hamburgerIcon
login

VIEW PRODUCTS

ADDED TO CART SUCCESSFULLY GO TO CART
  • Home arrow
  • Parenting Tips arrow
  • பேரண்ட்டிங் முறை குழந்தை வளர்ச்சியை எவ்வாறு பாதிக்கிறது? arrow

In this Article

    பேரண்ட்டிங் முறை குழந்தை  வளர்ச்சியை எவ்வாறு பாதிக்கிறது?

    Parenting Tips

    பேரண்ட்டிங் முறை குழந்தை வளர்ச்சியை எவ்வாறு பாதிக்கிறது?

    2 May 2023 அன்று புதுப்பிக்கப்பட்டது

    உங்கள் பிள்ளைகள் வளர்ந்து பெரியவர்களாகும்போது, அவர்களுக்குள் உங்கள் பேரண்ட்டிங் முறை ஒரு பெரிய தாக்கத்தை ஏற்படுத்தியிருக்கும். இருந்தாலும், ஒரு விஷயத்தில் மோசமான பெற்றோர்களாக இருந்தாலும், மற்றொரு விஷயத்தில் மிகச்சரியாகக் கையாண்டிருக்கலாம். எனவே, வெவ்வேறு வகையான பேரண்ட்டிங் முறையை புரிந்துகொண்டு கற்றுக்கொள்வது மிக அவசியமாகும். பேரண்ட்டிங் முறை என்பது இந்த நான்கு வகைகளில் அடங்கும்.

    சர்வாதிகார போக்கு

    எதையும் நேரிடையாகக் கேட்கும் அதன் தன்மை காரணமாக இது மற்ற முறைகளிலிருந்து எளிதில் வேறுபடுகிறது. இது குழந்தையை கண்டிப்புடன் வளர்க்கும் முறையைக் குறிப்பிடுகிறது. ஒரு சர்வாதிகார முறையானது, ஒரு குழந்தை எந்த கேள்வியும் கேட்காமல் கீழ்ப்படிய வேண்டும் என்று எதிர்பார்க்கிறது. பெற்றோர் சொல்பவற்றை ஏன் செய்யவேண்டும்? என்ற கேள்வி குழந்தைக்கு எழுந்தால், 'ஏன்' என்பதை விளக்குவதற்குப் பதிலாக, 'நான் சொல்வதால் அதை செய்யவேண்டும்' என்ற பதில் மூலம் குழந்தை அடக்கப்படுகிறது. இந்த வழக்கில், கீழ்ப்படியாவிட்டால் கடுமையாக தண்டிக்கப்படுவதும், குழந்தைகள் தங்கள் சொந்த விருப்பத்தை தேர்ந்தெடுக்க மற்றும் தவறுகளில் இருந்து கற்றுக்கொள்ள எந்த வாய்ப்பும் வழங்கப்படுவதில்லை.

    ஒரு குழந்தை விதிமுறைகளை மிகச்சரியாக பின்பற்றி வளரும். அதே நேரத்தில், பல சந்தர்ப்பங்களில் சமூக சூழ்நிலைகளில் பொருந்த சிரமப்படுவார்கள். அதோடு தங்களைப் பற்றி அவர்களே குறைவாக மதிப்பிடக்கூடும்.

    அதிகாரப்போக்கு

    சர்வாதிகார போக்குடைய பெற்றோரை விட, அதிகாரப்போக்குடைய பெற்றோர்கள் கொஞ்சம் மென்மையாக நடந்து கொள்வார்கள். இவர்களுக்கான வித்தியாசம் என்னவென்றால், பெற்றோர்கள் குழந்தைகளுக்கு பதிலளிக்கக்கூடியவர்களாக இருப்பார்கள். அதோடு விதிகள் மற்றும் தண்டனைகள் தொடர்பான விவாதங்களை ஊக்குவிப்பார்கள். இந்த விஷயத்தில் குழந்தைகள் தங்கள் கருத்துக்களை விவாதிக்க அனுமதிக்கப்படுகிறார்கள். மற்றும் பெற்றோர்கள் குழந்தைகளின் செயல்களுக்கு தண்டனையை வழங்குவதற்கு முன் ஒவ்வொரு அம்சத்தையும் கருத்தில் கொள்கிறார்கள். நன்கு அனுசரித்து செல்லக்கூடிய மற்றும் தன்னம்பிக்கை கொண்ட குழந்தைகளுக்கு இது ஒரு பயனுள்ள பேரண்ட்டிங் முறையாகக் கருதப்படுகிறது. இருப்பினும், உங்கள் குழந்தை ஏதேனும் பிகேவியரல் பிரச்சனைகளால் பாதிக்கப்பட்டிருந்தால், இந்த முறை பொருத்தமானதாக இருக்காது.

