கர்ப்பமாக இருக்கும் போது இறால் சாப்பிடலாமா?

கர்ப்பிணி பெண்கள் இறால் சாப்பிடலாமா?

பொதுவாக சமைக்கப்பட்ட இறால் கர்ப்ப காலத்தில் சாப்பிட பாதுகாப்பானது. இருப்பினும், கூன் இறால் மற்றும் சமைக்காத சிப்பி மீன் போன்ற சிப்பி நண்டுகளைப் பொறுத்தவரை, அவற்றைத் தவிர்த்து மாற்று உணவை தேர்வு செய்ய வேண்டும்.

சமைக்காத சிப்பி நண்டினங்கள் பாக்டீரியா மற்றும் வைரஸ்களால் மாசுபடுத்தப்பட்டுள்ளதால் அவற்றை சாப்பிடுவது ஃபுட் பாய்சனை ஏற்படுத்தும். பல்வேறு வளர்சிதை மாற்றம் மற்றும் சுற்றோட்ட மாற்றங்கள் காரணமாக கர்ப்பிணி பெண்களுக்கு இயற்கையாகவே ஃபுட் பாய்சன் ஏற்பட அதிக வாய்ப்புள்ளது. ஃபுட் பாய்சன் காரணமாக கருவில் உள்ள குழந்தைக்கு தொற்று ஏற்படலாம் அல்லது குழந்தை குறை பிரசவத்தில் பிறக்கலாம்.

எனவே, "கர்ப்பமாக இருக்கும் போது நான் இறால் சாப்பிடலாமா?" என்று ஒருவர் தன்னைத் தானே கேட்டுக் கொண்டு, அதிலுள்ள நன்மைகள் மற்றும் தீமைகள் ஆகிய இரண்டையும் கருத்தில் கொள்ளலாம்.

கர்ப்பமாக இருக்கும் போது இறால் சாப்பிடுவதால் கிடைக்கும் ஆரோக்கிய பலன்கள்

இறால்கள் சுவையாக இருப்பது மட்டும் அல்லாமல், ஒரு குழந்தையை பெற்றெடுக்க இருக்கும் தாய்க்கு தேவையான வைட்டமின்கள் மற்றும் மினரல்களையும் வழங்குகிறது. கர்ப்பமாக இருக்கும் போது இறால் சாப்பிடுவதால் கிடைக்கும் சில முக்கியமான ஆரோக்கிய பலன்கள்.

புரதங்கள் :

"கர்ப்பமாக இருக்கும் போது நான் இறால் சாப்பிடலாமா?" - இந்த கேள்விக்கான பதில் ஒரு சில விஷயங்களை பொறுத்து அமையும். கர்ப்பமாக இருக்கும் ஒரு பெண்ணுக்கு இறால் சாப்பிடுவதால் எந்த ஒரு அலர்ஜியும் ஏற்படாது எனில், தாராளமாக அவர் கர்ப்பமாக இருக்கும் போதும் இறால் சாப்பிடலாம்.

கர்ப்ப காலத்தில் புரதத்தின் சிறந்த மூலமாக இறால் திகழ்கிறது. புரதங்கள் நிறைந்த உணவுகளை சாப்பிடுவது, இரத்த சர்க்கரை அளவை நிலைப்படுத்துவதோடு, கருக்கால நீரிழிவு நோய் ஏற்படுவதையும் தடுக்கிறது. இறால்களில் குறைந்த கலோரி இருப்பதால், ஆரோக்கியமான தசைகளை வளர்க்கவும் இது பெரிதும் உதவும்.

வைட்டமின்கள் :

வைட்டமின்கள், குளோரின், காப்பர், சின்க், இரும்புச்சத்து மற்றும் பாஸ்பரஸ் ஆகிய சத்துக்களை ஆரோக்கியமான முறையில் பெற கர்ப்பிணி பெண்கள் இறால்களை சாப்பிடலாம். கர்ப்பமாக இருக்கும் போது இறால்கள் சாப்பிட்டால், அது குழந்தையின் வளர்ச்சிக்கு தேவையான அனைத்து வைட்டமின்களையும் வழங்குகிறது. தைராய்டு செயல்பாடு நோய் எதிர்ப்பு சக்தியை அதிகரிக்கும். இது மூளை வளர்ச்சிக்கு இன்றியமையாதது. மேலும் கருவில் உள்ள குழந்தையின் எலும்பு மற்றும் பற்கள் வளர்ச்சியில் முக்கிய பங்கு வகிக்கிறது.

