பிரசவத்திற்கு பிறகு தொப்பை கொழுப்பை இயற்கையான முறையில் குறைப்பது எப்படி?

பிரசவத்திற்கு பிந்தைய தொப்பை கொழுப்பை இயற்கையான முறையில் குறைப்பது எப்படி?

• பெரும்பாலான பெண்களுக்கு, பிரசவத்திற்குப் பிறகு எடை குறைப்பது என்பது ஒரு சவாலாகவே இருக்கும். குழந்தை பிறந்த பின் குழந்தைக்கு பாலூட்டும் தூக்கமில்லாத இரவுகளுக்கு இடையில், புதிதாக குழந்தை பெற்றெடுத்த தாய்மார்கள் தங்களை நன்றாக பார்த்துக்கொள்ள மறந்து விடுகிறார்கள். பிரசவத்திற்குப் பிந்தைய தொப்பை கொழுப்பானது நிரந்தரமான பிரச்சனை அல்ல என்றாலும், புதிதாக குழந்தை பெற்றெடுத்த ஒரு அம்மாவுக்கு அது தொந்தரவாக இருந்தால் அதைக் குறைக்க வழிகளைக் கண்டறிய வேண்டும்.

• பிரசவத்திற்குப் பிந்தைய எடை இழப்பு டயட், சரியான உடற்பயிற்சி மற்றும் ஒரு சில வாழ்க்கை முறை மாற்றங்கள் ஆகியவை ஒன்றாக இணைந்து ஒருவரை விரைவாக எடைகுறைக்க உதவும்.

• எனவே, அந்த வகையில், பிரசவத்திற்குப் பிறகு ஏற்படும் தொப்பையைக் குறைக்க கீழேயுள்ள பிரசவத்திற்குப் பிந்தைய எடை இழப்பு டிப்ஸ் உங்களுக்கு உதவும்

  Article continues below advertisment

அடிக்கடி தாய்ப்பாலூட்டவும் :

• பிரசவத்திற்குப் பிந்தைய எடை இழப்பு குறிப்புகளில் சிறந்த ஒன்று குழந்தைக்கு அடிக்கடி தாய்ப்பால் கொடுப்பதாகும். தாய்ப்பால் குழந்தையின் நோய் எதிர்ப்பு சக்தியை பலப்படுத்துவதோடு மட்டும் இல்லாமல் பாலூட்டும் தாய்மார்கள் தினசரி 300 முதல் 500 கலோரிகளை எரிக்கவும் உதவுகிறது. ஆனால், ஒருவர் தங்கள் குழந்தைக்கு போதுமான அளவு தாய்ப்பால் சுரப்பதை உறுதி செய்ய போதுமான கலோரிகளை உட்கொள்ள வேண்டும்.

• கர்ப்பப்பையை சுருங்க வைப்பதன் மூலம் பிரசவத்திற்குப் பிந்தைய எடை இழப்பு செயல்முறையை தாய்ப்பாலூட்டுதல் துரிதப்படுத்துகிறது. தாய்ப்பால் கொடுப்பதால் தசைச் சுருக்கத்தை ஏற்படுத்தும் ஆக்ஸிடாஸின் என்ற ஹார்மோன் வெளியிடப்படுகிறது.

குழந்தையுடன் சேர்ந்து சுறுசுறுப்பாக இருங்கள்

புதிதாக குழந்தை பெற்றெடுத்த பெரும்பாலான தாய்மார்கள் பிரசவத்திற்குப் பிறகு உடற்பயிற்சி செய்வதற்கும், குழந்தையுடன் சுறுசுறுப்பாகச் செயல்படுவதற்கும் நேரம் ஒதுக்குவதில் சிக்கலை சந்திக்கின்றனர். தங்கள் குழந்தைகளுக்கு பாலூட்டும் போது, லைட் மியூசிக் போட்டு நடனமாடலாம். குழந்தையை கவனித்துக்கொள்ளும் அதே வேளையில், தொப்பையையும் குறைப்பதற்கான வேடிக்கையான வழி இது தான்.

பிரசவத்திற்குப் பிந்தைய மசாஜ் உங்களக்கு உதவலாம்

பிரசவத்திற்குப் பிந்தைய சுய பராமரிப்பு என்பது புதிதாக குழந்தை பெற்றெடுத்த தாய்மார்களை உடல் ரீதியாகவும் மன ரீதியாகவும் விரைவாக குணப்படுத்த உதவும். இந்த சுய-பராமரிப்பு வழக்கத்தின் ஒரு ஒருங்கிணைந்த பகுதியாக மசாஜ் செய்யப்படுகிறது. இது அதிகரித்த இரத்த ஓட்டத்தை அடிவயிற்றுப் பகுதிக்கு அளித்து மற்றும் பிரசவத்திற்குப் பின் விரைவான குணப்படுத்துதலை ஊக்குவிக்கிறது. சரியாக மசாஜ் செய்வது தொய்வுற்ற சருமத்தை இறுக்கமாக்கும். ஏனெனில், எண்ணெய்கள் சருமத்தின் நெகிழ்ச்சித்தன்மையை மேம்படுத்தி அதற்கு ஊட்டமளிக்கும்.

