VIEW PRODUCTS
Article Continues below advertisement
Breast Changes
3 November 2023 அன்று புதுப்பிக்கப்பட்டது
Article Continues below advertisement
முலைக்காம்புகள் என்பது ஆண்கள் மற்றும் பெண்கள் இருவருக்கும் மார்பக திசுக்களின் முதன்மை பகுதியாகும். பெண்களுக்கு, இவை புதிதாகப் பிறந்த குழந்தைகளுக்கு ஊட்டச்சத்துக்கான ஆதாரமாகச் செயல்படுவதோடு, குழந்தை பிறந்தவுடன் ஒரு சில மாதங்களுக்கு குழந்தைக்கு தாய்ப்பால் கொடுப்பதற்கும் பயன்படுகின்றன. கர்ப்ப காலத்திலும் அல்லது அதற்குப் பிறகு சில காலம் வரைக்கும் தாய்ப்பாலூட்டுதல் என்பது உலகளவில் கவனிக்கப்படும் ஒரு நிகழ்வாகும், இதைத் தவிர்த்து மற்ற சந்தர்ப்பங்களில் மார்பகக் காம்புகளில் கசிவு ஏதாவது இருந்தால் அது ஆபத்தானதாக இருக்கலாம். இருந்தாலும், இந்த நிகழ்விற்கு பலவிதமான காரணங்கள் உள்ளன அது சிறியதாக இருந்தால் அதற்காக கவலைப்படத் தேவையில்லை. இதை இன்னும் தெளிவாகச் சொல்ல வேண்டுமென்றால், மார்பகக் காம்புகளில் கசிவு ஏற்படுவதற்கான காரணங்களான, ஆபத்தானவை மற்றும் நன்மை செய்பவைப் பற்றி கீழே ஆய்வு செய்யப்படுகிறது.
இந்தக் காரணங்கள் சாதாரணமானவை. அதனால் இதற்கு மருத்துவ ரீதியிலான கவனிப்பு எதுவும் தேவையில்லை
மார்பகக் காம்புகளில் கசிவு ஏற்படுதல், லாக்டேஷன் டிஸ்சார்ஜ் (தாய்ப்பால் ஊட்டுதலுக்கான கசிவு) அல்லது கொலஸ்ட்ரம் (சீம்பால்) என்றும் அழைக்கப்படுகிறது, இது கர்ப்ப காலத்திலும் மற்றும் கர்ப்பத்திற்குப் பிறகும் ஏற்படும் இயற்கையான ஒரு நிகழ்வாகும். தாய்ப்பால் கொடுக்கும் போது அல்லது பிற வகையான நர்சிங் செயல்முறையின் போது மார்பகக் காம்புகளில் இருந்து வெளியிடப்படும் தெளிவான, நீர் நிறைந்த திரவம் கொலஸ்ட்ரம் எனப்படுகிறது, மேலும் இது தாய்ப்பாலுக்கு முன்பு வரும் முன்னோடியாகக் கருதப்படுகிறது. மார்பகக் காம்புகளில் இருந்து எந்தவொரு காரணமும் இன்றி திரவம் வெளிவந்தால், ஆனால் திரவத்தில் இரத்தம் எதுவும் இல்லாவிட்டால் கவலை எதுவுமில்லை. இருந்தாலும் நீங்கள் மருத்துவரைக் கலந்தாலோசிப்பது நல்லது.
தாய்ப்பால் கொடுத்த பிறகும் கூட மார்பகக் காம்புகளில் கசிவு இருக்கலாம். இது முற்றிலும் இயல்பான நிகழ்வுதான், இதற்காக கவலைப்படத் தேவையில்லை. சிறிது நேரத்தில் இந்தக் கசிவானது தானாகவே குறைந்துவிடும்.
உடல் கிளர்ச்சியின் போது, அதாவது ஒரு பெண் கர்ப்பமாக இல்லாவிட்டாலும் அவளுடைய மார்பகக் காம்புகளை அழுத்தும்போதோ அல்லது கசக்கும் போதோ கூட மார்பகக் காம்புகளில் கசிவு ஏற்படும். துணி மற்றும் உள்ளாடைகளுடன் தொடர்ந்து மார்பகக்காம்பு தொட்டுக்கொண்டிருப்பதன் காரணத்தினாலும் கூட இந்தக் கசிவானது தூண்டப்படும்.
Article continues below advertisment
மார்பகக் காம்புகளில் கசிவு ஏற்படுவதன் பின்னணியில் இருக்கும் காரணங்கள் சிலவற்றின் அடிப்படை நிலைமைகளையும் சுட்டிக்காட்டலாம். இருந்தாலும், இந்த காரணங்கள் புற்றுநோய்-அல்லாதது மற்றும் பெரும்பாலும் சிகிச்சையளிக்கக்கூடியவை.