பிற ஊட்டச்சத்துக்கள் :

உடலால் எளிதில் உறிஞ்சப்படும் மற்றும் உடலை பாதுகாக்கவும், உறுப்புகளை சீரமைக்கவும் உதவும் பிற முக்கியமான ஊட்டச்சத்துக்களின் சிறந்த ஆதாரம் இறால்கள். இறால்களில் காணப்படும் செலினியம் ஆனது செல்களில் ஏற்படும் சேதங்களுக்கு எதிராக செயல்படுகிறது. மேலும் ஒரு சில புற்றுநோய்களுக்கு எதிராக பாதுகாக்கிறது. புதிய செல்களை உருவாக்கவும், ஏற்கனவே இருக்கும் சேதமடைந்த செல்களை சீரமைக்கவும் உதவும் அமினோ அமிலங்களைப் பெற கர்ப்பிணி பெண்கள் இறால்களை சாப்பிடலாம். அஸ்டாக்சாண்டின் அழற்சி எதிர்ப்பு மற்றும் வயதான அறிகுறிகளை எதிர்க்கும் பண்புகளைக் கொண்டுள்ளது. இந்த சத்துக்கள் அனைத்தும் இறாலில் அதிகம் காணப்படுகிறது.

ஒமேகா 3 :

இறாலில் அதிக அளவில் ஒமேகா 3 உள்ளது. இந்த கொழுப்பு அமிலங்கள் கருவின் கண்கள் மற்றும் நரம்பு இணைப்புகளின் வளர்ச்சிக்கு உதவுகிறது.

குறைந்த கலோரிகள் :

ஆரோக்கியமான உடல் எடையை பெறுவதும், போதுமான ஊட்டச்சத்துக்களை சாப்பிடுவதும் கர்ப்ப காலத்தில் சமமாக முக்கியம். கர்ப்பமாக இருக்கும் போது இறால்கள் சாப்பிடுவது, தேவையற்ற கொழுப்புகளை உண்ணாமலேயே ஊட்டச்சத்துக்களை அதிகரிக்க உதவுகிறது.

கர்ப்ப காலத்தில் இறால்கள் சாப்பிடுவதை தவிர்க்க வேண்டுமா?

கர்ப்பமாக இருக்கும் போது கடல் சார்ந்த உணவுகளை தவிர்க்க வேண்டும் என்றாலும், மாசுப்படுத்தப்படாத ஆதாரங்களில் இருந்து பெறப்பட்ட மற்றும் நன்கு சமைக்கப்பட்ட இறால்கள் சாப்பிட பாதுகாப்பானவை. எனினும், கர்ப்ப காலத்தில் சாப்பிடும் எந்த ஒரு உணவையும் அளவாக சாப்பிடுவது அவசியம்.

கர்ப்ப காலத்தில் இறால்கள் சாப்பிடும்போது, அதிகப்படியாக சாப்பிட்டாலோ அல்லது கட்டுப்பாடுகளை பின்பற்றாமல் இருந்தாலோ எதிர்மறையான விளைவுகளை சந்திக்க நேரிடும். கர்ப்பமாக இருக்கும் போது இறால்கள் சாப்பிடுவது குறித்து ஒருவருக்கு சந்தேகங்கள் இருந்தால், அதனை சாப்பிடும் முன் ஒரு மருத்துவரை அணுகுவது நல்லது.

கர்ப்ப காலத்தில் இறால்கள் சாப்பிடுவதால் ஏற்படும் அபாயங்கள் என்ன?

கர்ப்ப காலத்தில் இறால்கள் சாப்பிடும் கர்ப்பிணி பெண்களுக்கு அலர்ஜி ஏற்பட வாய்ப்புண்டு. கர்ப்பமாக இருக்கும் போது இறால்கள் சாப்பிடுவதால் ஏற்படக்கூடிய சில அபாயங்கள் பின்வருமாறு:

கொலஸ்ட்ரால் :

இறால்களில் அதிக அளவில் கொலஸ்ட்ரால் காணப்படுகிறது. ஆகவே, குழந்தையை பெற்றெடுக்கப் போகும் தாய்க்கும், கருவில் உள்ள குழந்தையின் ஆரோக்கியத்திற்கும் இறால்கள் நல்லதல்ல.

