரலைஸ் செய்ய ஆன்டாசிட்ஸ் கொடுக்கப்படுகின்றன

• சேதமடைந்த சளி சவ்வுகளைப் பாதுகாக்க சுக்ரால்ஃபேட் உதவுகிறது.

சாப்பிட்ட பிறகு நெஞ்செரிச்சல் இருந்தால், மருத்துவர் மைலாண்டா அல்லது கவாஸ்கான் போன்ற ஆன்டாசிட்களை பரிந்துரைக்கலாம். இதில் அறுவை சிகிச்சை அரிதாக மட்டுமே தேவைப்படுகிறது.

தொடர்புடைய ஆபத்து காரணிகள்

சைலண்ட் ரிஃப்ளக்ஸ் அறிகுறிகள் எந்த வயதினரையும் அல்லது எந்த பாலினத்தையும் பாதிக்கலாம். இதன் பொதுவான ஆபத்து காரணிகள் பின்வருமாறு:

• அதிக எடை

• உயரம்

• கர்ப்பம்

• நீடித்த மன அழுத்தம்

• புகைப்பிடித்தல்

• சிதைந்த அல்லது செயலிழந்த உணவுக்குழாய் சுருக்குத்தசை

சிட்ரஸ், தக்காளி, சாக்லேட் மற்றும் காரமான உணவுகள் போன்ற சில உணவு வகைகளும் ரிஃப்ளக்ஸ்க்கு பங்களிக்கின்றன. காபி மற்றும் ஆல்கஹால் மற்றும் கார்பனேற்றப்பட்ட பானங்கள் போன்ற பானங்கள் அனைத்தும் இத்தகைய ஆபத்தை அதிகரிக்கின்றன.

இதையும் படிக்கலாமே! - கர்ப்ப காலத்தில் வால் எலும்புவலி:நீட்டுதல் வலியைக் குறைக்கும்

இதனை சரியான நேரத்தில் கவனிக்காமல் விட்டுவிட்டால், இது உங்கள் குரலின் மீது கடுமையான எதிர்மறையான தாக்கத்தை ஏற்படுத்தி விடும். இதில் கவனிக்க வேண்டிய முக்கிய விஷயம் என்னவென்றால், நாள்பட்ட ரிஃப்ளக்ஸ் சரியான சிகிச்சை மூலம் நிர்வகிக்கப்படாத போது, உணவுக்குழாய் புற்றுநோய்க்கு வழிவகுத்துவிடும். இது மிகக் குறைந்த உயிர்வாழ்வு விகிதத்தைக் கொண்டுள்ளது.

சைலண்ட் ரிஃப்ளக்ஸ் அறிகுறிகள் இருப்பதாக சந்தேகித்தால் உடனடியாக மருத்துவரை சந்தித்து தகுந்த சிகிச்சையினைப் பெற அறிவுறுத்தப்படுகிறார்கள்.