பிரசவத்திற்கு பிறகு உடல் எடையை குறைக்க உதவும் 8 சூப்பரான டிப்ஸ் (Eight tips for losing weight after pregnancy In Tamil)

பொதுவாக பிரசவத்திற்கு பிறகு பெண்களின் எடை அதிகரிக்கும், இது இயல்பானது தான் என்றாலும் பிரசவத்திற்கு பின் குழந்தையை கவனித்துக் கொள்ளும் பொறுப்புகள் என தாயின் சுமை கூடிக் கொண்டே இருப்பதால், அதிகரித்த உங்கள் உடல் எடையும் அதனுடன் சேர்ந்து அவர்களுக்கு மன அழுத்தத்தை உண்டாக்கும். வழக்கமாக, கர்ப்ப காலத்தில் ஒரு பெண்ணின் எடை சுமார் 25-35 பவுண்ட்கள் அதிகரிக்கும்.

இத்தகைய சமயத்தில் உங்கள் எடையை கட்டுக்குள் வைக்க மருத்துவர்கள் உடற்பயிற்சி செய்வதையும், நீங்கள் உண்ணும் உணவில் சில கட்டுப்பாடுகளை கடைபிடிப்பதையும் பரிந்துரைப்பார்கள். இதன் மூலம் உங்கள் எடையானது, படிப்படியாக சில மாதங்களில் குறைந்து விடும். எனினும், உங்கள் எடை மிகவும் அதிகமாக இருந்தாலோ அல்லது நீங்கள் உங்கள் எடையை விரைவாக குறைக்க விரும்பினாலோ, நீங்கள் கீழ்க்கண்ட குறிப்புகளை பின்பற்றி பயனடையலாம்.

உணவு கட்டுப்பாடு தேவையில்லை (Don't Diet)

ஆம், இது உங்களுக்கு விசித்திரமாக தோன்றினாலும், குழந்தை பிறந்த பிறகு உணவு கட்டுப்பாட்டினை கடைபிடிப்பது என்பது உங்கள் உடலுக்கு தீங்கு விளைவிக்கக் கூடும். பிரசவத்திற்கு பிறகு, நீங்கள் இயல்பான நிலைக்கு திரும்புவதற்கு சிறிது காலம் ஆகும். இவ்வாறு உணவு கட்டுப்பாட்டினை மேற்கொள்வதனால், நீங்கள் மீண்டெழுவதற்கான காலம் அதிகமாகி விடும். அது மட்டுமல்லாது, இவ்வாறு உங்களுக்கு பிடித்தமான உணவுகளை உண்ண முடியாமல் போவதும், உங்கள் ஆசைகளை அடக்கி வைத்துக் கொள்வதும் கூட மன அழுத்தத்தை ஏற்படுத்தி விடும். எனவே, தொடர்ச்சியாக ஊட்டச்சத்து மிக்க உணவுகளை எடுத்துக் கொள்ளுங்கள். கார்போஹைட்ரேட் நிறைந்த உணவுப் பொருட்களை மட்டும் கொஞ்சம் குறைத்துக் கொள்ளலாம்.

சத்தான உணவுகளை எடுத்துக் கொள்ளவும் (Eat Super Foods)

பிரசவத்திற்கு பிறகு, ஒரு பெண்ணின் உடலில் 9 மாதங்களாக ஏற்பட்ட நலிவினை போக்குவதற்கு நிறைய ஊட்டச்சத்து தேவைப்படுகிறது. அதனால் நிறைய ஊட்டச்சத்துக்கள் நிறைந்த உணவுகளை தேர்வு செய்து உண்பது உங்கள் உடலை வலிமையாக்குகிறது. மேலும், இது பகல் முழுவதையும் சமாளிக்கத் தேவையான ஆற்றலைக் கொடுக்கிறது. இவ்வாறு செய்தால் நீங்கள் வயிறு நிறைய உண்பதாக உணர்வீர்கள், உங்கள் பசியும் அடங்கி விடும். அதோடு, மாமிசம், சிக்கன், பால் சார்ந்த உணவுகள், மீன் போன்றவற்றையும் நீங்கள் எடுத்துக் கொள்ளலாம்.

தாய்ப்பால் கொடுக்கவும் (Breastfeed)

சில ஆய்வுகள், நீங்கள் தாய்ப்பால் கொடுப்பதன் மூலம், நீங்கள் பிரசவத்திற்கு முன்பு இருந்த பழைய நிலைக்கு விரைவாக திரும்ப முடியும் என்று தெரிவிக்கின்றன. தாய்ப்பால் கொடுக்க விரும்பும் பெண்கள், தாய்ப்பால் கொடுக்க விரும்பாத பெண்கள் ஆகிய இரு சாராருக்கும் எடைக் குறைப்பு அவசியம். எனவே, நீங்கள் இதனை முயற்சி செய்து பார்க்கலாம்.

