తామరకు టాప్ 5 కారణాలు మరియు లక్షణాలు

తామర అనేది దీర్ఘకాలిక చర్మవ్యాధి. ఇది రకరాకాలుగా కనిపిస్తుంది. ఉదాహరణకు ముఖంపై తామర మరియు చేతుల్లో తామర వేరు వేరు లక్షణాలను కలిగి ఉంటుంది. కానీ సాధారణంగా.. స్పష్టమైన ద్రవాన్ని కలిగి ఉన్న పొక్కులుగా పెరిగి ఇది ఎరుపు రంగులో కనిపిస్తుంది. ఇది దాదాపు ఎల్లప్పుడూ చాలా దురదగా ఉంటుంది.

తామర రకాలు, తామర కారణాలు మరియు లక్షణాల గురించి లోతైన అవగాహన ఈ క్రింద ఇవ్వబడింది.

తామర రకాలు

స్థూలంగా చెప్పాలంటే తామరలో చాలా రకాలు ఉన్నాయి. అన్ని రకాలు ఈ క్రింద చర్చించబడ్డాయి.

1. అటోపిక్ తామర

అటోపిక్ ఎగ్జిమా లేదా అటోపిక్ డెర్మటైటిస్ అనేది చాలా సాధారణమైన తామర. అటోపిక్ తామరతో ఉన్న వ్యక్తులు సాధారణంగా ఈ వ్యాధి, ఉబ్బసం మరియు/లేదా గవత జ్వరం యొక్క కుటుంబ చరిత్రను కలిగి ఉంటారు. అటోపిక్ తామర ఏ వయస్సులోనైనా రావచ్చు, కానీ సాధారణంగా బాల్యంలో కలిగే అవకాశాలు ఎక్కువగా ఉంటాయి.

2. కాంటాక్ట్ డెర్మటైటిస్

చర్మం దురద కలిగించే వాటితో లేదా అలెర్జీ కారకాలతో కాంటాక్ట్‌లోకి వచ్చినప్పుడు కాంటాక్ట్ డెర్మటైటిస్ సంభవిస్తుంది. ఇది ఎరుపు గా ఉండి మంట, దురద, నొప్పికి దారితీస్తుంది.

3. నమ్యులర్ తామర

దీన్నే డిస్కోయిడ్ ఎగ్జిమా అని కూడా పిలుస్తారు. ఈ రకం చర్మంపై నాణెం ఆకారంలో ఎరుపు గుర్తులను ఉండి ఉంటుంది.

4. సెబోర్హయిక్ తామర

సాధారణంగా చుండ్రు అని పిలుస్తారు. ఇది శిశువులు మరియు పిల్లలలో తలపై ఉన్న చర్మంపై ప్రభావం చూపుతుంది. పెద్దలలో వారి ముక్కు, చెవులు, కనుబొమ్మలు, గజ్జల చుట్టూ ఉన్న ప్రాంతంలో కూడా కనిపించవచ్చు.

5. న్యూరోడెర్మాటిటిస్

ఈ తామర రకం మెడ వెనుక, తల చర్మం, జననేంద్రియాలు, చెవులు మొదలైన వాటి వంటి దురదకు ఎక్కువగా గురయ్యే ప్రదేశాలలో కనిపిస్తుంది.

6. స్టాసిస్ డెర్మటైటిస్

కొన్నిసార్లు కాళ్ళ కింది భాగంలోని సిరలు గుండెకు రక్తాన్ని తిరిగి ఇవ్వలేవు. ఈ పరిస్థితి వాపుకు దారితీసే స్టాసిస్ డెర్మటైటిస్‌కు దారితీస్తుంది.

తామర కలిగేందుకు కారణాలు

1. ఆహారాలు పడకపోవటం

ఆహార సున్నితత్వం అంటే.. శరీరం కొన్ని ఆహారాలకు నిరోధక శక్తిని అభివృద్ధి చేస్తుంది. ఆహార అలెర్జీలు తక్షణ, తీవ్రమైన రియాక్షన్స్‌కి కారణమవుతాయి. కానీ ఆహార సున్నితత్వాలు చాలా తేలికపాటివి. అవి కనిపించేందుకు 72 గంటల వరకు పట్టవచ్చు. కొన్ని ఆహారాలు తిన్న తర్వాత ఒక వ్యక్తిలో మంటగా అనిపిస్తే.. వారు వాటికి సున్నితంగా ఉండే అవకాశం ఉంది. ఆహార సున్నితత్వాలు ఆహార అలెర్జీల వలె తీవ్రంగా లేనప్పటికీ.. అవి ఇప్పటికీ మంటకు దారితీస్తాయి. తామరను ప్రేరేపిస్తాయి.

