పిల్లలు సెన్సరీ డిజార్డర్స్​తో సమస్యలను ఎదుర్కొంటూ ఉంటే.. ప్రవర్తనా మరియు నేర్చుకోవడంలో ఇబ్బందులు పడుతున్న పిల్లల తల్లిదండ్రులను అందుకు సంబంధించిన ప్రశ్నలు అడగండి. వారు దానికి అవును అని సమాధానం ఇస్తారు. ఆటిజం స్పెక్ట్రమ్ డిజార్డర్​తో బాధపడుతున్న పసిపిల్లలకు సెన్సరీ ఇన్​పుట్​ను స్వీకరించేందుకు ఇబ్బందులు ఉన్నాయని సాధారణంగా అంగీకరించబడినప్పటికీ స్పెక్ర్టమ్​లో లేని పిల్లలు కూడా వివిధ స్థాయిలలో ఇబ్బందులు కలిగి ఉండవచ్చునని ఇప్పుడు పరిశోధనలో తేలింది.

సెన్సరీ ప్రాసెసింగ్ డిజార్డర్ అంటే ఏమిటి?

సెన్సరీ ప్రాసెసింగ్ డిజార్డర్ (SPD) అనేది మీ మెదడు ఇంద్రియాల నుంచి సమాచారాన్ని ఎలా ప్రాసెస్ చేస్తుందో తెలిపే నాడీ పరిస్థితి. వారు ఎలా రియాక్ట్ అవుతారనే విషయం మీద ఆధారపడి సెన్సరీ ప్రాసెసింగ్ డిజార్డర్ ఉన్న వ్యక్తులు అదనపు సున్నితత్వాన్ని కలిగి ఉండవచ్చు. లేదా సెన్సరీ సమాచారానికి రియాక్ట్ కాకపోవచ్చు. సెన్సరీ సమాచారంలో మీరు చూసే, విన్న, ముట్టుకున్న, వాసన, రుచి చూసిన విషయాలు ఉంటాయి. ఈ డిజార్డర్ మీరు ఇతరుల కంటే అతిగా స్పందిస్తున్నారని సూచిస్తుంది.

పెద్దలతో పోల్చుకుంటే పిల్లలకు SPD(సెన్సరీ ప్రాసెసింగ్ డిజార్డర్) వచ్చే అవకాశం ఎక్కువగా ఉంటుంది. అయితే పెద్దలలో కూడా ఈ లక్షణాలు ఉండవచ్చు. సాధారణంగా ఈ లక్షణాలు పెద్దవారిలో చిన్నతనం నుంచే ఉంటాయి. వారు ఈ డిజార్డర్​ను ఎదుర్కొనేందుకు సమాయత్తమై ఉంటారు. ఇదే వారిని ఇతరుల నుంచి వేరుగా ఉంచుతుంది. ఉదాహరణకు సెన్సరీ సమస్యలు ఉన్న పిల్లలు భారీ శబ్దాలు, పెద్ద పెద్ద లైట్లు, ఎక్కువ వాసన వచ్చే ప్రదేశాల వంటి వారి ఇంద్రియాలను అతిగా ప్రేరేపించే విషయాల పట్ల విరక్తి కలిగి ఉండవచ్చు. లేదా వారు తమ ఇంద్రియాలను తగినంతగా ప్రేరేపించని పరిస్థితులలో అదనపు ప్రేరణను కోరుకోవచ్చు. సెన్సరీ ప్రాసెసింగ్ డిజార్డర్ అనేది ప్రత్యేక డిజార్డరా లేక ఆటిజం స్పెక్ట్రమ్ డిజార్డర్, హైపరాక్టివిటీ, అటెన్షన్ డెఫిసిట్ డిజార్డర్ వలన సంభవించేదా అనే విషయంలో వైద్యులు కొంత తర్జనభర్జనలు పడుతున్నారు. ఏదేమైనప్పటికీ సెన్సరీ సమస్యల గురించి లేదా ప్రాసెసింగ్ డిజార్డర్స్ గురించి చాలా తక్కువగా తెలుసు. ఇంకా ఎక్కువ పరిశోధనలు జరగాల్సిన అవసరం ఎంతైనా ఉంది.