இந்த சிறிய சுய-ஈடுபாடானது, உட்சுழற்சி செயல்முறைக்கு உதவும் ஆக்ஸிடாஸின் என்ற மகிழ்ச்சி ஹார்மோன் அளவை அதிகரிக்கும். இது கர்ப்பத்திற்கு முந்தைய அளவுக்கு கருப்பையை மீண்டும் சுருக்குவதை உள்ளடக்குகிறது. ஆயினும் கூட, சிசேரியன் செய்த பெண்கள் பிரசவத்திற்குப் பிறகு மசாஜ் எடுப்பதற்கு முன் தங்கள் மருத்துவரை அணுக வேண்டும்.

பிரசவத்திற்குப் பிந்தைய எடை இழப்பிற்கான சரியான உணவு முறையை பின்பற்றுதல்

மிகவும் முக்கியமான பிரசவத்திற்குப் பிந்தைய எடை இழப்பு உணவு என்பது புரதங்கள், கார்போஹைட்ரேட்டுகள் மற்றும் கொழுப்புகளை சரியான அளவுகளில் கொண்டுள்ளது. பிரசவத்திற்குப் பிறகு பெண்கள் உணவுக்கு பதிலாக உணவு சப்ளிமெண்ட்களை எடுக்கக்கூடாது அல்லது தங்கள் உணவைத் தவிர்க்கக்கூடாது. அதற்குப் பதிலாக, ஒரு பெண்ணின் பிரசவத்திற்குப் பிந்தைய உணவு முறையில், போதுமான தாய்ப்பால் சுரப்பதற்கும், பிரசவத்திற்குப் பிந்தைய சரியான வளர்ச்சிக்கும் உதவும் வகையில் பல்வேறு நுண்ணூட்டச்சத்துக்கள் அடங்கிய உணவுப் பொருட்களைக் கொண்டிருக்க வேண்டும்.

புதிதாக குழந்தை பெற்றெடுத்த அம்மாக்களுக்கு பகல் முழுவதும் சுறுசுறுப்பாக இருப்பதற்கு அதிக ஆற்றல் தேவைப்படுகிறது. ஒரு சிலருக்கு இரவில் கூட ஆற்றல் தேவைப்படுகிறது. எனவே, அவர்களின் பிரசவத்திற்குப் பிந்தைய எடை இழப்புக்கான உணவுத் திட்டமானது கீரைகள், காய்கறிகள், மசாலாப் பொருட்கள், கொழுப்பற்ற புரதம் மற்றும் கிரீன் டீ ஆகியவற்றைக் கொண்டிருக்க வேண்டும்.

உடற்பயிற்சி செய்யுங்கள்

• 20 முதல் 30 நிமிட வலிமை மற்றும் கார்டியோ பயிற்சி புதிதாக குழந்தை பெற்றெடுத்த அனைத்து தாய்மார்களுக்கும் கணிசமான அளவு தொப்பை கொழுப்பை இழக்க உதவும். தங்கள் குழந்தை தூங்கும் போது அல்லது கவனித்துக்கொள்ள யாராவது இருக்கும் போது இது போன்ற பயிற்சிகளில் ஈடுபட வேண்டும்.

• புஷ்-அப்கள், க்ரஞ்ச்ஸ், ட்ரைசெப் டிப்ஸ், பிளாங்க்ஸ், ஸ்பாட் ஜாகிங், முழங்கால்களை உயர்த்துதல், லுங்க்ஸ், ஜாக்நைஃப், ஸ்குவாட்கள், ட்ரைசெப் எக்ஸ்டென்க்ஷன், ஜம்பிங் ஜாக்ஸ் மற்றும் பைசெப் கர்ல்ஸ் ஆகியவை உங்களுக்கு உதவக்கூடிய சில பயிற்சிகள். ஆனால், நீங்கள் தவிர்க்கப்பட வேண்டிய உடற்பயிற்சிகளைப் பற்றித் தெரிந்துகொள்ள தங்கள் மருத்துவரை அணுக வேண்டியது அவசியம்.

• வலிமை பயிற்சியில் ஈடுபட முடியாத சிசேரியன் செய்துகொண்ட பெண்களுக்கு சுறுசுறுப்பான நடைபயிற்சி சிறந்தது. கூடுதல் எடைக்காக குழந்தையை ஸ்ட்ரோலர் அல்லது முன் பையில் எடுத்துச் செல்வது, பிரசவத்திற்குப் பிந்தைய இந்த எளிதான மற்றும் எளிமையான உடற்பயிற்சியின் பலன்களை அதிகரிக்கும்.