2. ప్రేగులు తెరుచుకోవడం

పేగు పారగమ్యతను సాధారణంగా "లీకీ గట్" అని పిలుస్తారు. చిన్న ప్రేగులలోని జంక్షన్లు తెరుచుకున్నప్పుడు ఇది సంభవిస్తుంది. ఇది టాక్సిన్స్, ఆహార కణాలు, బ్యాక్టీరియా, వైరస్లు రక్తప్రవాహంలోకి కలిసేందుకు అనుమతిస్తుంది. రోగనిరోధక వ్యవస్థ వాటిని ఫారిన్ బాడీస్‌గా తిరస్కరిస్తుంది. దీని వల్ల వాపు పెరగడమే కాకుండా తామర మంటను కలగజేస్తుంది.

3. ప్రేగులో ఇన్ఫెక్షన్లు

కాండిడా మరియు SIBO అనేది తామరకు కారణమయ్యే రెండు సాధారణ ప్రేగు ఇన్ఫెక్షన్లు. కాండిడా అనేది తామర యొక్క ప్రధాన కారణం. ఎందుకంటే పారగమ్య గట్ ద్వారా ఈస్ట్ చర్మంపై స్థావరాన్ని ఏర్పాటు చేసుకుంటుంది.

4. పోషకాహార లోపాలు

విటమిన్ డి సప్లిమెంట్స్ తరచుగా తామర చికిత్స కోసం ఇవ్వబడతాయి. ఎందుకంటే వాటి లోపం తామర వచ్చేందుకు ఒక కారణం కావచ్చు. చర్మ కణాలను రిపేర్ చేయడంలో సహాయపడే విటమిన్ ఎ స్థాయిలు తక్కువ ఉండటం కూడా తామర లక్షణాలను కలిగిస్తాయి.

5. పర్యావరణ కారకాలు

రసాయనాలు మరియు ఇతర రోజువారీ వస్తువులకు ఎక్సపోజ్ కావడం కూడా తామరకు కారణమవుతుంది. ఇది కలిగించే అత్యంత సాధారణ కారణాల్లో కొన్ని:

• పాచి

• సబ్బులు మరియు డిటర్జెంట్లు

• ఇల్లు క్లీన్ చేసేందుకు వాడే కెమికల్స్

• లోషన్లు మరియు షాంపూలలో ఉండే రసాయనాలు

• సువాసనగల కొవ్వొత్తులు మరియు పరిమళ ద్రవ్యాలు

తామరకు ముఖ్యమైన లక్షణాలు

తామర యొక్క లక్షణాలు పిల్లలకు, పెద్దలకు వేరు వేరు గా ఉండవచ్చు.

పిల్లలలో తామర లక్షణాలు

తామర వ్యాధిగ్రస్తుడి వయస్సును బట్టి లక్షణాలు వేరుగా కనిపించవచ్చు. ఆరు నెలలు మరియు అంతకంటే తక్కువ వయస్సు ఉన్న పిల్లలు ఎర్రగా, కొద్దిగా తడిగా లేదా నురగగా కనిపించే అటోపిక్ ఎగ్జిమాను కలిగి ఉంటారు. ముదురు రంగు చర్మం ఉన్న పిల్లలకు, తామర చర్మంలో పిగ్మెంటేషన్ మార్పులు లేదా ఊదా లేదా బూడిద రంగులో కనిపించే మార్పులకు కారణం కావచ్చు.

అదనంగా చర్మం చాలా దురదగా ఉండవచ్చు. 6 నుండి 12 నెలల వయస్సు గల పిల్లలలో తామర సాధారణంగా పిల్లలు పాకేందుకు ఉపయోగించే శరీర భాగాలపై ఏర్పడుతుంది. ఇది ఎర్రగా, వాచినట్లుగా కనిపిస్తుంది. ఈ వ్యాధి సోకితే దానిపై పసుపు పొర ఉండవచ్చు.

ఐదేళ్లుగా కంటే ఎక్కువ వయస్సు ఉన్న పిల్లలకు తామర రావచ్చు. ఇది ఎరుపుగా ఉండి, దురద దద్దుర్లు లేదా గూస్‌బంప్స్‌గా కనిపిస్తుంది. గడ్డలు కూడా మందంగా కనిపించవచ్చు. ముదురు రంగు చర్మంపై, తామర హైపర్పిగ్మెంటెడ్ కావచ్చు.

పెద్దలలో తామర లక్షణాలు

పెద్దలలో, తామర యొక్క లక్షణాలు ఈ క్రింది విధంగా ఉంటాయి:

• దురద మరియు పొడి చర్మం
• రంగు మారిన మరియు/లేదా ఎర్రబడిన చర్మం
• వాపు
• చర్మం స్రవించడం లేదా పుండు కావడం
• పిగ్మెంటేషన్

లక్షణాలు లేదా తామర కారణాలతో సంబంధం లేకుండా.. సకాలంలో రోగ నిర్ధారణ తామర చికిత్సలో సహాయపడుతుంది.

ఆరోగ్యంపై ఇలాంటి మరిన్ని కథనాల కోసం మై లో ఫ్యామిలీ బ్లాగ్‌ని అనుసరించండి.