సెన్సరీ ప్రాసెసింగ్ అంటే ఏమిటి?

మీరు ప్రాథమిక పాఠశాలలో చదివేటపుడు ఐదు ఇంద్రియాల గురించి చదివి ఉంటారు. కానీ వాస్తవం ఏమిటంటే.. మీరు ఐదు ఇంద్రియాల కంటే ఎక్కువ వాటితో ఈ ప్రపంచాన్ని అనుభవిస్తారు.

సెన్సరీ ప్రాసెసింగ్ అనేది ఎనిమిది మెయిన్ టైప్స్​గా విభజించబడింది. వాటిలో కొన్ని..

1. శరీర భాగాల్లో కదలికలను తెచ్చేది (ప్రోపియోసెప్షన్):

ఇది మీ శరీరంపై మీకు ఉన్న అవగాహనపై ఇంటర్నల్ ఫీలింగ్. ఇది భంగామ మరియు మోటార్ కంట్రోల్​ను నిర్వహించేందుకు మిమ్మల్ని అనుమతిస్తుంది. ఉదాహరణకు మీరు ఒక చోటు నుంచి ఒక చోటుకి ఎలా తరలివెళ్లాలో, ఎలా స్థలాన్ని ఆక్రమించాలో కూడా ఇది మీకు తెలియజేస్తుంది.

2. శరీర స్థానాన్ని ప్రభావితం చేసేది (వెస్టిబ్యులర్):

ఈ పదం లోపలి చెవుకు సంబంధించినది. ఇది మీ శరీర బ్యాలెన్స్ మరియు సమన్వయాన్ని మెయింటేన్ చేస్తుంది.

3. ఏమని అనిపిస్తుందో తెలుసుకునే భావన (ఇంటరోసెప్షన్):

మీరు ఎటువంటి భావాన్ని కలిగి ఉన్నారో ఈ పదం తెలియజేస్తుంది. మీరు వేడిగా లేదా చల్లగా ఫీల్ అవుతున్నారా మరియు మీ ఎమోషన్స్​ను ఇది బాగా అర్థం చేసుకుంటుంది.

4. ఐదు రకాల ఇంద్రియాలు:

ఐదు రకాల సాధారణ ఇంద్రియాలు ఉన్నాయి – స్పర్శ, వినికిడి, రుచి, వాసన, చూపు

ఈ డిజార్డర్​ను నిర్దారించేందుకు కావాల్సిన ఆధారాలు తగినన్ని లేవు. చాలా మంది వైద్యులు లేదా నిపుణులు సెన్సరీ సమస్యలు ఆటిజం స్పెక్ట్రమ్ డిజార్డర్ వంటి వ్యాధులతో కలిసి ఉంటాయని నమ్ముతారు. "సెన్సరీ ప్రాసెసింగ్ డిజార్డర్" అనే పదాన్ని ఆక్యుపేషనల్ థెరపీలో ఉపయోగిస్తారు

సెన్సరీ ప్రాసెసింగ్ డిజార్డర్ వచ్చినపుడు కనిపించే లక్షణాలు, సంకేతాలు ఏమిటి?

పిల్లలు వివిధ రకాల అనుభూతులను ఎలా ప్రాసెస్ చేస్తారనే దాని మీద ఇది ఆధారపడి ఉంటుంది. సెన్సరీ ప్రాసెసింగ్ సమస్యల లక్షణాలు భిన్నంగా ఉంటాయి. ఉదాహరణకు.. ఈజీగా స్టిమ్యులేట్ చేయబడిన పిల్లలు హైపర్​సెన్సిటివిటీని అనుభవించవచ్చు. వారు కాంతి, ధ్వని, స్పర్శకు సంబంధించిన ఇన్​పుట్స్​కు బాగా సెన్సిటివ్​గా రియాక్ట్ అవుతారు. ఈ ప్రభావాలు వారిని ఎక్కువగా డిస్ట్రబ్ చేయవచ్చు. ఎక్కువ సెన్సరీ ఇన్ఫర్మేషన్ వల్ల వారి కాన్సంట్రేషన్​ను దెబ్బతీయవచ్చు. లేకపోతే ఏదైనా చర్య తీసుకోమని వారిని ప్రోత్సహించవచ్చు.