இந்த நிலையானது மார்பகம் மற்றும் மார்பகக்காம்புகளில் நார்ச்சத்து திசுக்களின் வளர்ச்சியை ஏற்படுத்துகிறது. இது மார்பகத்தில் இருக்கும் திசுக்களில் கட்டிகளை ஏற்படுத்தும் என்றாலும், இதற்கு கவலைப்பட வேண்டியதில்லை. ஏனென்றால், இது புற்றுநோயைக் குறிப்பதில்லை. இருந்தாலும், இது வலி, அரிப்பு மற்றும் மார்பகக் காம்புகளில் கசிவு போன்ற சங்கடமான உடல் அறிகுறிகளை ஏற்படுத்தும். அது தெளிவானதாகவோ அல்லது பச்சை நிறமாகவோ இருக்கலாம்.
மார்பக அழற்சி (மஸ்டிடிஸ்) என்பது பாலூட்டி சுரப்பிகளில் ஏற்படும் தொற்று ஆகும். இது பெண்களுக்கு ஏற்படுவது மிகவும் பொதுவானது. மேலும், அது மார்பகக் காம்புகளில் இருந்து கசிவை ஏற்படுத்தும். இது மார்பகக் காம்பு அழற்சி பாக்டீரியா, ஈஸ்ட் அல்லது பிற நுண்ணுயிரிகளால் ஏற்படுகிறது மேலும் இது பால் குழாய்களில் நுழைந்து பால் சுரப்பிகளுக்கு பரவுகிறது. மார்பக அழற்சி என்பதன் பொதுவான காரணம் பாலின் அதிகப்படியான உற்பத்தி (பாலூட்டுதல்) ஆகும். மார்பகக் காம்பு கசிவானது மார்பகக் காம்பு அழற்சியின் அறிகுறியாக இருக்கலாம். ஆனால் இப்படி எப்போதும் இருப்பது உங்களுக்கு தொற்று உள்ளது என்று அர்த்தமில்லை.
இன்ட்ராடக்டல் பாப்பிலோமா என்பது ஆபத்தில்லாத கட்டிஆகும் இது மார்பகத்தில் இருக்கும் பால் குழாய்களில் வளரக்கூடியது. மேலும், மார்பகக் காம்பு கசிவினை ஏற்படுத்தும். மார்பகக் காம்பு கசிவிற்கான முக்கிய காரணங்களில் ஒன்று, இந்த கட்டியானது வீக்கமடையும் போது மார்பகக் காம்பு வழியாக இரத்தத்தை வெளியேற்றும். இருந்தாலும், இது புற்றுநோய் வளர்ச்சியைக் குறிக்கவில்லை.
தெளிவான அல்லது நிறமுள்ள மார்பகக் காம்பு கசிவிற்குப் பதிலாக, கேலக்டோரியா நோயால் பாதிக்கப்பட்ட நோயாளிகள் கர்ப்பமாக இல்லாவிட்டாலும் அல்லது பாலூட்டும்போது கூட பால் அல்லது பால் போன்ற பொருளை சுரக்கக்கூடும். ஹார்மோன் மருந்துகள், சைக்கோட்ரோபிக் (உளவியல் ரீதியான) மருந்துகள், சட்டவிரோத பொருட்களின் நுகர்வு மற்றும் ஹைப்போ தைராய்டிசம் போன்றவை இந்த நிலைக்குச் சில அடிப்படைக் காரணங்களாகும்.
Article continues below advertisment
அனைத்து வகையான மார்பகக் காம்பு கசிவுகளும் ஆபத்தில்லாதவை என்று சொல்ல முடியாது. இதில் சில மார்பக புற்றுநோய் போன்ற ஆபத்தான நிலைகளின் அறிகுறிகள் அல்லது குறிகாட்டிகளாக இருக்கலாம். மேலும், இதுபோன்ற சந்தர்ப்பங்களில், கட்டிகள் உருவாகுவதைத் தவிர, கசிவு மட்டும் கூட அறிகுறியாக இருக்கலாம். எனவே, இந்த சாத்தியத்தை உறுதிப்படுத்துவதற்கு அல்லது நிராகரிப்பதற்கு இது ஒரு மருத்துவ நிபுணரால் பரிசோதிக்கப்படுவது முக்கியம். மார்பகக் காம்பு கசிவுவை ஏற்படுத்தும் இரண்டு வகையான புற்றுநோய்கள் இங்கே கொடுக்கப்பட்டுள்ளன:
இன்ட்ராடக்டல் கார்சினோமா என்பது ஒரு வகை புற்றுநோயாகும் இது மார்பகக் குழாய்களின் உட்புறத்தில் வரிசையாக இருக்கும் செல்களில் உருவாகிறது. இந்தக் குழாய்கள் சிறிய குழாய்கள் போன்றவை இவை மார்பில் இருந்து குழந்தைக்கு பால் கொண்டு செல்லும். இன்ட்ராடக்டல் கார்சினோமா ஆனது நுரையீரல் உட்பட மற்ற உடல் பாகங்களுக்கும் பரவக்கூடும். இன்ட்ராடக்டல் கார்சினோமாவின் மிகவும் பொதுவான அறிகுறி மார்பகக் காம்பு கசிவு ஆகும். இந்த கசிவானது பார்ப்பதற்கு பால், சீழ், இரத்தம் அல்லது திசுக் கட்டிகள் போன்று எதுவாக வேண்டுமானாலும் இருக்கலாம். இது துர்நாற்றம் வீசும் மற்றும் தொடும் போது வலியை ஏற்படுத்தும்.
