మీ ప్రెగ్నెన్సీ 8వ వారం వచ్చేలోపు మీరు తెలుసుకోవాల్సిన ప్రతీ విషయం

ప్రెగ్నెన్సీ పూర్తి సమయంలో తల్లులు తమ శిశువు విషయంలో ఏం జరుగుతుందో అని ప్రతి క్షణం ఆలోచిస్తూ ఉంటారు. ఉదాహరణకు, 8 వారాలు అంటే ఎన్ని నెలల ప్రెగ్నెంట్? ఈ సమయంలో ఆమె రెండు నెలల గర్భవతి మరియు ప్రెగ్నెన్సీకి సంబంధించిన ప్రశ్నలు ఈ సమయంలో చాలా సాధారణం.

8వ వారంలో బిడ్డ విషయంలో ఏమి జరుగుతోంది? (8th Week of Pregnancy in telugu)

ప్రెగ్నెన్సీ యొక్క 8వ వారంలో బిడ్డ ప్రతిరోజూ కొన్ని మిల్లీమీటర్లు పెరగడం ప్రారంభమవుతుంది. శిశువు యొక్క ముక్కు, పెదవులు మరియు కనురెప్పలతో పాటు వారి వేళ్లు మరియు కాలి వేళ్లు అభివృద్ధి చెందుతాయి. ఇవి ఈ సమయంలో కొద్దిగా అతుక్కొని ఉంటాయి. శిశువు యొక్క రుచి మొగ్గలు (టేస్ట్ బడ్స్) కూడా ఈ దశలో అభివృద్ధి చెందడం ప్రారంభిస్తాయి

• ఈ జనన పూర్వ అపాయింట్మెంట్‎లో, తల్లి యొక్క బ్లడ్ గ్రూపు మరియు ఆమె Rh పాజిటివా, కాదా అని తెలుసుకోవడం కోసం డాక్టర్ అనేక రోగనిర్ధారణ పరీక్షల కోసం తల్లి నుంచి రక్తాన్ని తీసుకోవచ్చు (ఒకవేళ తల్లికి నెగిటివ్ గా ఉన్నట్లయితే మరియు బిడ్డకు పాజిటివ్ గా ఉన్నట్లయితే, భవిష్యత్తులో ఇబ్బందులు రాకుండా నిరోధించడం కోసం డాక్టర్ తల్లికి మందులు సిఫారసు చేస్తాడు).
• తల్లి యొక్క హార్మోనల్ లెవల్స్ మరియు ఎర్ర రక్త కణాల సంఖ్య ఇంకా తెల్ల రక్త కణాల సంఖ్యలను చెక్ చేయడం కోసం టెస్ట్‎లు కూడా నిర్వహించబడతాయి. ఇవి సాధారణ రేంజ్‎లో ఉన్నాయని నిర్దారించుకోవడం కోసం చేస్తారు.
• ఈ సమయంలో హెపటైటిస్ బి, STDలు, HIV మొదలైన ఏవైనా వైరల్ సంక్రమ్యతలు లేదా ఏదైనా ఇతర రోగనిరోధక రుగ్మతల గురించి తెలుసుకోవడానికి తల్లి రక్తాన్ని స్క్రీనింగ్ చేయడం కోసం డాక్టర్ రోగనిర్ధారణ పరీక్షలను సిఫార్సు చేయవచ్చు.
• రక్త సంక్రమ్యతలు లేదా ఏదైనా ఇతర అసాధారణ పరిస్థితులను చెక్ చేయడానికి పాప్ స్మియర్ టెస్ట్ వంటి కొన్ని ఇతర టెస్ట్‎లు కూడా చేయవచ్చు. యూరినరీ ట్రాక్ట్ ఇన్ఫెక్షన్స్ (UTI) మరియు బ్లడ్ ప్రోటీన్ లెవల్స్ కోసం తల్లి మూత్ర నమూనాను కూడా చెక్ చేయాల్సి ఉంటుంది.

8 వారంలో ప్రెగ్నెన్సీ లక్షణాలు ఎలా ఉంటాయి? (8th Week pregnancy symptoms in telugu)

ప్రెగ్నెన్సీ 8వ వారంలో, హార్మోన్ల స్థాయిల్లో మార్పు కారణంగా, తల్లి ఈ క్రింది లక్షణాలను అనుభూతి చెందుతుంది:

రొమ్ముల నొప్పి (breast pain)

రొమ్ముల్లో పాలు ఉత్పత్తి చేసే లోబుల్స్ ఈ సమయంలో విస్తరించడం ప్రారంభించినప్పుడు, రొమ్ములు పెద్దవిగా, బరువుగా మరియు చాలా బాధాకరంగా అనిపించవచ్చు.

అలసట (Tiredness)

హార్మోన్ల హెచ్చుతగ్గులు మరియు రక్తపోటు ఇంకా చక్కెర స్థాయిలలో మార్పుల కారణంగా, ఈ సమయంలో తల్లి ఎక్కువ అలసటను అనుభవించవచ్చు.

వికారం (Nausea)

8 వ వారంలో, హార్మోన్ల మార్పుల కారణంగా వికారం ఎక్కువగా ఉండవచ్చు.

వాసన పట్ల అధిక అవగాహన (Sensitivity to smell)

ఈ సమయంలో వాసనను పసిగట్టే గుణం చాలా ఎక్కువగా ఉండటం వల్ల వికారం కలుగుతుంది. కాబట్టి వాసనలకు సున్నితంగా ఉండే తల్లులు గాఢమైన సువాసనకు దూరంగా ఉండేందుకు ప్రయత్నించాలి.