அலர்ஜி :

இந்த வகையான உணவுகளை சாப்பிடும் போது ஒருவருக்கு அலர்ஜி ஏற்படும் என்றால், இறால்கள் சாப்பிடுவதை தவிர்ப்பது நல்லது. ஏனெனில், இது அடிவயிற்றில் வலி, அரிப்பு, தடிப்பு மற்றும் வீக்கத்தை ஏற்படுத்தும்.

பாதரச விஷம் :

அசுத்தமான நீரில் வளர்ந்த இறால்களை சாப்பிட்டால், அதிலுள்ள நீர் மாசுபாடு மற்றும் நச்சு நிறைந்த இரசாயனங்கள் உடல்நலப் பிரச்சினைகளை ஏற்படுத்தும். நண்டுகள் போன்ற சிப்பி வகைகள் மாசுபடுத்திகளை உறிஞ்சும் தன்மை கொண்டது. ஒரு கர்ப்பிணி பெண் இதனை சாப்பிடும்போது தாயின் உடலுக்கு இந்த மாசுபடுத்திகள் மாற்றப்படுகிறது. உப்புநீரில் வளரும் இறால்களில் பாதரசம் இருக்கும். இது குழந்தையின் நரம்பு மண்டலத்தில் எதிர்மறையான தாக்கத்தை ஏற்படுத்தும். அசுத்தமான நதி நீரில் அதிக அளவு குளோரினேட்டட் பைபினைல்ஸ் உள்ளது. இது தாய் மற்றும் குழந்தைக்கு உடல்நலக் குறைவினை ஏற்படுத்துகிறது.

தொற்று :

கர்ப்ப காலத்தில் வேக வைத்த இறால்கள் சாப்பிடுவது சிறந்த ஆப்ஷன். சரியாக வேக வைக்கப்படாத அல்லது சமைக்கப்படாத இறால்கள் சாப்பிடுவது குழந்தைக்கு ஃபுட் பாய்சன், இரத்தத்தில் விஷத்தன்மை மற்றும் பிற தொற்றுகளை ஏற்படுத்தும்.

கர்ப்பமாக இருக்கும் போது இறால்கள் சாப்பிடுவதால் ஏற்படக்கூடிய ஆரோக்கியம் சார்ந்த அபாயங்கள் என்ன?

அதிர்ஷ்டவசமாக, கர்ப்ப காலத்தில் இறால்கள் சாப்பிடுவதில் ஒரு தீங்கும் இல்லை. ஆனால் சமைக்காமல் இறால்களை சாப்பிட பரிந்துரைக்கப்படவில்லை. ஊசிக்கணவாய், நத்தைகள் மற்றும் ஆற்றிறால்கள் போன்ற சிப்பி நண்டின வகைகளை தவிர்ப்பது சிறந்தது. சமைக்கப்படாத சிப்பி நண்டினங்களில் பாக்டீரியா மற்றும் வைரஸ்கள் இருக்கும். அவை உணவு சார்ந்த உடல்நல கேடுகளை விளைவிக்கும் என்பதால், கர்ப்ப காலத்தில் அவற்றை தவிர்ப்பது நல்லது.

வளர்சிதை மாற்றம் மற்றும் இரத்த ஓட்டத்தில் ஏற்படும் மாற்றங்கள் காரணமாக கர்ப்ப காலத்தில் அடிக்கடி ஃபுட் பாய்சன் ஏற்படும். எனவே, தேவையற்ற உணவுகள் சாப்பிடுவதை தவிர்க்க வேண்டும். ஒரு சில சமைக்கப்படாத உணவுகளான பச்சை இறால்களை சாப்பிடுவது பின்வரும் ஒரு சில நேய்களுக்கு வழிவகுக்கலாம்:

• இரைப்பை குடல்சார் கோளாறுகள்.

• பாதரச விஷம்.

• லிஸ்டிரியா மாசுபாடு காரணமாக இரத்தத்தில் ஏற்படும் விஷத்தன்மை.

கர்ப்ப காலத்தில் சிப்பி நண்டின வகைகளை சாப்பிடுவது ஆரோக்கியத்திற்கு ஒரு சில தீங்குகளை ஏற்படுத்தலாம். ஆனால், கர்ப்பமாக இருக்கும் போது இறால்கள் அளவாக சாப்பிடுவதால் தீங்கொன்றும் இல்லை. இருப்பினும், ஒரு மருத்துவரை அணுகிய பின் சாப்பிடுவது நல்லது.

Tags

Prawns During Pregnancy in English, Prawns During Pregnancy in Hindi, Prawns During Pregnancy in Bengali, Prawns During Pregnancy in Telugu