10 వారాల గర్భిణీ పొట్ట ఎలా కనిపిస్తుంది?

10 వారాల గర్భిణీ పొట్ట చాలా పెద్దగా కనిపించదు. కానీ కొంతమంది ఈ సమయంలో గర్భాన్ని గమనించడం ప్రారంభించవచ్చు. 10వ వారం దాటగానే చుట్టూ పొత్తికడుపు దిగువ భాగం చాలా గుండ్రంగా మారుతుంది. చాలా మంది తల్లులు తమ గర్భంలో మొదటి మూడు నెలలు దాటగానే పొట్ట కొద్దిగా కనిపిస్తుంది. మరికొందరికి కొంత సమయం తరువాత కనిపించడం మొదలవ్వవచ్చు. ఈ సమయానికి పిండం పండిన నారింజ పరిమాణానికి పెరుగుతుంది. కాబట్టి 10 వారాల ప్రెగ్నెన్సీలో పొట్ట కనిపిస్తుంది. ఇక్కడ పొట్ట ప్రతి వారం పెరుగుతూనే ఉంటుంది. ఇది పిండం ఆరోగ్యకరమైన పెరుగుదల కలిగి ఉందనే విషయాన్ని సూచిస్తుంది.

10 వారాల ప్రెగ్నెన్సీలో బేబీ బంప్ ఎత్తుగా అవడం గురించి తెలుసుకోవాల్సిన విషయాలు:

పొట్ట పరిమాణం, ఆకారం సాధారణంగా ఒక తల్లి నుండి మరొక తల్లికి మారుతూ ఉంటాయి. అందువల్ల గర్భధారణ సమయంలో బేబీ బంప్‌ ఒక్కొక్కరికి ఒక్కొక్క ఆకారంలోనూ.. పరిమాణంలోనూ ఉండవచ్చు. 10 వారాల ప్రెగ్నెన్సీలో బేబీ బంప్‌ విషయంలో ఈ కింది కారకాలు కీలక పాత్ర పోషిస్తాయి:

1. కాబోయే తల్లి ఎత్తు, బరువు
2. ఎముక నిర్మాణం
3. శరీర నిర్మాణం
4. కండరాల నిర్మాణం మరియు టోన్
5. స్త్రీ ఇంతకు ముందు గర్భవతిగా ఉందో లేదో అనే విషయం

అందువల్ల మహిళలు తమ బంప్‌ని ఇతర గర్భవతులతో పోల్చుకొని ఆందోళన చెందాల్సిన అవసరం లేదు. ఇది మనిషి మనిషికి మారుతూ ఉంటుంది.

మీకు ఇది కూడా నచ్చుతుంది: 10-వారాల ప్రెగ్నెన్సీ పొట్ట పరిమాణం: ఏది సాధారణం? ఏది కాదు?

కాబోయే తల్లులందరూ తప్పనిసరిగా తెలుసుకోవలసిన కొన్ని విషయాలు:

1. ఇది అందరికీ ఒకేలా ఉండదు

తరచుగా సినిమాల్లో చక్కని బేబీ బంప్‌ ఉంటుంది. పుష్టిగా, ముందుకు పొడుచుకు వస్తుంది. అయితే నిజానికి చాలా మంది మహిళలకు బేబీ బంప్‌ అలా ఎత్తుగా కనిపించదు. విశాలమైన నడుము ఉన్న స్త్రీలకు గర్భం యొక్క ప్రారంభ దశలో పొట్ట పెద్దగా అభివృద్ధి కాకపోవచ్చు. వారికి పక్కలలోను, పొత్తికడుపు క్రింద ఉన్న కొవ్వు కణజాలం పొట్ట కొట్టొచ్చినట్లు కనిపించకుండా చేస్తుంది. అయితే శరీరంలో తక్కువ కొవ్వు ఉన్న స్త్రీలకు సాధారణంగా ఇతరులకన్నా ముందుగానే బేబీ బంప్‌ వస్తుంది.

2. గర్భాల సంఖ్య

ఒక మహిళకు ఇంతకు ముందు ఎన్నిసార్లు గర్భం ధరించింది అనేది కూడా 10వ వారంలోని గర్భం పరిమాణాన్ని నిర్ణయిస్తుంది. కొన్ని అధ్యయనాల ప్రకారం.. ఇంతకు ముందు గర్భవతి అయిన స్త్రీకి 10వ వారంలో పెద్దగా ఉండే, గుండ్రని పొట్ట కనిపిస్తుంది. అలాగే రెండవ నెల, మూడవ నెల వచ్చేసరికి అది పెద్దదిగా ఉండవచ్చు. ఇలా ఎందుకు జరుగుతుందంటే ఇంతకు ముందే గర్భవతులు అయిన స్త్రీలకు పొత్తికడుపులో మృదువైన కండరాలు ఉంటాయి. అందువల్ల వేగంగా సాగుతుంది. ఇది పొట్ట పెద్దగా పెరగడానికి సహాయపడుతుంది.

