உடலுறவுக்கு முன்பே வெளியேறும் திரவம்,இந்த திரவத்தால் கர்ப்பம் தரிக்க வாய்ப்புள்ளதா?

இந்தக் கேள்விக்கு சுருக்கமாக பதில் அளிக்க வேண்டுமென்றால், அது ஆம் என்பது தான். உடலுறவுக்கு முன்பே வெளியேறும் திரவத்தால் கர்ப்பம் நிகழக் கூடுமா என்று நீங்கள் ஆச்சரியம் கொண்டாலும், அந்த திரவத்திலும் உயிரணு உண்டு என்பதால் கர்ப்பம் அடைய வாய்ப்பு உண்டு என்பதை நினைவில் வைத்து நீங்கள் கவனமுடன் இருக்க வேண்டும். ஆக, நீங்கள் பாதுகாப்பற்ற உடலுறவில் ஈடுபடுகிறீர்கள் என்றால் கர்ப்பம் அடைய வாய்ப்பு உண்டு. உடலுறவுக்கு முன்பே வெளியேறும் திரவம் அல்லது முழுமையான விந்து வெளியேற்றம் என எதுவாக இருந்தாலும், அது பெண்ணுறுப்பின் உள்ளே சென்றால், அவர்கள் கர்ப்பம் தரிப்பதற்கு வாய்ப்புண்டு. கர்ப்பம் அடைவதை தடுக்கவும், விந்தணு உள் நுழைவதை தவிர்க்கவும் பல நபர்கள் ஆணுறுப்பை விந்து வெளியேற்றத்திற்கு முன்னதாக பெண்ணுறுப்பில் இருந்து வெளியே எடுக்கும் உத்தியை கையாளுகின்றனர். ஆனாலும், ஒரு செய்தாலும் கூட கர்ப்பம் நிகழ வாய்ப்பு உண்டு. விந்து முந்துதல் என்றால் என்ன? மற்றும் வீட்டிலேயே கர்ப்ப பரிசோதனைகளை செய்வது எப்படி என்பது குறித்து இப்போது பார்க்கலாம்.

விந்து முந்துதல் எப்போது ஏற்படும்?

பாலியல் உறவில் ஈடுபடுகின்ற அதே சமயத்தில், அது குறித்த அனைத்து விவரங்களையும் தெரிந்து வைத்துக் கொள்வது அவசியமாகும். நீங்கள் அவ்வபோது பாலியல் உறவில் ஈடுபடும் பெண் என்றால், உங்கள் ஆண் துணைவர் உச்சகட்டத்தை அடைவதற்கு முன்பாகவே அவரது ஆணுறுப்பில் இருந்து திரவம் கசிவதை உங்களால் உணர முடியும். எனினும், ஆணுறுப்பு விரைத்த உடனே உச்சக் கட்டத்தை அடைவதற்கு முன்பாகவே இந்த திரவம் கசிவதை பார்த்துள்ளீர்களா? அதற்கு பெயர் தான் விந்து முந்துதல் ஆகும். முழுமையான விந்து வெளியேற்றத்திற்கு முன்னதாகவே ஆணுறுப்பில் இருந்து திரவம் கசியும்.

முழுமையான விந்து வெளியேற்றத்தை ஒப்பிடுகையில் முந்து முந்துதல் திரவத்திலும் குறைவான அளவில் உயிரணுக்கள் இருக்கும். இதனை முன்வெளியேற்றம் என்று குறிப்பிடலாம். ஒரு நபர் பாலியல் ரீதியாக தூண்டப்பட்ட பிறகு எந்தவொரு சமயத்திலும் இது நடக்கலாம். சில சமயம், ஆணுறுப்பை ஒரு நபர் சரியாக சுத்தம் செய்யவில்லை அல்லது துடைக்கவில்லை என்றால் முன்வெளியேறிய திரவம் லேசான அளவில் அவரது ஆணுறுப்பின் நுனிப்பகுதியில் இருக்கும். ஏற்கனவே குறிப்பிட்டபடி ஒரு நபர் பாலியல் ரீதியாக தூண்டப்பட்ட பிறகு இந்த முன் வெளியேற்றம் நடக்கக் கூடும். இது கட்டுப்படுத்தக் கூடியது அல்ல. பல ஆண்களுக்கு முன் வெளியேற்றம் நடந்து கொண்டிருப்பதே தெரியாது. முன்வெளியேற்றம் அல்லது முழுமையான விந்து வெளியேற்றத்திற்கு இடையிலான வேறுபாடு பல ஆண்களுக்கு தெரியாது. முழுமையான விந்து வெளியேற்றம் நிகழாத போதும், ஒருவரது ஆணுறுப்பின் நுனிப்பகுதியில் ஈரமாக இருப்பது தான் முன் வெளியேற்றத்தின் ஒரே அறிகுறியாகும்.

ஒரு நபர் பாலியல் ரீதியாக தூண்டப்பட்ட பிறகு, அவர் பாலியல் உறவில் சௌகரியமாக ஈடுபட உதவிடும் வகையில் ஒரு லூப்ரிகண்ட் போல இந்த முன் வெளியேற்றம் நடக்கும். ஆணுறுப்பானது பெண்ணுறுப்பில் இலகுவாக நுழைவதற்கு இந்த ஈரம் உதவியாக இருக்கும். சௌகரியமான பாலியல் உறவுக்கு இது தேவையானது தான். ஆனால், இதிலும் கூட உயிரணுக்கள் இருக்கும் என்பதை நினைவில் கொள்ளுங்கள்.

முன்கூட்டிய விந்து வெளியேற்றத்தால் கர்ப்பம் நிகழுமா?