కొంత మంది పిల్లలు హైపోసెన్సివిటీని కూడా అనుభవించవచ్చు. వారు సెన్సరీ అవుట్​పుట్స్​కు సున్నితత్వాన్ని తగ్గించారని ఇది సూచిస్తుంది. వ్యక్తిగత అనుభవాల సున్నితత్వం మీద వారికి ఏ విధమైన లక్షణాలు ఉంటాయో ఎక్కువగా ఆధారపడి ఉంటుంది. ఉదాహరణకు హైపర్​సెన్సిటివ్ పిల్లలు ప్రతీది చాలా పెద్దగా లేదా ప్రకాశవంతంగా ఉన్నట్లు ఫీల్ అవుతారు. ఫలితంగా ఇటువంటి పిల్లలు నాయిసీ రూమ్స్​లో (ఎక్కువ డిస్ట్రబెన్స్​ ఉన్న గదులలో) నివసించేందుకు ఎక్కువ ఇబ్బంది పడతారు. వాసన వస్తే ప్రతికూలంగా ప్రభావితం కావొచ్చు. సెన్సరీ హైపర్​సెన్సిటివిటీ కింది పరిమాణాలకు దారి తీయవచ్చు.:

• తక్కువగా నొప్పి అనుభూతి
• క్లంప్సీగా(గజిబిజిగా) కనిపించడం
• భద్రత గురించి ఏమాత్రం ఆలోచించకుండా తప్పించుకోవడం
• తరచూ కళ్లు లేదా చెవులను కప్పి ఉంచడం
• ఎంపిక చేసిన ఆహారాలు లేదా ఒక విధమైన ఆకృతి ఉన్న ఆహారాలను తినేందుకు గోల చేయడం
• కౌగిలింతలు లేదా ఆకస్మిక స్పర్శ (టచెస్) ను నివారించడం
• సాఫ్ట్ టచెస్ చాలా హార్డ్​గా ఉంటాయని వారు ఎక్కువగా నమ్ముతారు
• వారి ఎమోషన్స్​ను కంట్రోల్ చేసుకోవడంలో ఇబ్బంది
• దేనిమీదైనా కాన్సంట్రేట్ చేయడంలో ఇబ్బంది
• ప్రతిస్పందనలను స్వీకరించడంలో ఇబ్బంది
• ప్రవర్తనలో సమస్యలు

హైపర్​సెన్సిటివ్​ ఉన్న పిల్లలు దీని విరుద్ధంగా వారి చుట్టూ ఉన్న ప్రపంచంతో తక్కువ సున్నితంగా ఉండి.. పరస్పర చర్యను కోరుకుంటారు. వారు మరింత సెన్సరీ ఫీడ్​బ్యాక్​ను పొందేందుకు పరిసరాలతో ఎక్కువగా కనెక్ట్ అవుతారు. ఇదే వారిని హైపర్​యాక్టివ్​గా కనిపించేలా చేస్తుంది. వాస్తవం చెప్పాలంటే వారు తమ ఇంద్రియాలు (సెన్సన్​ను) మరింత కేంద్రీకరించేందుకు ప్రయత్నిస్తారు. సెన్సరీ హైపోసెన్సిటివిటీ కింది లక్షణాలను కలిగి ఉండవచ్చు:

• అధిక నొప్పి
• గోడలకు కొట్టుకోవడం
• అన్ని విషయాలకు బాధపడడం
• వారి నోటిలో ఏదో స్టఫ్ పెట్టుకోవడం
• ఎక్కువగా హగ్స్ ఇవ్వడం
• వస్తువులు లేదా ఇతర వ్యక్తులను కొట్టడం
• వ్యక్తిగత స్పేస్​ను గౌరవించకపోవడం
• ముందుకూ వెనకకూ తరలడం మరియు ఊగడం

అసలు పిల్లలలో ఇంద్రియ సమస్యలు రావడానికి గల కారణం ఏమిటి?

