Get MYLO APP
Install Mylo app Now and unlock new features
💰 Extra 20% OFF on 1st purchase
🥗 Get Diet Chart for your little one
📈 Track your baby’s growth
👩⚕️ Get daily tips
OR
Article Continues below advertisement
Skin Changes
3 November 2023 அன்று புதுப்பிக்கப்பட்டது
கர்ப்பம் தரித்துள்ள காலகட்டத்தில் சருமத் தொய்வு அல்லது தளர்வு பொதுவாக ஏற்படும் ஒரு விஷயமாகும். வளர்ந்து வரும் வயிற்றிற்கு இடமளிக்கும் வகையில் தோல் நீட்சி பெறுவதால், பிரசவத்திற்குப் பிறகு பெரும்பாலான பெண்கள் சருமம் தொய்ந்துள்ளதை உணருவர். கர்ப்பத்தின் போது சருமத்தில் பல மாற்றங்கள் நிகழ்ந்தாலும் பிரசவத்திற்குப் பிறகு அவை மறைந்துவிடும். சருமம் கொலாஜன் மற்றும் எலாஸ்டின் ஆகியவற்றால் ஆனது, கர்ப்ப காலத்தில் ஏற்படும் எடை அதிகரிப்புடன் அது விரிவடைகிறது. நீட்சிப் பெற்ற சருமம் அதன் அசல் வடிவத்திற்குத் திரும்பும்போது தொய்வு ஏற்படலாம். தளர்வான சருமம் அசௌகரியமாக இருக்கும் மற்றும் அதன் காரணமாக உடைகள் சரியாகப் பொருந்தாமல் போகலாம். மேலும், தேவையான சதையை விட சிறிதளவு அதிகமாக இருந்தாளும் அங்கு நமைச்சல் அல்லது தொற்று தாக்கம் ஏற்படலாம்.
கர்ப்ப காலத்தில் வயிறு வளர்கிறது என நாம் கூறினாலும், உண்மையில் உங்கள் குழந்தையின் வளர்ச்சிக்கு வழி வகுக்கும் கருப்பைதான் உள்ளே விரிவடைகிறது, வயிறு அல்ல. உங்கள் உடலின் எந்தப் பகுதியும் வளரும் அல்லது வீங்குவதைப் போலவே, சருமமும் ஒரு உயிருள்ள உறுப்பாக, கருப்பையைச் சுற்றி விரிவடையும். இது மேலெழும்போது, வயிறு நீட்சி அடைகிறது. நீட்சி பெறும் அளவு நபரின் மரபியல் மற்றும் நீட்டிக்க சருமம் கொண்டுள்ள திறன் இவற்றைச் சார்ந்தது.
சருமத்தின் நீட்சியின் விகிதம் நபருக்கு நபர் மாறுபடும். இருப்பினும், கர்ப்பத்தின் ஒன்பது மாதங்களில் சராசரியாக ஒரு பெண் சுமார் 30 பவுண்டுகள் எடை அதிகரிக்கிறார். இந்த எடை அதிகரிப்பு சரும நீட்சிக்கு இடமளிக்கிறது. கர்ப்பம் தரித்து மாதம் அதிகரிக்கையில் பெரும்பாலான பெண்கள் வயிற்றின் நடுவில் ஒரு கருமையான கோடு இருப்பதையும் கவனிக்கலாம், இது லீனியா நிக்ரா எனப்படுகிறது. கர்ப்ப காலத்தில் ஏற்படும் பிற மாற்றங்களைப் போலவே, இந்த வரி வரியான தோற்றம் பிரசவித்த ஒரு வருடத்திற்கு பிறகு அல்லது அதற்கு மேல் கூட நீடிக்கும்.
Article continues below advertisment
மாற்றங்கள் உங்கள் கர்ப்ப காலத்துக்கு மட்டும் மட்டுப்படுத்தப்பட்டவை என்று நினைத்தாலும், பிரசவத்துக்குப் பிறகும் கருப்பையைச் சுற்றியுள்ள பகுதி தொடர்ந்து மாறுகிறது. பிரசவத்துக்குப் பிறகு, சருமம் சுருங்கத் தொடங்கினாலும் நீட்சித் தன்மையில் மாற்றம் உள்ளது. குழந்தை பிறப்பதற்கு முன்பு இருந்த வடிவத்திற்கு சருமம் எப்போதும் திரும்பாது. கொஞ்சம் தளர்வான அல்லது தொய்வான சருமத்தைக் காணமுடியும். காலப்போக்கில் அவை மறைந்துவிட்டாலும், கர்ப்ப காலத்தில் தோன்றும் நீட்சிக் குறிகள் பிரசவத்திற்குப் பிறகும் இருக்கும்.