గర్భం తాలూకు తిమ్మిర్లు (ప్రెగ్నెన్సీ క్రాంప్స్) (Pregnancy Cramps)

గర్భాశయం విస్తరించడం వల్ల తల్లి పొత్తికడుపులోని స్నాయువులు సాగదీసుకుపోవడం వల్ల తిమ్మిర్లు సాధారణం.

మలబద్ధకం (Constipation)

మలబద్ధకం అనేది ఈ సమయంలో తల్లులు ఎదుర్కొనే మరొక ముఖ్యమైన లక్షణం. దీనిని నివారించడానికి వారు పుష్కలంగా నీరు త్రాగాలి. ఫైబర్ అధికంగా ఉండే పండ్లు మరియు కూరగాయలను వారి ఆహారంలో చేర్చుకోవాలి మరియు సుదీర్ఘ నడకను అలవరచుకోవాలి.

స్పాటింగ్ (Spotting)

ఒక తల్లి ఈ సమయంలో మచ్చలను అనుభూతి చెందవచ్చు. ఇది ప్రమాదకరంగా ఉండవచ్చు లేదా ఆందోళనకరంగా ఉండకపోవచ్చు. ఒకవేళ ఇలా జరిగితే, వారు ఏవైనా సమస్య ఉంది అనుకుంటే వారు అది ఏంటో తెలుసుకోవడానికి వెంటనే డాక్టర్‎ని సంప్రదించాలి.

మీకు ఇది కూడా నచ్చుతుంది: 8 వారాల ప్రెగ్నెంట్ బేబీ యొక్క సైజ్ ఎంత?

8 వారాల ప్రెగ్నెన్సీ సమయంలో దేనిని మదిలో పెట్టుకోవాలి? (Things to keep in mind during 8th week pregnancy in telugu)

• క్రమం తప్పకుండా శరీర బరువును చూసుకోవాలి
• తేలికపాటి వ్యాయామం ప్రారంభించండి ( సున్నితమైన వార్మప్‎లు మరియు ఒక మాదిరి స్థాయి వ్యాయామం)
• ఒకేసారి ఎక్కువ కాకుండా క్రమం తప్పకుండా మధ్య మధ్యలో ఆహారాన్ని తీసుకోవాలి.
• ఆరోగ్యకరమైన కార్బోహైడ్రేట్స్ మరియు ఫైబర్ అధికంగా ఉండే ఆహారాన్ని తినండి

నా బిడ్డ మరింత ఆరోగ్యంగా ఉండటం కోసం నా 8 వారాల ప్రెగ్నెన్సీ సమయంలో నేను ఏం చేయాలి? (What to do in 8th month pregnancy in telugu)

• ఈ సమయంలో బిడ్డ విపరీతంగా ఎదుగుతున్నప్పుడు, ఎదుగుదల ఆరోగ్యంగా ఉందని నిర్ధారించుకోవడానికి తల్లి కింద పేర్కొన్న వాటిని లెక్కలోకి తీసుకోవచ్చు:
• మొదటి జనన పూర్వ వైద్యుని సందర్శన‎ని షెడ్యూల్ చేయడం
• క్యాల్షియం, ఐరన్, ఫోలిక్ యాసిడ్, ప్రోటీన్ వంటి ఎక్కువ పోషకాలను తీసుకోవడం.
• మద్యపానం మరియు ధూమపానాన్ని మానుకోవడం

మీకు ఇది కూడా నచ్చుతుంది: 9 వారాల గర్భధారణలో అల్ట్రాసౌండ్: ఏమి ఊహించాలి మరియు చెడు శకునాలు ఏంటి

టేక్ అవే (Take Away)

8 వారాల ప్రెగ్నెంట్ ను నెలల్లోకి మారిస్తే 2నెలల మార్క్ అవుతుంది. ప్రెగ్నెన్సీలో ఇంకా 32 వారాలు మిగిలి ఉన్నాయి. ఇది సజావుగా మరియు సురక్షితమైన ప్రయాణంగా మలచుకోవడం కొరకు తల్లి తన ఆరోగ్యాన్ని సరిగ్గా చూసుకోవడం కొనసాగించాలి.

తరుచుగా అడిగే ప్రశ్నలు (FAQs)

1. తల్లి ఇప్పుడు ఏ త్రైమాసికం (ట్రిమ్‎స్టర్)లో ఉంది?

తల్లి ప్రస్తుతం తన మొదటి త్రైమాసికంలో ఉంది.

2. తల్లి బిడ్డను ప్రసవించడానికి ఇంకా ఎన్ని వారాలు పడుతుంది?

ఈ సమయంలో, తల్లికి ప్రసవించడానికి మరో 32 వారాలు సమయం ఉంది.

3. 8 వారాల్లో బిడ్డ ఎంత పెద్దగా ఉంటుంది?

8వ వారంలో, శిశువు అద్భుతమైన వేగంతో ఎదుగుతుంది మరియు సుమారుగా మేడి పండు పరిమాణం‎లో, అంటే అంగుళంలో మూడింట సగం వరకు ఉంటుంది.

4. 8 వారాల అల్ట్రాసౌండ్‎లో ఏం చూడవచ్చు?

8 వారాల ప్రెగ్నెన్సీ సమయంలో, డాక్టర్లు సాధారణంగా మొదటి జననపూర్వ చెకప్‎ను సూచిస్తారు. ఇక్కడ అల్ట్రాసౌండ్ లో 8 వారాల పిండానికి సంబంధించిన స్వల్ప అంశాన్ని చూడవచ్చు.

Tags:

8th week pregnancy in telugu, precautions during 8th week pregnancy in telugu, what to eat in 8th week pregnancy in telugu, symptoms of 8th week pregnancy in telugu.