పసిపిల్లలలో సెన్సరీ ప్రాసెసింగ్ డిజార్డర్స్​కు కారణం ఏమిటో సరిగ్గా తెలియదు. అయినప్పటికీ సమాచారాన్ని ప్రాసెస్ చేసే బ్రెయిన్​కు దీనితో ఏదైనా సంబంధం ఉండవచ్చునని శాస్త్రవేత్తలు బలంగా నమ్ముతున్నారు. ఆటిస్టిక్(ఆటిజం ఉన్న వ్యక్తులు) పీపుల్​కు సెన్సరీ డిజార్డర్స్ ఎక్కువగా ఉంటాయి. ఏదేమైనా ప్రాసెసింగ్ డిజార్డర్స్ స్వతంత్రంగా సంభవిస్తాయా? లేక వేరే ఇతర డిజార్డర్ వలన ఇవి కలుగుతాయా? అనే విషయంలో ఇప్పటికీ స్పష్టత లేదు. ఏదేమైనప్పటికీ సెన్సరీ ప్రాసెసింగ్ డిజార్డర్స్ రోగనిర్దారణ కంటే చాలా డేంజర్ అని వైద్య సమాజంలో ఎక్కువ మంది నమ్ముతారు.

• ప్రెగ్నెన్సీ మరియు డెలివరీ సమస్యలు సెన్సరీ ప్రాసెసింగ్ సమస్యలకు సంబంధించినవి కావచ్చునని ఓ సమీక్ష మరియు షార్ట్ స్టడీ సూచిస్తున్నాయి. అవేంటంటే..
• ప్రీమెచూర్ డెలివరీ (నెలలు నిండకుండానే పుట్టడం)
• తక్కువ బరువుతో జన్మించడం
• పేరెంటెల్ స్ట్రెస్
• గర్భధారణ సమయంలో మద్యం లేదా మాదకద్రవ్యాలను తీసుకోవడం

సెన్సరీ ప్రాసెసింగ్ డిజార్డర్ అభివృద్ధి చెందేందుకు ఈ కిందివి నిర్దిష్ట కారణాలుగా ఉన్నాయి. కొన్ని రకాల రసాయనాలను అతిగా తీసుకోవడం, చిన్నతనంలో ఇంద్రియాలను సరిగ్గా ప్రేరేపించకపోవడం వంటివి కారణాలుగా ఉండవచ్చు. అబ్​నార్మల్ బ్రెయిన్ యాక్టివిటీ కూడా ఇంద్రియాలు మరియు ఉద్దీపనలకు మెదడు రియాక్ట్ అయ్యే విధానాన్ని కూడా మార్చుతుంది.

ఇంద్రియ సమస్యలు వేరొక వ్యాధిలో భాగమా?

చాలా మంది వైద్యులు సెన్సరీ డిజార్డర్స్​ను ప్రత్యేకమైన డిజార్డర్​గా గుర్తించడం లేదు. కానీ కొంత మందికి తాము అనుభూతి చెందుతున్న, చూపు, వాసన, రుచి, లేదా విన్న వాటిని ప్రాసెస్ చేయడంలో ఇబ్బందులు ఉన్నాయని తెలిసిపోతుంది. చాలా సందర్భాలలో పిల్లల్లో సెన్సరీ సమస్యలు సంభవిస్తాయి. కానీ పెద్దలు కూడా ఈ సమస్యను అనుభవించవచ్చు. కొంత మంది పిల్లలు ఆటిజం స్పెక్ట్రమ్​తో కూడా బాధపడుతూ ఉంటారు.

సెన్సరీ సమస్యలకు సంబంధించిన పరిస్థితులు లేదా రుగ్మతలు ఈ కింది వాటిని కలిగి ఉండవచ్చు.

1. ఆటిజం స్పెక్ట్రమ్ డిజార్డర్:

ఇంద్రియ(సెన్సరీ) సమాచారాన్ని ప్రాసెస్ చేసేందుకు బాధ్యత వహించే మెదడులోని నాడీ మార్గం విషయంలో ఆటిజం కలిగి ఉన్న వ్యక్తులు హెచ్చుతగ్గులను కలిగి ఉండవచ్చు.

2. ·అటెన్షన్ డెఫిసిట్ హైపర్ యాక్టివిటీ డిజార్డర్ :

ADHD అనేది అనవసరమైన ఇంద్రియ సమాచారాన్ని ఫిల్టర్ చేసే సామర్ధ్యాన్ని కలిగి ఉంటుంది. ఇది ఇంద్రియ ఓవర్​లోడ్​కు కారణం అవుతుంది.

