புதிதாக பிறந்துள்ள உங்கள் குழந்தையை அவர்களின் மூத்த சகோதரர்களுக்கு அறிமுகப்படுத்துதல்

உங்கள் பிறந்த குழந்தையை உங்கள் முதல் குழந்தைக்கு அறிமுகப்படுத்தும் போது உங்களின் மன உணர்வானது மன அழுத்தம், பதட்டம் மற்றும் உற்சாகத்தின் கலவையாக இருக்கலாம். ஆனால், இந்த நேரத்தில் பலவிதமான உணர்ச்சிகளை அனுபவிப்பது முற்றிலும் இயல்பானது என்பதால், இதற்காக நீங்கள் கவலைப்பட வேண்டாம். புதிய குழந்தையை வரவேற்க உங்கள் முதல் குழந்தையை எவ்வளவு தயார்படுத்த முயற்சித்தாலும், அவர்கள் தங்கள் சிறிய உடன்பிறந்த சகோதரியை/சகோதரனை ஏற்றுக்கொள்கிறாரா அல்லது முற்றிலும் ஆர்வமற்று உள்ளாரா என்பதை உங்களால் உறுதியாகச் சொல்ல முடியாது.

இந்த புதிய உறவுகளின் தொடக்கத்தை மிகவும் சௌகரியமாக மாற்றுவதற்கு, நீங்கள் முயற்சி செய்து உறுதிசெய்யக்கூடிய விஷயங்களின் லிஸ்ட் இதோ.

• உங்கள் கர்ப்ப காலத்தின் போதே, அவர்களோடு இணைந்து விளையாடும் நேரத்தில் புதிய குழந்தை வருவதைப் பற்றி அவ்வப்போது எடுத்துக்கூறி, அவர்களுடன் விளையாடுவதற்கு ஒரு புதிய நண்பர் வரப்போவதை தெரிவித்து அவர்களை உற்சாகப்படுத்த முயற்சியுங்கள்.

  Article continues below advertisment

• குழந்தை பிறந்த பிறகு, குழந்தையைப் பராமரிப்பதில் அவர்களையும் ஈடுபடுத்துங்கள். குழந்தையின் பாசிஃபையரைக் கொண்டு வரும்படி அவர்களிடம் கேளுங்கள் அல்லது குழந்தைக்கு விளையாட பொம்மைகளைத் தேர்வுசெய்ய உதவும்படி கேளுங்கள்.

• புதிய குழந்தையைப் பார்க்க உறவினர்கள் வரும்போது, ​​உங்கள் மூத்த குழந்தை அவர்களை அந்த குழந்தைக்கு அறிமுகப்படுத்தும்படி கேளுங்கள்.

• உங்கள் குழந்தைக்கு நீங்கள் ஒரு புதிய பொம்மையை வாங்கும் போது, உங்கள் மூத்த குழந்தைக்கும் அவர்கள் விரும்பும் பொம்மையை வாங்குங்கள்.

• எந்தவொரு அசம்பாவிதத்தையும் தவிர்க்கும் பொருட்டு, 5 வயதுக்கு குறைவான வயதுடைய குழந்தையின் அருகில் பிறந்த குழந்தையை தனியாக விட்டுவிட்டுச் செல்ல வேண்டாம்.

• பிறந்த குழந்தையை கவனித்துக்கொள்ளும் பொருட்டு உங்கள் மூத்த குழந்தைக்கு சில எளிய பணிகளை ஒதுக்குங்கள்.

  Article continues below advertisment

• புதிதாகப் பிறந்த குழந்தைகளுக்கு கூடுதல் கவனிப்பு தேவைப்படுகின்ற அதே நேரத்தில், உங்கள் முதல் குழந்தை தாம் ஒதுக்கப்படுவது போன்ற உணர்வுவை பெற்றுவிடக்கூடாது. எனவே இருவருக்கும் இடையில் நேரத்தை நிர்வகிக்க முயற்சியுங்கள்.

• உங்கள் மூத்த குழந்தைக்கு புதுவரவான குழந்தையைப் பற்றி ஏதேனும் கேள்விகள் இருந்தால் அதை கேட்கும்படி உற்சாகப்படுத்துங்கள். குழந்தைகள் எப்பொழுதும் தங்களைச் சுற்றி என்ன நடக்கிறது என்பதில் அதிக ஆர்வமாக இருப்பதால், புதிதாகப் பிறந்த குழந்தை மற்றும் அதன் தேவைகளைப் பற்றி அவர்களுக்கு விளக்க இந்த வாய்ப்பைப் பயன்படுத்திக் கொள்ளுங்கள்.

சகோதரர்களிடையே உறவுகளை உருவாக்க அதிக நேரம் எடுக்கும். தொடக்கத்தில், உங்கள் மூத்த குழந்தை புதிதாகப் பிறந்த குழந்தையைப் பார்த்து பொறாமைப்படுவதும், உங்கள் கவனத்தைத் தன் பக்கம் ஈர்க்கும் வழிகளைக் கண்டுபிடிப்பதும் இயல்பானது.

முதலில் இது ஒரு சவாலாக இருக்கலாம். ஆனால் இந்த மாற்றத்திற்கான செயல்முறையை சீராகக் கொண்டு செல்ல உங்களுக்கு அதிக பொறுமைத் தேவைப்படுகிறது. அதோடு, இதற்காக உங்கள் மூத்த குழந்தையை உற்சாகமூட்டி தயார்ப்படுத்த வேண்டும்.

இதையும் படிக்கலாமே! - ஒரு வருடம் ஆன குழந்தைக்கு நீங்கள் கட்டாயம் செய்ய வேண்டிய 12 விஷயங்கள்