தாய்ப்பால் அதிகம் சுரப்பதற்கு காரணங்கள் மற்றும் அறிகுறிகள்

கேலக்டோரியா என்றால் என்ன?

கேலக்டோரியா என்பது பாலூட்டும் நேரம் தவிர்த்து எந்த நேரத்திலும் மார்பகத்திலிருந்து கட்டுப்படுத்த முடியாத பால் வெளியேற்றம் ஆகும். புரோலாக்டின் ஹார்மோனின் அதிக உற்பத்தி இருக்கும்போது இது நிகழ்கிறது. இந்த ஹார்மோன் பால் சுரப்பிகளிலிருந்து பால் உற்பத்தி மற்றும் பால் வெளியேறுவதற்கு காரணமாகிறது. சில நேரங்களில், கேலக்டோரியா ஏற்படுவதற்கான சரியான காரணம் கண்டறிய முடிவதில்லை, மேலும் பல சந்தர்ப்பங்களில், இந்த கண்டிஷன் தானாகவே சரியாகிவிடும்.

மார்பகத்தில் அதிகப்படியான தூண்டுதல் மற்றும் மருந்துகளின் பக்க விளைவுகள் காரணமாக கேலக்டோரியா ஏற்படலாம். பால் உற்பத்தியைத் தூண்டும் அதிக அளவு புரோலாக்டின் இருக்கும்போது கேலக்டோரியா ஏற்படலாம்.

கேலக்டோரியாவின் அறிகுறிகள்

கேலக்டோரியாவுடன் தொடர்புடைய முக்கிய அறிகுறிகள் பின்வருமாறு:

• முலைக் காம்பிலிருந்து நீண்ட நாட்களாக அல்லது எப்போதாவது பால் வெளியேற்றம்- கோளாறின் தீவிரத்தை பொறுத்து, சீரான இடைவெளியில் அல்லது முலைக்காம்புகளை அழுத்தும்போது எந்த நேரத்திலும் பால் வெளியேறி கசியக்கூடும். இந்த நிலை ஆண்கள் மற்றும் பெண்கள் இருவருக்கும் காணப்படுகிறது.

• ஒன்று அல்லது இரண்டு மார்பகங்களும் பாதிக்கப்பட்டு, பால் கசிவை உருவாக்குகின்றன.

• ஒழுங்கற்ற அல்லது மாதவிடாய் ஏற்படாமை - புரோஜெஸ்ட்டிரோன் மற்றும் ஈஸ்ட்ரோஜன் போன்ற பிற ஹார்மோன்கள் சாதாரணமாக உற்பத்தி செய்யப்படுவதை அதிக அளவு புரோலாக்டின் தடுக்கிறது. இது ஓவுலேஷனை மாற்றலாம் அல்லது தடுக்கலாம் மற்றும் மாதவிடாய் தவறுவது அல்லது ஒழுங்கற்ற மாதவிடாயை ஏற்படுத்தக்கூடும்.

• தலைவலி அல்லது பார்வை பிரச்சனைகள்

இந்த அறிகுறிகளைத் தவிர, வஜைனா வறண்டு போவது மற்றும் குறைந்த பாலியல் இயக்கம் போன்ற அறிகுறிகளையும் நீங்கள் அனுபவிக்கலாம். நீங்கள் ஒரு ஆணாக இருந்து கேலக்டோரியாவால் பாதிக்கப்பட்டிருந்தால் விறைப்பு குறைபாடு போன்ற பிரச்சனைகளையும் நீங்கள் சந்திக்க நேரிடும். எப்போதாவது, உங்கள் மார்பு அல்லது கன்னத்தில் முகப்பரு மற்றும் முடி வளர்ச்சியின் தோற்றத்தையும் காணலாம்.

இந்த அறிகுறிகளின் தீவிரத்தை பொறுத்து, நீங்கள் உங்கள் மருத்துவரை அணுக வேண்டும். கேலக்டோரியா பொதுவாக சிகிச்சையளிக்கப்படக்கூடியது மற்றும் உயிருக்கு ஆபத்தானது அல்ல. இது சரியான மருந்து மூலம் எளிதாக சிகிச்சையளிக்கப்படலாம்.

கேலக்டோரியா காரணங்கள்

கேலக்டோரியா ஏற்படுவதற்கான மிகவும் பொதுவான காரணம் பிட்யூட்டரி சுரப்பியில் ஏற்படும் ஒரு தீங்கற்ற கட்டியாகும். வளர்ந்த கட்டி புரோலாக்டின் அதிகப்படியான சுரப்பை ஏற்படுத்த காரணமாகிறது. இதனால் பால் குழாய்கள் பாலை உருவாக்கி வெளியேற்றுகின்றன. ஹார்மோன் உங்கள் உடலை பால் உற்பத்தி செய்து வெளியேற்ற வேண்டும் என்று நம்ப தூண்டுகிறது. பிற காரணங்கள் பின்வருமாறு

• பிறப்பு கட்டுப்பாட்டு மாத்திரைகள், இரத்த அழுத்த மருந்து அல்லது மனஅழுத்தத்திற்கு எதிரான மருந்துகள் உள்ளிட்ட மருந்துகளை உட்கொள்வது