3. స్కిజోఫెర్నియా (మనోవైకల్యం):

ఈ పరిస్థితులు ఉన్న వ్యక్తులలో మెదడులోని అసాధారణతలు న్యూరాన్​ల మధ్య సంబంధాన్ని ఏర్పరుస్తాయి. వాటిని మార్చగల సెన్సరీ మరియు మోటార్ ప్రాసెసింగ్​కు కారణం అవుతాయి.

4. స్లీప్ డిజార్డర్స్:

నిద్ర లేమి వంటి స్లీప్ డిజార్డర్స్ మతిమరుపుకు దారి తీయొచ్చు. ఇది తాత్కాలిక సెన్సరీ ప్రాసెసింగ్ సమస్యలను కలిగిస్తుంది.

5. డెవలప్​మెంట్ డిలే:

ఇంద్రియ సమస్యలతో బాధపడే వ్యక్తులలో డెవలప్​మెంట్​ కూడా ఆలస్యం అవుతుంది.

6. బ్రెయిన్ ఇంజూరీ:

పరిశోధనల ప్రకారం.. బ్రెయిన్ ఇంజూరీ అనేది సెన్సరీ ప్రాసెసింగ్ డిజార్డర్ తలెత్తేందుకు ఒక కారణం కావొచ్చు.

ఏదేమైనప్పటికీ ADHDతో బాధపడుతున్న పిల్లలు సెన్సరీ సమస్యలు ఎదుర్కొంటున్న పిల్లల కంటే ఎక్కువ హైపరాక్టివిటీని కలిగి ఉంటారు. ADHD ఉన్న వ్యక్తులు కూడా ఏకాగ్రత, ఒకే చోట కూర్చోవడంలో సమస్యలను కలిగి ఉంటారు. ఎందుకంటే వారు ప్రపంచంతో సెన్సరీ ఇంటరాక్షన్స్​ను కోరుకుంటారు. లేదా వారి చుట్టు పక్కల ఉన్న పరిస్థితుల వల్ల బాధపడతారు.

మీకు ఇది కూడా నచ్చుతుంది: చిన్ననాటి రుగ్మతలు అనగానేమి? ఇవి ఎలా ఉంటాయి? వీటికి కారణాలు, చికిత్స ఏమిటి?

ఇంద్రియ సమస్యలు ఎలా నిర్దారణ అవుతాయి?

సెన్సరీ ప్రాసెసింగ్ డిజార్డర్ అనేది అఫీషియల్​గా గుర్తించబడిన నాడీ సంబంధిత రుగ్మత కాదు. దీని అర్థమేమింటో సెన్సరీ ప్రాసెసింగ్ రోగ నిర్దారణకు ఏ విధమైన ప్రమాణాలు లేవు. బదులుగా సెన్సరీ ప్రాసెసింగ్ డిజార్డర్​తో బాధపడే పిల్లలకు నిపుణులు పిల్లల ప్రవర్తన మరియు వారు ఇతరులతో ఇంటరాక్ట్ అయ్యే విధానం బట్టి సహాయం చేస్తారు. అలాగే కొన్ని సందర్భాలలో నిపుణులు సెన్సరీ ప్రాసెసింగ్ డిజార్డర్ టాడ్లర్స్ క్విజ్ లేదా సెన్సరీ ప్రాసెసింగ్ మెజర్స్ (SPM) వంటి ప్రశ్నావళిని ఉపయోగించవచ్చు. ఆరోగ్య సంరక్షకులకు మరియు ఎడ్యుకేటర్స్​కు ఈ టెస్ట్స్ సెన్సరీ ఫంక్షనింగ్​తో బాధపడే పిల్లల పరిస్థితి బాగా అర్థం చేసుకోవడానికి సహాయపడతాయి. మీ పిల్లలకు సెన్సరీ సమస్యలు ఉన్నాయని మీకు అనుమానం కలిగితే.. ఈ కింది క్లూస్ వైద్యుడిని సంప్రదించేందుకు సమయం ఆసన్నమైందని సూచిస్తాయి.

