குழந்தைகளுக்கு வரும் பொடுகு காரணங்கள், அறிகுறிகள் மற்றும் சிகிச்சை

பொடுகு என்றால் என்ன?

உங்கள் குழந்தையின் தலையில் மஞ்சள் உலர்ந்த திட்டு இருப்பதை கவனித்தீர்களா? குழந்தையின் உச்சந்தலையில் சிறிது வறட்சியைக் காணும் போது, நீங்கள் தலைக்கு குளிக்க வைத்திருக்கிறீர்களா? உங்கள் குழந்தை செபொர்ஹெக் டெர்மடிடிஸ் நோயால் பாதிக்கப்பட்டிருக்கலாம். இந்த பெயர் அசச்சுறுத்துவது போல் இருக்கலாம்.

ஆனால் செபொர்ஹெக் டெர்மடிடிஸ் என்பது குழந்தைகளுக்கு மிகவும் சாதாரணமாக வரக் கூடியது. உங்கள் குழந்தைக்கு 2 வாரங்கள் ஆனவுடன் இது பெரும்பாலும் தோன்றத் தொடங்குகிறது. உச்சந்தலையில் அல்லது கழுத்து, அக்குள் மற்றும் முழங்கால்களுக்குக் கீழே உடலின் மற்ற பகுதிகளில் வறட்சியை நீங்கள் கவனிக்கலாம்.

பொடுகு மோசமான சுகாதார நிலைமைகளுடன் இணைக்கப்படவில்லை, மாறாக காரணம் இன்னும் தெரியவில்லை.

அதிகப்படியான செபம் (மயிரடிச்சுரப்பு) உற்பத்தியானது செபொர்ஹெக் டெர்மடிடிஸை ஏற்படுத்துகிறது, மேலும் இது ஒரு சிகிச்சையளிக்கக்கூடிய நிலை. மாறாக, அது எங்கிருந்தோ தோன்றியதைப் போல, கவனிக்காமல் மறைந்து போகத் தொடங்கும்.

பொடுகை நீங்கள் கவனிக்கத் தொடங்கும் போது செய்ய வேண்டிய விஷயங்களுக்கு பின்வருவனவற்றை படிக்கவும்.

செபொர்ஹெக் டெர்மடிடிஸ் (பொடுகு) எதனால் ஏற்படுகிறது?

பொடுகு ஏற்பட்டதற்கான காரணம் தெரியவில்லை. பிறப்பதற்கு முன் அல்லது தாய்ப்பால் கொடுக்கும் போது தாயிடமிருந்து குழந்தைக்கு ஹார்மோன்கள் ஒரு காரணியாகும்.

ஆக்ஸிடாஸின் மற்றும் ப்ரோலாக்டின் ஹார்மோன்கள் எண்ணெய் சுரப்பிகள் மற்றும் மயிர்க்கால்களில் அதிகப்படியான எண்ணெய் (செபம் - sebum) உற்பத்தியை ஏற்படுத்தும்.

பொடுகு தொற்றும் அல்ல மற்றும் மோசமான சுகாதாரத்தின் விளைவும் அல்ல.

பொடுகின் (செபோர்ஹெக் டெர்மடிடிஸ்) அறிகுறிகள் என்ன?

செபோரியா டெர்மடிடிஸின் வளர்ச்சி 2 வாரங்கள் மற்றும் 12 மாதங்கள் வரை தொடங்குகிறது. பொடுகின் தோற்றம் சிவப்பு சொறி போல் இருக்கும். இது செதில் அல்லது மஞ்சள் நிற திட்டு வடிவில் இருக்கும்.

இது கழுத்து மடிப்புகளின் பின்புறத்தில் சிவப்பு மற்றும் ஈரமானதாக தோன்றலாம் மற்றும் செதில்களாகவும் உலர்ந்ததாகவும் மாறும். செபோரியா டெர்மடிடிஸின் மிகவும் பொதுவான பகுதிகள் உச்சந்தலையில், கழுத்தின் பின்புறம், புருவங்கள், காதுகள் மற்றும் சில நேரங்களில் கைகளின் கீழும் காணப்படும். இது அரிப்பு இல்லை, ஆனால் தோல் வறட்சி முக்கியமாக உள்ளது.

பொடுகை (செபோர்ஹெக் டெர்மடிடிஸ்) எப்படி அகற்றலாம்?

குழந்தை வளர வளர பொடுகு மற்றும் தோல் அழற்சி மறைந்துவிடும். நீங்கள் முடிந்தவரை இறந்த செதில் தோலை துடைக்க அல்லது கழுவி அவற்றை அகற்ற வேண்டும். உங்கள் குழந்தையின் தோல் மிகவும் மென்மையானது மற்றும் மிருதுவானது என்பதை நினைவில் கொள்ளுங்கள். எனவே, தேவையானதை தவிர அதிகமாக வேறேதும் செய்தால் தோலில் சிராய்ப்பு ஏற்படலாம்.

நீங்கள் தேவையற்றதைச் செய்யாமல் இருப்பதை உறுதிசெய்ய, கீழ் காணும் செய்முறைகளை பின்பற்றவும் :

• சுத்தமான தண்ணீர் அல்லது தோல் மருத்துவரால் பரிந்துரைக்கப்பட்ட ஷாம்பு கொண்டு தலையை கழுவவும் அல்லது தலைக்கு குளிக்கவைக்கவும்.