3. పిండాల సంఖ్య

కవలలు లేదా ముగ్గురు శిశువులను మోస్తున్న గర్భిణీ స్త్రీలకు సహజంగానే 10 వారాల తర్వాత పొత్తికడుపు బాగా పెరుగుతుంది. 10 వారాల ప్రెగ్నెన్సీ మార్క్ దాటిన స్త్రీలు తమ పొట్ట పరిమాణం, ఆకృతి గురించి పెద్దగా ఆందోళన చెందాల్సిన అవసరం లేదు. గర్భవతి అనే భావన చాలా ప్రత్యేకమైనది. అది పెద్ద పొట్టతో మాత్రమే రాదు.

కాబోయే తల్లులకు కొన్ని చిట్కాలు:

1. కాబోయే తల్లులకు డాక్టర్ కొన్ని వ్యాయామాలను సూచించవచ్చు. ఈ వ్యాయామాలు చేయడం వల్ల గర్భధారణ సమయంలో వారి పొట్ట బలంగానూ, ఫ్లెక్సిబుల్‌గానూ ఉంటుంది.
2. గర్భిణీ స్త్రీలు తమ పొట్ట ఎక్కువగా సాగకపోయినప్పటికీ, గర్భం యొక్క ప్రారంభ దశలలో స్ట్రెచ్ మార్క్ లోషన్లు, క్రీములను ఉపయోగించడం ప్రారంభించవచ్చు. ఈ క్రీములను మొదట్లోనే రాయడం వాళ్ళ స్ట్రెచ్ మార్క్స్ తగ్గించడంలో సహాయపడుతుంది. అయితే ఏదైనా ఉపయోగించే ముందు తప్పనిసరిగా డాక్టర్‌ని గానీ చర్మవ్యాధి నిపుణుడిని గానీ సంప్రదించాలి.
3. కొన్నిసార్లు, పొట్ట ఊహించిన దానికంటే చాలా వేగంగా పెరగవచ్చు. భయపడకండి, దీని అర్థం శిశువు వేగంగా పెరుగుతోందని కాదు. 10 వారాల గర్భిణీకి ఉబ్బరం వల్ల, ఇతర నిర్మాణ మార్పుల వల్ల ఇలా జరగవచ్చు.
4. 10 వారాల ప్రెగ్నెన్సీ బంప్‌ను సౌకర్యవంతంగా ఉంచడానికి.. కాబోయే తల్లులు తప్పనిసరిగా వదులుగాను, సౌకర్యవంతంగాను ఉండే దుస్తులను ధరించాలి. తమ పొట్ట పెరుగుదలకు ఆటంకం కలిగించేలా బిగుతుగా ఉండే ప్యాంటు, షర్టులను వేసుకోకూడదు.
5. మొదటి మూడు నెలల తర్వాత శిశువులు కదులుతున్న సంకేతాలు మొదలవుతాయి. దీనివల్ల పొత్తి కడుపులో నొప్పి వస్తుంది, కానీ ఇది చాలా సహజమైనది. భయపడాల్సిన పని లేదు.
6. మొదటి 10 వారాలకు ముందు, ప్రెగ్నెన్సీలో పొట్ట కొన్నిసార్లు పెద్దదిగా గానీ చిన్నదిగా గానీ కనిపించవచ్చు. దీనికి సాధారణంగా పొట్ట లోపల వాయువులు ఏర్పడటానికి కారణమయ్యే ప్రేగులలో ఇబ్బందులు కారణం కావచ్చు. ఇది మామూలే. అయినప్పటికీ, నిరంతరం కడుపులో తీవ్రమైన నొప్పి ఉంటే వైద్యుడిని సంప్రదించాలి.

చివరిగా

10 వారాల గర్భిణీ పొట్ట గురించి మీరు తెలుసుకోవలసినవి ఇవే. సాధారణంగా, గర్భం దాల్చిన మొదటి 10 వారాల తర్వాత డాక్టర్‌ని తరచుగా కలుస్తుంటారు. అందువల్ల నిరంతరం గర్భాన్ని పర్యవేక్షిస్తున్నందువల్ల ఆందోళన చెందడానికి ఏమీ లేదు. అయినప్పటికీ వారి పొట్ట లోపల పెరుగుతున్న పిండం మంచి ఆరోగ్యంగా పెరిగేలా చూసుకోవడానికి తమను తాము మరింత జాగ్రత్తగా ఉండాలి. ఆరోగ్యకరమైన ఆహారం తీసుకోవాలి.