• ప్రవర్తన అనేది రోజువారీ జీవితానికి ఆటంకం కలిగిస్తుంది.
• లక్షణాలు అనేవి నాటకీయంగా మారుతాయి.
• రియాక్షన్స్​ను మేనేజ్ చేయడం చాలా కష్టంగా మారుతుంది
• సెన్సరీ సమస్యలు వారు నేర్చుకునే దానిని సూచిస్తాయి.

వైద్యుడిని అడగాల్సిన ప్రశ్నలు

మీ పిల్లల ఇంద్రియ ప్రాసెసింగ్ సమస్యలను చర్చించేందుకు వైద్యుడిని కలిసినపుడు మీ పిల్లల ప్రవర్తన గురించి మీకు ఏవైనా సమస్యలుంటే మీరు వారికి ఏవిధంగా సహాయపడగలరనే విషయాన్నిఅడగండి. మీరు అడగాలని అనుకున్న కొన్ని ప్రశ్నలు ఈ కింది విధంగా ఉంటాయి.

• నా బిడ్డ ప్రవర్తన గురించి స్పష్టంగా తెలిపే ఏదైనా రోగనిర్దారణ ఉందా?
• సహాయపడే ఏదైనా చికిత్సను మీరు ప్రతిపాదించగలరా?
• నా బిడ్డ ఇంద్రియ ప్రాసెసింగ్ సమస్యలు పెద్దయ్యాక తొలగిపోతాయా?
• ఇంట్లో లేదా వేరే వాతావరణంలో నేను నా బిడ్డకు ఎలా సహాయం చేయగలను?
• పాఠశాలలో నా బిడ్డకు నేను ఎలా సహాయం చేయగలను?
• నా పిల్లలు సెన్సరీ ఓవర్​లోడ్​ను అనుభవిస్తే నేను ఎలా సహాయం చేయగలను?
• సెన్సరీ ప్రాసెసింగ్ డిజార్డర్ ఉన్న పిల్లలకు నేను ఎలా సహాయం చేయగలను?

ఇంద్రియ సమస్యలకు ఉన్న చికిత్సలు ఏమిటి?

సెన్సరీ సమస్యలు లేదా సెన్సరీ ప్రాసెసింగ్ డిజార్డర్లకు ఎటువంటి రెమెడీ(నివారణ) లేదు. అయినప్పటికీ చికిత్స కోసం కొన్ని రకాల ఆప్షన్స్ ఉన్నాయి.

1. ఆక్యుపేషనల్ థెరపీ: ఆక్యుపేషనల్ థెరపిస్ట్ చైల్డ్ ప్రాక్టీస్​కు సపోర్ట్ చేయవచ్చు. లేదా సెన్సరీ సమస్యల వలన వారు సాధారణంగా నివారించే కార్యకలాపాలను నేర్చుకోవచ్చు. పాఠశాలలో లేదా తరగతి గదిలో పిల్లలకు మద్దతు అందించేందుకు వీలుగా థెరపిస్ట్​లు పిల్లల టీచర్లతో కూడా పని చేయవచ్చు.

2. ఫిజికల్ థెరపీ : సెన్సరీ డైట్​ను డెవలప్​ చేయడంలో ఫిజికల్ థెరపిస్ట్ సాయం చేయొచ్చు. సెన్సరీ ఇన్​పుట్ కోరికను తీర్చేందుకు రూపొందించిన కార్యకలాపాల జాబితా ఇది. ఇందులో ఒక ప్రదేశంలో రన్నింగ్ చేయడం లేదా జంపింగ్ జాక్స్ వంటివి ఉండవచ్చు. వెయిటెడ్ లేదా సెన్సరీ దుస్తులు, లేదా షెడ్యూల్డ్ సెన్సరీ బ్రేక్స్ (షెడ్యూల్ చేసిన ఇంద్రియ విరామాలు) వంటి అదనపు సహాయం ప్రయోజనం కలిగించవచ్చు.

3. సెన్సరీ ఇంటిగ్రేషన్ థెరపీ : ఆక్యుపేషనల్ మరియు ఫిజికల్ థెరపీ రెండూ సెన్సరీ ఇంటిగ్రేషన్ థెరపీకి ఆధారం. ఇంద్రియాలకు తగిన విధంగా పిల్లలు రియాక్ట్ కావడం ఎలాగో ఈ విధానం నేర్పిస్తుంది. వారి అనుభవాలు ఎలా భిన్నంగా ఉన్నాయో గ్రహించడంలో వారికి సహాయపడడానికి కూడా ఇది రూపొందించబడింది. తద్వారా వారు మరింత విలక్షణమైన ప్రతిస్పందనను కనుక్కోవచ్చు.