  Article continues below advertisment

நீரேற்றமாக இருங்கள்

சமீபத்தில் பிரசவித்த மற்றும் தாய்ப்பால் கொடுக்கும் பெண்கள் தினமும் குறைந்தது 3 லிட்டர் தண்ணீரைக் குடிக்க வேண்டும். மீண்டும் பழையபடி தங்களது ஒல்லியான இடுப்பை பெற நினைக்கும் பெண்களுக்கு இது அவசியம். நீரானது நச்சுகளை வெளியேற்றி உடலில் திரவ சமநிலையை எளிதாக்குகிறது. கூடுதலாக, இது அதிகப்படியான தொப்பை கொழுப்பைக் குறைக்கிறது மற்றும் புதிதாக குழந்தை பெற்றெடுத்த தாய்மார்கள் தங்கள் குழந்தைகளுக்கு தினசரி கொடுக்கும் தாய்ப்பாலை ஈடுசெய்யவும் உதவுகிறது.

போதுமான ஓய்வைப் பெறுங்கள்

போதிய ஓய்வின்மை ஒரு பெண்ணின் உடலில் நச்சுக்களை உருவாக்குகிறது. இதன் விளைவாக பிரசவத்திற்குப் பிறகு வீக்கம் ஏற்படுகிறது. இது கொழுப்பு ஏற்பிகளை வயிற்றுப் பகுதிக்கு மாற்றுகிறது, அங்கு அவை தொப்பை கொழுப்பாக சேமிக்கப்படுகின்றன. எனவே, பிரசவத்திற்குப் பிந்தைய உடல் எடையைக் குறைக்க போதுமான ஓய்வு முக்கியமானது. குழந்தையுடன் இருக்கும்போது நன்றாக தூங்குவது சாத்தியமில்லாமல் தோன்றினாலும், பெண்கள் தங்களுக்காக சிறிது நேரம் ஒதுக்கி முடிந்தவரை ஓய்வெடுக்க வேண்டும்.

அதீத டயட்களை பின்பற்ற வேண்டாம்

புதிதாகப் குழந்தை பெற்றெடுத்த தாய்மார்கள் பிரசவத்திற்கு பின்பு மனச்சோர்வை அனுபவிக்கும் வாய்ப்பு அதிகம். ஆனால், அதற்காக பதட்டமடைந்து, கட்டுப்பாட்டை இழக்க வேண்டும் என்று அர்த்தமல்ல. சில பெண்கள் உடல்நிலையை மீட்டெடுக்க அதீத செயல்பாடுகளில் ஈடுபடுகிறார்கள். மேலும், ஊட்டச்சத்து குறைபாட்டை ஏற்படுத்தும் மற்றும் குழந்தையின் ஆரோக்கியத்தை பாதிக்கும் கடுமையான உணவு திட்டங்களை நாடுகிறார்கள். உணவைத் தவிர்ப்பது எந்த வகையிலும் பயனளிக்காது என்பதை பெண்கள் அறிந்து கொள்ள வேண்டும். அவர்கள் ஒரு உணவியல் நிபுணரைக் கலந்தாலோசித்து, தொப்பையை விரைவாகக் குறைக்க என்ன, எவ்வளவு மற்றும் எப்போது சாப்பிட வேண்டும் என்பதைக் கேட்டுப் புரிந்து கொள்ள வேண்டும்.

தினமும் தியானம் செய்யவும்

பிரசவத்திற்குப் பிந்தைய கட்டமானது மன அழுத்தம் நிறைந்ததாக இருக்கும். புதிதாகப் குழந்தை பெற்றெடுத்த தாய்மார்களுக்கும் குழந்தையை கவனித்துக் கொள்வது, அனைத்து வீட்டு வேலைகளையும் செய்வது, பிறகு தனக்கு பிடித்த ஒன்றைச் செய்வது போன்ற அனைத்தும் மன அழுத்தத்தை ஏற்படுத்தும். எனவே, இந்த மன அழுத்தத்திலிருந்து விடுபட சிறந்த வழி தியானம். ஒரே நேரத்தில் உடலின் தரத்தை மேம்படுத்தும் அதே வேளையில், பெண்கள் தங்கள் உடலிலிருந்து அனைத்து எதிர்மறை ஆற்றலையும் விடுவிக்கவும் இது உதவும்.

இதையும் படிக்கலாமே! - பாலூட்டும் தாய்மார்கள் ஆரோக்கியமான டயட் பிளானை பின்பற்றுவதற்கான அத்தியாவசிய டிப்ஸ் என்ன?

முடிவாக

பிரசவத்திற்குப் பிந்தைய எடையைக் குறைக்க விரும்பும் புதிதாகப் குழந்தை பெற்றெடுத்த தாய்மார்கள் தங்களுக்கு எளிதான விஷயங்களை மட்டுமே செய்ய வேண்டும். ஆரோக்கியமான உணவு, முறையான உடற்பயிற்சி மற்றும் நிலையான வாழ்க்கை முறை மாற்றங்கள் அவரை விரைவில் குணப்படுத்த உதவும். குழந்தையை பிரசவித்தப் பிறகு எடை இழப்பது பற்றிய கூடுதல் உதவிக்கு அல்லது அத்தகைய தலைப்புகளில் மேலும் பதிவுகளைப் படிக்க, மைலோவைப் பார்வையிடவும்.