    அனுமதிக்கும் போக்கு

    இந்த வகையான பேரண்ட்டிங் முறையில் குழந்தைகளுடன் அதிக நட்புறவை ஏற்படுத்திக்கொள்வதும் அடங்கும். அவர்கள் குழந்தைகளின் கேள்விகளுக்கு பதிலளிக்கக்கூடியவர்களாகவும், அன்பானவர்களாகவும் இருந்தாலும், அத்தகைய பெற்றோர்கள் குழந்தைகளுடன் சில எல்லைகளை நிறுவி, தங்கள் குழந்தைகளை கண்டிக்க குறைந்தபட்ச முயற்சியை மேற்கொள்வார்கள். இது குழந்தைகளுக்கு ஓரளவு சுதந்திரம் அளிக்கும் பெற்றோரின் வளர்ப்பு முறையாகும். அதோடு, குழந்தையின் மகிழ்ச்சியையும் வலியுறுத்துகிறது. இந்த பாணியைப் பயன்படுத்தும் பெற்றோர்கள் தங்கள் குழந்தைகளுடன் அன்பாக இருப்பார்கள் மற்றும் அவர்களுடன் நிலையான தொடர்பைப் பேணுவார்கள். இருப்பினும், இந்த வகையான வளர்ப்பு முறையால், குழந்தைகள் காலப்போக்கில் குற்றச் செயல்களில் ஈடுபடலாம். மற்றும் அவர்களுக்கு தங்கள் மேலதிகாரிகளுடன் இணைந்து பணியாற்றுவதில் சிரமம் ஏற்படலாம்.

    அலட்சிய போக்கு

    இந்த முறையானது சர்வாதிகார போக்குடைய பெற்றோருக்கு நேர் எதிரானது. இதில் எந்த தெளிவான எதிர்பார்ப்புகளும் இருக்காது. இந்த பெற்றோர்கள் குழந்தையின் அடிப்படைத் தேவைகளான உணவு, உடை மற்றும் தங்குமிடம் ஆகியவற்றில் மட்டுமே கவனம் செலுத்துவார்கள். அவர்கள் தங்கள் குழந்தையின் அன்றாட நடவடிக்கைகளில் அதிகம் ஈடுபாடு ஏதுமின்றி இருப்பார்கள். இந்த வளர்ப்பு முறையின் தீமைகள் என்னவென்றால், குழந்தைகள் மிக மோசமாக சுயகட்டுப்பாடு இன்றி இருப்பார்கள். அதோடு, மற்றவர்களுடன் தொடர்புகொள்வதிலும் இவர்களுக்கு சிரமம் ஏற்படலாம்.

    பேரண்டிங் முறையினால் ஏற்படும் தாக்கம்

    ஒவ்வொரு பேரண்டிங் முறையிலும் நன்மை, தீமை இரண்டும் உள்ளது. மேலும் ஒவ்வொரு குழந்தையின் ஆளுமைத்தன்மையைப் பொறுத்து இந்த தாக்கம் மாறுபடலாம். பேரண்டிங் முறை பற்றிய புரிதலை நீங்கள் அடைந்தவுடன், உங்களுக்கும் உங்கள் குழந்தைக்கும் சிறப்பாகச் செயல்படக்கூடிய ஒரு பேரண்டிங் முறையை நீங்கள் கண்டறிவதே மிக முக்கியமானதாகும்.

    Is this helpful?

    thumbs_upYes

    thumb_downNo

    Written by

    Chandrika Iyer

    Get baby's diet chart, and growth tips

    Download Mylo today!
    Download Mylo App

    RECENTLY PUBLISHED ARTICLES

    our most recent articles

    Mylo Logo

    Start Exploring

    wavewave
    About Us
    Mylo_logo

    At Mylo, we help young parents raise happy and healthy families with our innovative new-age solutions:

    • Mylo Care: Effective and science-backed personal care and wellness solutions for a joyful you.
    • Mylo Baby: Science-backed, gentle and effective personal care & hygiene range for your little one.
    • Mylo Community: Trusted and empathetic community of 10mn+ parents and experts.