4. సెన్సరీ డైట్: సెన్సరీ డైట్​ అనేది తరచుగా ఇతర సెన్సరీ ప్రాసెసింగ్ థెరపీ డిజార్డర్లకు సప్లిమెంట్​ (అనుబంధంగా) ఉంటుంది. సెన్సరీ డైట్ అనేది మీ రెగ్యులర్ ఫుడ్​ డైట్​లా ఉండదు. ఇది వివిధ రకాల సెన్సరీ యాక్టివిటీస్​తో ఉంటుంది. మీ పిల్లలు ఇంటిలో మరియు పాఠశాలలో ప్రతి విషయంలో కాన్సంట్రేట్​గా ఉండేందుకు ఇది సహాయం చేస్తుంది. ఇది సెన్సరీ ఇంటిగ్రేషన్ థెరపీ వలే ఉంటుంది. మీ పిల్లల అవసరాల ఆధారంగా మీ సెన్సరీ డైట్ కస్టమైజ్ చేయబడుతుంది. ఉదాహరణకు పాఠశాలలో సెన్సరీ డైట్ అనేది కింది వాటిని కలిగి ఉంటుంది.

• మీ బిడ్డ పది నిమిషాల వాకింగ్​కు వెళ్లే ప్రతి గంటకు ఒక వ్యవధి.
• మీ బిడ్డను రోజుకు రెండు సార్లు పదినిమిషాల పాటు ఆడుకోనివ్వండి.
• పని చేసేటపుడు మీ బిడ్డ సంగీతం వినేందుకు వీలుగా ఇన్​ క్లాస్ హెడ్​ఫోన్స్​ యాక్సెస్ ఇవ్వండి.
• డెస్క్ చైర్ బంగీ కార్డ్ యాక్సెస్ మీ పిల్లలు తరగతి గదిలో కూర్చున్నపుడు అటూ ఇటూ కాళ్లను కదిలించేందుకు అనుమతిస్తుంది.

హెల్త్ ఇన్సూరెన్స్ పరిధిలోకి వచ్చే ఖర్చు ఆందోళన కలిగించే మరొక ఆంశం. సెన్సరీ ప్రాసెసింగ్ డిజార్డర్ అధికారికంగా గుర్తించబడకపోతే సెన్సరీ ప్రాసెసింగ్ చికిత్సకు ఇన్సూరెన్స్ చెల్లించబడకపోవచ్చు. ఆక్యుపేషనల్ థెరపీ వంటి సేవలు కవర్ అవుతాయో లేదో తెలుసుకునేందుకు మీ ఇన్సూరెన్స్ కంపెనీని సంప్రదించండి. మీ పిల్లల సెన్సరీ ప్రాసెసింగ్ డిజార్డర్ అనేది తీవ్రంగా ఉంటే ఇన్సూరెన్స్ ద్వారా కవర్ కావొచ్చు. వారు మీకు ఎటువంటి రకం కవరేజీని అందిస్తారో తెలుసుకునేందుకు మీ బీమా కంపెనీతో ఒకటికి రెండుసార్లు తనిఖీ చేసుకోవడం మంచిది.

తల్లిదండ్రులు ఏవిధంగా సాయం చేయొచ్చు

సెన్సరీ ప్రాసెసింగ్ సమస్యలతో ఉన్న పిల్లల తరఫున తల్లిదండ్రులు వాదించడం ద్వారా వారిని ప్రోత్సహించవచ్చు. అలా చేసినపుడు వారికి అవసరమైన మద్దతు లభిస్తుంది. ఇలా చేయడంలో కిందివి కూడా ఉంటాయి.