• பாலியல் செயல்பாடு அல்லது மார்பக சுய பரிசோதனையின் போது உங்கள் மார்பகங்களை அதிகமாக தூண்டுதல்

• தைராய்டு கோளாறுகள்

• நாள்பட்ட சிறுநீரக நோய்

• வெந்தயம் அல்லது பெருஞ்சீரகம் போன்ற மூலிகை மருந்துகள்

• ஓபியாய்டுகளைப் பயன்படுத்துவதால் உங்கள் உடல் தூண்டப்படுகிறது மற்றும் உங்கள் நரம்பு மண்டலத்தை அடக்குகிறது

• உங்கள் முதுகெலும்பில் ஏற்படும் காயம் அல்லது அதிர்ச்சி உடலில் மாற்றங்களை ஏற்படுத்துகிறது, இது சில நேரங்களில் கேலக்டோரியாவுக்கு வழிவகுக்கும்.

இதையும் படிக்கலாமே! - தாய்ப்பால் கொடுக்கும்போது எடை இழப்பு

இதனால் பாதிக்கப்படுவது யார்?

கேலக்டோரியா பெரும்பாலும் மாதவிடாய் தொடங்கிய பெண்களை பாதிக்கிறது, ஆனால் ஆண்களையும் பாதிக்கும். கேலக்டோரியாவின் வளர்ச்சி ஹார்மோன் ஏற்றத்தாழ்வின் அறிகுறியாக இருக்கலாம். அத்தகைய சந்தர்ப்பங்களில், நீங்கள் ஒரு மகளிர் மருத்துவ நிபுணர் அல்லது பாலியல் நிபுணரை அணுக வேண்டும். கேலக்டோரியாவின் வளர்ச்சி உயிருக்கு ஆபத்தானது அல்ல என்றாலும், இது சவாலாக இருக்கும், ஏனெனில் இது பலருக்கு தர்ம சங்கடங்களை ஏற்படுத்துகிறது.

இருப்பினும், நல்ல செய்தி என்னவென்றால், இந்த கண்டிஷன் சிகிச்சையில் குணமாகக்கூடியது. பாலின் ஓட்டத்தைக் கட்டுப்படுத்துவதற்கான ஒரு வழியாக, நீங்கள் ஒரு மருத்துவரிடம் செல்லும் வரை பால் கசிவை தடுக்க மார்பக பேடுகளை அணியலாம். உங்கள் மருத்துவரிடம் பேசும்போது கூட, அதைப் பற்றி பேசுவதில் சங்கடம் அடைய வேண்டியதில்லை என்பதை நினைவில் கொள்ளுங்கள்.

பல சந்தர்ப்பங்களில், இது சில உளவியல் சிக்கல்களுடன் இணைக்கப்படலாம், மேலும் சரியான சிகிச்சை மற்றும் ஆலோசனையுடன், ஒருவர் இந்த கண்டிஷனில் இருந்து மெதுவாக குணமடையலாம். குழந்தை பிறப்பு தவிர மற்ற நேரங்களில் மார்பகங்களிலிருந்து ஏதேனும் கட்டி அல்லது பால் வெளியேற்றம் இருந்தால் உடனடியாக மருத்துவருடன் ஆலோசிக்கப்பட வேண்டும்.

கேலக்டோரியா நோய் கண்டறிதல்

கேலக்டோரியா மருத்துவ நிபுணர்களால் பல சோதனை முறைகள் மூலம் கண்டறியப்படுகிறது:

• உங்கள் முலைக்காம்புகள் மற்றும் மார்பகங்களில் பிஸிக்கல் பரிசோதனை செய்தல்

• நீங்கள் பயன்படுத்தும் மருந்துகளை கணக்கில் எடுத்துக்கொண்டு, உங்கள் மருத்துவப் பின்னணியை மதிப்பாய்வு செய்தல்

• உங்கள் உடலின் புரோலாக்டின் அளவை தீர்மானிக்க இரத்த பரிசோதனை

• இரத்த மாதிரியைப் பயன்படுத்தி தைராய்டு செயல்பாடு சோதனை

• மார்பக திசுக்களை சரிபார்க்க, மேமோகிராம் அல்லது அல்ட்ராசவுண்ட் போன்ற இமேஜிங் நடைமுறைகள் பயன்படுத்தப்படுகின்றன

• உங்கள் பிட்யூட்டரி சுரப்பியில் அல்லது அதற்கு அருகில் ஒரு கட்டி இருக்கிறதா என்று சரிபார்க்க, சி.டி ஸ்கேன் மற்றும் எம்.ஆர்.ஐ போன்ற இமேஜிங் நடைமுறைகள் பயன்படுத்தப்படுகின்றன

முடிவுரை

கேலக்டோரியா விரும்பத்தகாததாக இருந்தாலும், இந்த நோய் உயிருக்கு ஆபத்தானது அல்ல மற்றும் இதற்கு மேம்பட்ட சிகிச்சை கிடைக்கிறது. கேலக்டோரியா என்பது ஒரு பொதுவான கண்டிஷன் ஆகும், எனவே நீங்கள் ஏதேனும் அறிகுறிகளை உணர்ந்தால் அதற்கான உதவியைப் பெற தயங்க வேண்டாம்.