முன்கூட்டியே வெளியேறிய விந்துவில் கொஞ்சம் உயிரணுக்கள் இருக்கும். ஆனால், நிறைய உண்டு என்று சொல்லிவிட முடியாது. அதாவது, முன்கூட்டியே வெளியேறிய விந்து பெண்ணுறுப்பில் நுழைந்தாலும், அந்தப் பெண் கர்ப்பம் அடைவதற்கான வாய்ப்பு உண்டு. முன் வெளியேற்ற திரவத்தால் ஒரு பெண் கர்ப்பம் அடைவதற்கான சாத்தியக்கூறுகள் குறைவாக இருந்தாலும், அதை முழுமையாக நிராகரித்துவிட முடியாது.

முன்வெளியேற்ற திரவத்தில் உயிரணு இருக்காது என்று நம்பினேன்:

முன்வெளியேற்ற திரவம் என்பது வெறும் லூப்ரிகண்ட் என்றும், அதில் உயிரணு இருக்காது என்றும் பலர் நம்புகின்றனர். முன் வெளியேற்ற திரவத்தில் உயிரணு எண்ணிக்கை வேண்டுமானால் குறைவாக இருக்கலாம், ஆனால் கொஞ்சம் உயிரணு இந்த முன் வெளியேற்ற திரவத்தில் இருக்கும் என்பதை மறுக்க இயலாது. ஒருவேளை இது பெண்ணுறுப்பின் உள்ளே நுழைந்தால், அதன் காரணமாக அந்தப் பெண் கர்ப்பம் அடையலாம். நீங்கள் பாதுகாப்பற்ற உடலுறவில் ஈடுபடுகிறீர்கள் என்றால் விந்து வெளியேற்றத்திற்கு பிறகான சூழல் குறித்து எச்சரிக்கையுடன் இருக்க வேண்டும். ஆண்களின் சிறுநீர் பாதை சுவர்களில் உயிரணு ஒட்டிக் கொண்டிருக்கக் கூடும். முன்வெளியேற்ற திரவத்துடன் இது கலந்து ஆணுறுப்பில் இருந்து வெளியேறக் கூடும். இதன் காரணமாகவும் தேவையற்ற கர்ப்பம் உண்டாகும்.

பெண்களுக்கு கருமுட்டை வெளியேறவில்லை என்றால், முன்வெளியேற்ற திரவத்தால் கர்ப்பம் அடைய முடியுமா?

உங்களுக்கு கருமுட்டை வெளியேறவில்லை என்றாலும் கூட, நீங்கள் கர்ப்பம் அடைய வாய்ப்பு உண்டு. பொதுவாக கருமுட்டை வெளியேறும் தருணங்களில் பெண்கள் கர்ப்பம் அடைவதற்கான வாய்ப்புகள் அதிகம். அதே போல கருமுட்டை வெளியேறாவிட்டாலும் பெண்கள் கர்ப்பம் அடைவதற்கு ஓரளவுக்கு வாய்ப்பு உண்டு. ஆணுறுப்பில் இருந்து வெளியேறிய உயிரணு (முன் வெளியேற்ற திரவத்தால் வந்ததாக கூட இருக்கலாம்) என்பது பெண் உடலின் உள்ளே 5 நாட்கள் வரையிலும் உயிர் வாழும். ஆகவே, கருமுட்டை வெளியேறும் காலங்களில் கர்ப்பம் நிகழும்.

வீட்டில் எப்போது கர்ப்ப பரிசோதனை செய்வது?

வீட்டிலேயே கர்ப்பத்தை பரிசோதனை செய்து கொள்வதற்கான பெரும்பாலான சாதனங்களில் குறிப்பிடப்பட்டுள்ள தகவல் என்னவென்றால், நீங்கள் மாதவிலக்கு தவறவிடும் முதல் நாளில் பரிசோதனை செய்வது தான் சரியான தருணம் என்பதாகும். மாதவிலக்கு தவறுவதற்கு முன்பாகவே வீட்டில் நீங்கள் பரிசோதனை செய்யும் பட்சத்தில், நீங்கள் கர்ப்பமாக இருந்தாலும் கூட உங்களுக்கான முடிவு நெகட்டிவ்வாக வர வாய்ப்புகள் உண்டு. ஆகவே சரியான மற்றும் உறுதியான முடிவுகளை பெறுவதற்கு மாதவிலக்கு காலம் வரையிலும் காத்திருக்க வேண்டும். மாதவிலக்கு சுழற்சியின் முதல் நாள் அல்லது அதற்கு சில நாட்கள் கழித்து பரிசோதனை செய்ய வேண்டும்.

மருத்துவரை எப்போது ஆலோசிக்க வேண்டும்?

முன்வெளியேற்ற திரவம் மூலமாக கர்ப்பம் நிகழுவதற்கான வாய்ப்பு கொஞ்சம் குறைவாகும். ஆனால், ஆணுறை அல்லது பெண்ணுறை இல்லாமல் நீங்கள் உடலுறவு வைத்துக் கொள்ளும் பட்சத்தில் இந்த முன்வெளியேற்ற திரவம் பெண்ணுறுப்பின் உள்ளே சென்றிருக்கும் என்பதை நினைவில் கொள்ளுங்கள். இந்த தருணத்தில் மருத்துவரை அணுக வேண்டியிருக்கும். உங்கள் பெண்ணுறுப்பில் எரிச்சல் உணர்வு அல்லது சிறுநீர் கழிக்கும் போது அசௌகரியம் போன்றவை தென்பட்டால் நீங்கள் மருத்துவரை சந்தித்து ஆலோசிக்கலாம்.