• పిల్లల సెన్సరీ ప్రాసెసింగ్ సమస్య గురించి వైద్యునితో లేదా శిశువైద్యునితో మాట్లాడడం
• పిల్లల సెన్సరీ ప్రాసెస్ డిజార్డర్ గురించి పిల్లల పాఠశాల ఉపాధ్యాయులతో మరియు సపోర్టింగ్ స్టాఫ్​తో చర్చించడం
• ఆక్యుపేషనల్ థెరపీ మరియు ఫిజికల్ థెరపీ ద్వారా కావాల్సిన సహాయాన్ని చేయడం
• పిల్లలకు ఏమని అనిపిస్తుందో తరచూ తనిఖీ చేయడం
• వారికి విరామం అవసరమా లేక వారు ఓకేనా అని ఎలా పెద్దలకు తెలియజేయవచ్చో పిల్లలకు నేర్పడం.
• ప్రాక్టీస్​తో వారి పిల్లల ఆక్యుపేషనల్ లేదా ఫిజికల్ థెరపీ గోల్స్ చేరుకునేలా చేయడం

ఇంద్రియ సమస్యలతో బాధపడుతున్న పిల్లలకు ఉన్న చికిత్స అవకాశాలు ఏమిటి?

ఇంద్రియ సమస్యలకు ఎటువంటి మందు లేదు. కొంత మంది పిల్లలు తక్కువ సమస్యలను ఎదుర్కోవచ్చు. కొంత మంది అనుభవాలన నుంచి ఎదుర్కోవడం నేర్చుకోవచ్చు. పిల్లలలో మార్చిన సెన్సరీ ప్రాసెసింగ్ వలన పిల్లలు ఎలా స్పందిస్తారనే దాని గురించి పెద్దగా ఎటువంటి విశ్లేషణ లేదు. మానసిక ఆరోగ్య సమస్యలతో సంబంధం ఉండవచ్చు.

కొంత మంది వైద్యులు కేవలం సెన్సరీ డిజార్డర్ సమస్యలకు చికిత్స చేసే బదులు వారు ఆటిజం స్పెక్ట్రమ్ డిజార్డర్, ADHD వంటి సమస్యలను కూడా లక్ష్యంగా చేసుకుంటారు. మీ పిల్లలకు కేవలం సెన్సరీ డిజార్డర్ (వారి ఇంద్రియాలు గుర్తించిన వాటిని ప్రాసెస్ చేయడంలో ఇబ్బంది) మాత్రమే ఉందని ఇతర అంతర్లీన సమస్యలు లేవని మీరు భావిస్తే ధృవీకరించబడిన చికిత్స ఎంపికలు మీకు పరిమితం కావొచ్చు. ఇది అఫీషియల్ డిజార్డర్ కానందున ప్రతి ఒక్కరూ చేంజింగ్ బిహేవియర్స్ మీద ప్రభావవంతంగా ఉండే విషయాలపై, చికిత్స విషయాలలో ఎక్కువ ఇంట్రెస్ట్ చూపించరు.

చివరగా..

మన ఇంద్రియాలు ప్రపంచం గురించి, దాని వాసనల గురించి, శబ్దాల గురించి మనకు చాలా విషయాలు చెబుతాయి. వాటి ద్వారా మనం జాగ్రత్త పడతాం. మీ పిల్లలకు ఆ ఇంద్రియ సమాచారాన్ని అర్థం చేసుకోవడంలో, సేకరించడంలో ఇబ్బందిగా ఉంటే వారు సెన్సరీ సమస్యలతో బాధపడుతున్నట్లు అర్థం చేసుకోవాలి. బ్యాలెన్స్​గా ఉండకపోవడం, సమన్వయలోపం, మూలుగులు, ఏకాగ్రతతో ఉండాల్సిన చోట దూకుడుగా ఉండడం, లేదా తరచూ కిందికి మీదికి జారడం వంటివి ఈ లక్షణాలలో ఉండవచ్చు. ఏదేమైనప్పటికీ సెన్సరీ సమస్యలతో బాధపడుతున్న పిల్లలు, పెద్దలు తమ చుట్టూ ఉన్న ప్రపంచాన్ని ఎలా ఎదుర్కోవాలో నేర్చుకునేందుకు ఆక్యుపేషనల్ థెరపీ సహాయపడుతుంది. చికిత్స యొక్క లక్ష్యం అతిగా స్పందించే లక్షణాలను తగ్గించడం, వారి ఇంద్రియాల నుంచి మెరుగైన ఫలితాలను రాబట్టడం.