புற்றுநோயின் இந்த வடிவம் பொதுவாக மார்பகக் காம்பு மற்றும் இதைச் சுற்றியுள்ள தோலைப் பாதிக்கிறது. மார்பகக்காம்புகளில் இருந்து கசிவது மஞ்சள், பச்சை அல்லது பழுப்பு நிறமாக இருக்கலாம். மார்பகக் காம்புகளைச் சுற்றி வலி, சிவத்தல் மற்றும் வீக்கம் போன்றவை பேஜெட் நோயின் மற்ற அறிகுறிகளாகும். மார்பகக் காம்பு கசிவானது பேஜெட் நோயைக் குறிக்கலாம். இதற்கு சிகிச்சை அவசியமாகும்.
இதையும் படிக்கலாமே! - மார்பக வீக்கம் (பால் கட்டுதல்) பற்றி மேலும் அறிக- காரணங்கள், சிகிச்சை & அறிகுறிகள்
பெண்களுக்கு இருக்கும் மார்பகக் காம்பு கசிவிற்கான சில முக்கிய காரணங்களுடன் இது முடிக்கப்படுகிறது. தெளிவாகச் சொல்ல வேண்டுமென்றால், சில வழக்கமான நிலைமைகளுக்கு, மற்றவர்களுக்கு சில வகை மருத்துவ சிகிச்சை அல்லது வீட்டு வைத்தியம் கூட தேவைப்படலாம். எப்படி இருந்தாலும், பல பெண்களை பாதிக்கும் மார்பக புற்றுநோய் போன்ற நிலைமைளுக்கு இன்றும் கூட மிகப்பெரிய அச்சுறுத்தல் உள்ளது. எனவே, மோசமானதை நிராகரிப்பதற்கு நம்பகமான மருத்துவ பயிற்சியாளரால் எப்போதும் பரிசோதிக்கப்படுவது நல்லது.
Article continues below advertisment
Yes
No
Written by
Gajalakshmi Udayar
Get baby's diet chart, and growth tips
கர்ப்ப காலத்தில் ஈகோஸ்பிரின் மாத்திரையை எடுத்துக் கொள்வதால் ஏதேனும் பக்க விளைவுகள் ஏற்படுமா?| Are There Any Side Effects Of Taking Ecosprin In Pregnancy in Tamil
30 நாட்களில் கர்ப்பம் உறுதி செய்ய முடியுமா?|Can pregnancy be confirmed in 30 days in Tamil
ஐ.யூ.ஐ (IUI) (கருப்பைக்குள் விந்தணுவைச் செலுத்துதல்) என்பது வலி நிறைந்ததாக இருக்குமா? | Is IUI (Intra Uterine Insemination) Painful in Tamil
பச்சிளங் குழந்தைகளுக்கு ஏற்படும் இருமல் மற்றும் சளிக்கான 10 வீட்டு வைத்தியங்கள்-10 Home Remedies For Cough And Cold In Toddlers in Tamil
அண்டவிடுப்பின் காலம் - மிகவும் வளமான சாளரம், கர்ப்பத்திற்கான தடையைத் திறக்கவும் |Ovulation Period-The Most Fertile Window, Open the Roadblock to Pregnancy in Tamil
பாலியல் உறவுக்குப் பிறகு கர்ப்பம் அடைவதை இயற்கையாக தவிர்ப்பது எப்படி| How To Avoid Pregnancy Naturally After Sex in Tamil
At Mylo, we help young parents raise happy and healthy families with our innovative new-age solutions:
baby carrier | baby soap | baby wipes | stretch marks cream | baby cream | baby shampoo | baby massage oil | baby hair oil | stretch marks oil | baby body wash | baby powder | baby lotion |