குழந்தைக்கு தீங்கு விளைவிக்கும் மற்றும் கண்டிப்பாக தவிர்க்க வேண்டிய முக்கிய உணவுகள் (Foods which can be harmful for your baby: Please Avoid these In Tamil)

உங்கள் குறுநடை போடும் குழந்தைக்கான புதிய உணவுகளை அவர்களுக்கு அறிமுகப்படுத்துவது ஒருவித மகிழ்ச்சியை தரும். அதேநேரம், சில உணவு வகைகளை சரியான நேரத்தில் தொடங்கும் போது நீங்கள் மனதில் கொள்ள வேண்டிய சில முக்கிய விஷயங்கள் உள்ளன.

• பசும்பால் (cow milk):

இது உடலுக்கு நன்மைகள் நிறைந்ததாக இருந்தாலும், 1 வயதுக்குட்பட்ட குழந்தைகளுக்கு பசுவின் பால் கொடுக்கக்கூடாது. ஏனெனில் அது எளிதில் செரிமானம் ஆகாது. பசும்பாலில் குழந்தையின் வளர்ச்சி மற்றும் முன்னேற்றத்திற்குத் தேவையான அயர்ன் மற்றும் வைட்டமின் ஈ போன்ற சில அத்தியாவசிய ஊட்டச்சத்துக்கள் இல்லை. எனவே, பசும்பாலை விட தாய்ப்பாலுக்கே முன்னுரிமை அளியுங்கள்.

உங்கள் குழந்தைக்கு 1 வயது நிறைந்தவுடன், நீங்கள் பசும்பாலை மிதமான அளவில் அறிமுகப்படுத்தலாம்.

• ரீஃபைன் செய்யப்பட்ட தானியங்கள் (Refined grains):

இயற்கை ஊட்டச்சத்துக்களை வழங்கும் காம்ப்ளெக்ஸ் கார்போஹைட்ரேட்டுகள் ரீஃபைன் செயல்பாட்டின் போது நீக்கப்பட்டு பிரெட், பாஸ்தா, சீரியல் மற்றும் கிராக்கர்ஸ் போன்ற ரீஃபைன் செய்யப்பட்ட தானிய உணவுகளுக்கு வழிவகுக்கிறது.

ரீஃபைன் செய்யப்பட்ட தானியங்களை ஒதுக்கிவிட்டு, அதற்குப் பதிலாக முழு தானிய உணவுகளை தேர்ந்தெடுங்கள். ஆரோக்கியமான உணவுகளை ஆரம்பத்திலேயே தேர்வு செய்யுங்கள். அதோடு குழந்தைகளுக்கு அவர்களே உண்ணும் வகையில் உணவு பொருட்களை சிறு சிறு துண்டுகளாக கட் செய்து கொடுங்கள்.

• மூச்சுத்திணறல் ஏற்படக்கூடிய உணவுப் பொருட்கள் (Foods can cause choking):

ஈறுகளால் கடிக்க முடியாத அல்லது எளிதில் வாயில் கரைய முடியாத உணவுப் பொருளை உங்கள் குழந்தைக்குக் கொடுப்பதைத் தவிர்க்கவும்.முழு பட்டாணி, கேரட் போன்ற பச்சை காய்கறிகள் அல்லது பேரிக்காய் அல்லது திராட்சை போன்ற பழங்கள் இதில் அடங்கும். குழந்தைக்கு பற்கள் முளைக்க ஆரம்பித்தவுடன் மெல்லும் உணவுகளை நீங்கள் வழங்கலாம். இருந்தாலும் நீங்கள் கொடுக்கும் உணவுகள் மிக மெல்லிதாக சிறு சிறு துண்டுகளாக உள்ளனவா என்பதை உறுதி செய்து கொள்ளுங்கள்.

• அலர்ஜியை உண்டாக்கும் உணவுப் பொருட்கள் (Foods can cause allergy):

அலர்ஜியை ஏற்படுத்தக்கூடிய உணவுப்பொருட்களை குழந்தைகளுக்கு அளிக்கும் முன்பே கவனித்து தவிர்க்க வேண்டும். அலர்ஜியை ஏற்படுத்தக்கூடிய பொதுவான உணவுப் பொருட்களில், வேர்க்கடலை, முட்டை, கோதுமை மற்றும் தக்காளி ஆகியவை அடங்கும். ஏதேனும் அலர்ஜி ஏற்பட்டுள்ளதை நீங்கள் கவனித்தால், அதை எவ்வாறு சமாளிப்பது என்பது குறித்து உங்கள் மருத்துவரை அணுகி மாற்று வழியைக் கண்டறியவும்.

இதையும் படிக்கலாமே! - உங்கள் குழந்தை ஆரோக்கியமாக இருப்பதைக் காட்டும் 8 எளிய அறிகுறிகள்

• ஸ்வீட் டிரீட்ஸ் (sweet treats):

இயல்பாகவே குழந்தையின் சுவை மொட்டுக்கள் இனிப்பில் அதிகம் நாட்டம் கொண்டிருக்கும். ஆனால் நீங்கள் மற்ற சுவைகளை அறிமுகப்படுத்தும் போது அவற்றிலும் நாட்டம் கொண்டிருக்கலாம். உங்கள் குழந்தைக்கு இனிப்பு மீதான நாட்டத்தைக் குறைக்க அவற்றை நீங்கள் ஆரம்பத்திலிருந்தே அவர்களின் உணவுப் பழக்கத்திலிருந்து விலக்கி வைக்க வேண்டும். ஜெல்லி பீன்ஸ், மிட்டாய்கள் போன்றவை குழந்தைகளுக்கு மூச்சுத்திணறலை ஏற்படுத்தும் அபாயம் கொண்டவைகள் ஆகும்.

TAGS:

Foods to avoid for kids In Tamil, foods for babies in tamil, Foods which can be harmful for your baby: Please Avoid these In English, Foods which can be harmful for your baby: Please Avoid these In Hindi, Foods which can be harmful for your baby: Please Avoid these In Telugu, Foods which can be harmful for your baby: Please Avoid these In Bengali