  Article continues below advertisment

• செதில்கள் ஒட்டியிருந்தால், மென்மையான தூரிகையைப் பயன்படுத்தவும்

• குளிப்பதற்கு 5 நிமிடங்களுக்கு முன் பெட்ரோலியம் ஜெல்லி அல்லது வாசலின் பயன்படுத்தவும் (மருத்துவரின் ஆலோசனைப்படி).

• நெற்றி மற்றும் உச்சந்தலையில் அதிகமான எண்ணெயைப் பயன்படுத்துவதைத் தவிர்க்கவும். ஏனெனில், இது அதிக மயிரடிச்சுரப்பு உற்பத்தியைத் தூண்டும்.

• உங்கள் தோல் மருத்துவர் ஒன்று அல்லது இரண்டு பூஞ்சை எதிர்ப்பு கிரீம்கள், ஷாம்புகள் அல்லது ஸ்டெராய்டல் கிரீம்களை பரிந்துரைக்கலாம்.

• குறைக்கப்பட்ட அல்லது மிகைப்படுத்தப்பட்ட அறிகுறிகளுக்கு மருத்துவரிடம் தொடர்ந்து சரிபார்க்கவும்.

  Article continues below advertisment

பொடுகு எவ்வாறு கண்டறியப்படுகிறது?

மருத்துவரிடம் உங்கள் தொடர் வருகைகளின்போது மருத்துவர் பொடுகை உறுதிப்படுத்துவார். வறண்ட, மஞ்சள், செதில்களாக தோல் தோன்றினால், குழந்தைக்கு பொடுகு இருப்பதை உறுதிப்படுத்தலாம்.

பொடுகிற்கான வீட்டு வைத்தியம்

• வாரத்திற்கு 2-3 முறையாவது உச்சந்தலைக்கு குளிப்பதை உறுதி செய்யவும். லேசான ஷாம்பூவைப் பயன்படுத்துங்கள், குழந்தையின் தலையை அழுத்தி தேய்க்க வேண்டாம்.

• ஆலிவ் எண்ணெய், பாதாம் எண்ணெய் அல்லது தேங்காய் எண்ணெய் போன்ற லேசான எண்ணெயை ஒரு சிறிய அளவு எடுத்து தடவி, 15 நிமிடங்கள் ஊற விட்டு, மென்மையான தூரிகை மூலம் குளிக்க வைக்கவும்.

• சமையல் சோடா மற்றும் எண்ணெய் சம பாகங்கள் கலந்து. ஒரு பேஸ்ட்டை உருவாக்கி, பாதிக்கப்பட்ட பகுதியில் தடவவும். வழக்கமான தண்ணீரில் கழுவவும்

• தலைக்கு குளித்த பின் சருமத்தை ஈரப்பதமாக்க மறக்காதீர்கள். சரியான அளவு மாய்ஸ்சரைசரைப் பயன்படுத்துங்கள், மேலும் அதை மிகைப்படுத்தாதீர்கள்.

  Article continues below advertisment

• தினமும் உச்சந்தலையை தேய்த்து, தேவையற்ற மாசு/அழுக்குகளை மட்டும் அகற்றவும்.

பொடுகு வராமல் தடுக்கும் வழிகள் :

தலை மற்றும் பிற தோல் மடிப்புகளை சுத்தமாக வைத்திருத்தல், தோலில் லேசான கிளீனிங் ஏஜென்ட் மற்றும் தலைக்கு லேசான ஷாம்பூவைப் பயன்படுத்துதல். உங்கள் மருத்துவரின் ஆலோசனைக்குப் பிறகு ஷாம்பு மற்றும் க்ளென்சரைப் பயன்படுத்துவது நல்லது.

நான் வேறு என்ன தெரிந்து கொள்ள வேண்டும்?

நினைவில் கொள்ளுங்கள், எந்த குழந்தைகளும் ஒரே மாதிரியானவை அல்ல. அது வேறொரு குழந்தைக்கு வேலை செய்வதால் மட்டுமே நீங்கள் எதையாவது பின்பற்றக்கூடாது. அது உங்கள் குழந்தைக்கு மோசமாகலாம் எப்போதும் முன் ஆலோசனை பெறவும். செபோரியா டெர்மடிடிஸ் என்பது சிகிச்சையளிக்கக்கூடிய ஒரு நிலை. அதிகப்படியான சரும உற்பத்தி மயிர்க்கால்களைத் தடுத்து முடி வளர்ச்சியை சேதப்படுத்தும்.

இதையும் படிக்கலாமே! - குழந்தைகளுக்கான பால் குளியல்: அர்த்தம், நன்மைகள் மற்றும் எப்படி செய்வது

நீங்கள் எப்போது மருத்துவரை சந்திக்க வேண்டும்?

உங்கள் குழந்தையின் தலையில் அல்லது உடலின் வேறு எந்தப் பகுதியிலும் பின்வரும் அறிகுறிகளை நீங்கள் கவனித்தவுடன், நீங்கள் மருத்துவரை அணுக வேண்டும்:

• சிவப்பு செதில்களாக தோல்

• தலையின் மேல் மஞ்சள் திட்டு

• செதில்கள்

• பாதிக்கப்பட்ட பகுதி சூடாக உணர்வது

• தோலில் அறியப்படாத வறட்சி

  Article continues below advertisment