தண்ணீர் குடிக்கவும் (Drink Water)

உங்கள் உடலை சுத்தப்படுத்துவதற்கும் மற்றும் செரிமான சக்தியையும் வளர்சிதை மாற்ற விகிதத்தையும் மேம்படுத்துவதற்கும் தண்ணீர் குடிப்பது தான் சிறந்த வழியாகும். பகலில் நிறைய தண்ணீர் குடித்தால் சிறுநீர் மற்றும் வியர்வை வழியாக உங்கள் உடலில் உள்ள அதிகப்படியான நீர் வெளியேறி, உங்கள் எடை குறைவதற்கு வழிவகுக்கும்.

எப்போதும் நடமாடிக் கொண்டே இருக்கவும் (Keep Moving)

புதிதாக பிறந்திருக்கும் உங்களுடைய குழந்தையை கவனித்துக் கொள்வதிலேயே நீங்கள் உங்களுடைய நேரத்தை கழிப்பீர்கள், அதன் மூலமாகவே நீங்கள் நாள் முழுவதும் நடமாடிக் கொண்டும், ஏதேனும் சுறுசுறுப்பாக செய்து கொண்டும் இருப்பீர்கள் என நம்புகிறோம். எனினும், கலோரிகளை எரிப்பதற்கும், எடைக் குறைப்பதற்கும் ஏதுவாக சில எளிதான கார்டியோ அல்லது ஏரோபிக் பயிற்சிகளை செய்வது மிகவும் முக்கியமாகும்.

மன அழுத்தம் வேண்டாம் (Don't Stress)

மன அழுத்தம் காரணமாக, மன அழுத்த ஹார்மோன் வெளியிடப்படுகிறது, இதனால் உங்கள் உடலின் வளர்சிதை மாற்றம் பாதிக்கப்பட்டு உங்களை பருமனாக்கும் என்பது அனைவரும் அறிந்த உண்மையாகும். பிறந்த குழந்தையை குறித்து நீங்கள் பரபரப்படைவதை தவிர்ப்பது சாத்தியமில்லையென்றாலும் கூட, நீங்கள் சரியான முறையில் ஓய்வெடுப்பதும், மன அழுத்தத்தை தவிர்க்க முயற்சிப்பதும் கூட அவசியம் தான்.

இதையும் படிக்கலாமே! - தாய்ப்பால் கொடுக்கும்போது எடை இழப்பு

உறக்கம் (Sleep)

போதுமான அளவு தூக்கம் இல்லாமல் இருப்பதும் கூட, உங்கள் உடலில் கொழுப்பினை அதிகரித்து விடக் கூடும். தினந்தோறும் 8 மணி நேரம் தூங்குவது முக்கியமாகும். பிறந்த குழந்தை அருகில் இருக்கும் போது நாள் முழுக்க வேலையிருக்கும் என்பதை நாங்கள் உணர்கிறோம், இருப்பினும் 8 மணி நேர தூக்கத்தை பெறுவதற்கு, உங்கள் குழந்தை தூங்கும் நேரத்தில் நீங்கள் தூங்கி ஓய்வு பெறுவது அவசியமாகும்.

ஆலோசனை பெறவும் (Ask for Help)

மேற்சொன்ன அனைத்தையும் நீங்கள் பின்பற்றியும் கூட, உங்கள் உடல் எடை குறையவில்லையெனில் நீங்கள் இது குறித்து வேறு ஏதேனும் உதவி பெற விரும்பலாம். டயட்டீஷியனை சந்தித்து, அவரின் ஆலோசனை பெறுவது, உங்கள் உடலினை புரிந்து கொள்ளவும், உங்கள் அதிக எடையை குறைப்பதற்கு செய்ய வேண்டியவை பற்றியும் அறிந்து கொள்வதற்கு உதவும்.

புதிதாக தாய் ஆகி இருப்பதும், அதனை சார்ந்துள்ள பொறுப்புகளை சமாளிப்பதும் கடினமானது தான். ஆயினும் வலிமையோடும், ஆரோக்கியத்தோடும் வாழ்வதற்கு வேண்டி உங்கள் குழந்தையோடு சேர்த்து உங்களையும் நீங்கள் கவனித்துக் கொள்வது அவசியமாகும்.

TAGS :

Eight tips for losing weight after pregnancy in Tamil, Eight tips for losing weight after pregnancy in English, Eight tips for losing weight after pregnancy in Hindi, Eight tips for losing weight after pregnancy in Telugu, Eight tips for losing weight after pregnancy in Bengali.