சி- செக்ஷன் மூலம் குழந்தை பிறந்திருந்தால், பிறப்பு வடுக்கள் இருக்கலாம். சி-பிரிவின் போது, தசைகள் வெட்டப்படுவதால் பிரசவத்துக்குப் பின்னர் அவை சீராகும் போது எதிர்பார்க்கும் மாற்றங்கள் வேறுபட்டே இருக்கும். கர்ப்பத்தின் போது வயிற்றுத் தசைகளின் செயல்முறை பாதிக்கப்படுவதால், வயிற்றை டோனிங் செய்தாலும் கூட முன்பிருந்தது போன்று அதே முடிவுகளை வழங்காது. பொதுவாக, வயிற்றை டோனிங் செய்வது கடினம். பிரசவத்த்தின் காரணமாக மட்டுமின்றி, அதிகமான குழந்தைகள் இருந்தால் மற்றும் வயதாகும்போது, வயிற்றுப் பகுதியை டோனிங் செய்வது கடினம்.
சருமத்தின் நெகிழ்ச்சித் தன்மையை மேம்படுத்த ஆரோக்கியமான உணவு: சருமத்தின் நெகிழ்ச்சித்தன்மையைப் பராமரிக்கவும், ஊட்டச்சத்துக்களைப் பெறவும், ஆரோக்கியமான உணவு அவசியம். நான் உண்ணும் வைட்டமின்கள் மற்றும் தாதுக்கள் மற்ற உறுப்புகளுக்கு விநியோயக்கப்பட்ட பிறகு சருமத்துக்கு இறுதியிலேயே வழங்கப்படுகிறது, எனவே, போதுமான ஊட்டச்சத்துக்கள் கிடைக்கவில்லை என்றால், சருமம் அதற்கே உரித்தான மென்மை மற்றும் மீள்தன்மையை இழக்கும். ஏராளமான பழங்கள், காய்கறிகள், கொழுப்பு குறைந்த புரதங்கள் மற்றும் கொழுப்புகள் உள்ளிட்ட ஆரோக்கியமான உணவை உண்ணுங்கள், நெகிழ்ச்சித்தன்மையை எளிதாக்கவும் மற்றும் தளர்வான சருமத்தை இறுக்கவும் உதவும் ஆரோக்கியமான உணவுகள் சில பின்வருமாறு:
1. பழங்கள் மற்றும் ப்ரோக்கோலி, கீரை, பச்சை இலைக் காய்கறிகள் மற்றும் ஸ்ட்ராபெர்ரிக்களில் வைட்டமின் ஏ மற்றும் சி உள்ளது. வைட்டமின் ஏ சரும வறட்சியைத் தடுக்க உதவும் அதே வேளையில், வைட்டமின் ஏ சருமத்திற்கு உறுதியை அளிக்கும் கொலாஜனை உற்பத்தி செய்கிறது
2. பாதாம், சூரியகாந்தி விதைகள் மற்றும் ஹேசல்நட்களில் ஆரோக்கியமான கொழுப்புகள் உள்ளன. அவற்றில் வைட்டமின் இ மற்றும் ஆன்டிஆக்ஸிடன்ட்கள் உள்ளன, அவை சருமத்திற்கு ஊட்டமளித்து ஆரோக்கியமாகப் பராமரிக்கும்.
Article continues below advertisment
3. சாத்துக்குடி, ஆரஞ்சு, ப்ளாக்பெர்ரி, ஸ்ட்ராபெர்ரி மற்றும் ராஸ்பெர்ரி போன்றவையும் கொலாஜன் உற்பத்தியை எளிதாக்குகிறது, இது சருமத்தை இறுக்கமாக்குகிறது. லெட்யூஸ், கீரை, தக்காளி, ப்ரோக்கோலி, கேரட், பீட்ரூட் மற்றும் பெல் பெப்பர்ஸ் ஆகியவை கொலாஜன் கொண்ட நல்ல காய்கறிகளில் அடங்கும்.
4. பூசணி விதைகள், கொண்டைக்கடலை, முந்திரி மற்றும் காளான்கள் போன்ற சில துத்தநாகம் நிறைந்த உணவுகளும் சருமத்தை இறுக்கமாக்குகின்றன.
5. புரோட்டீன் நிறைந்த உணவுகளான முட்டை, பருப்பு வகைகள், முளைவிட்ட பருப்புகள், கினோவா மற்றும் சோயா மில்க் ஆகியவை தசைகளை வலுப்படுத்த உதவுகின்றன.
குழந்தை பிறந்த பிறகு, கடந்த ஒன்பது மாதங்களில் அதிகரித்த எடையை உடனடியாகக் குறைக்க உந்துதல் எழலாம். விரைவாக உடல் எடையை குறைப்பது சருமத் தொய்வு பிரச்சனையை மேலும் மோசமாக்கும் என்பதை நினைவில் கொள்ளுங்கள். விரைவாக எடையைக் குறைத்தால் கொழுப்பு மற்றும் தசை இரண்டையும் இழக்க நேரிடும். தசையை இழப்பது உங்கள் உடலின் சரியான அளவும், நிறமும் கொண்ட வடிவத்தைத் தக்கவைக்கும் திறனை இழக்கிறது. குறைவான பாடி மாஸ் உங்கள் வளர்சிதை மாற்றத்தைக் குறைக்கலாம் மற்றும் அதற்கு மேல் எடையைக் குறைப்பதை மிகவும் கடினமாக்கும். உடற்பயிற்சி செய்வது வயிற்றுத் தசைகளை வலுப்படுத்துவதன் மூலம் தொய்வான சருமத்தை இறுக்க உதவும். இது அதிக எடையை குறைக்கவும், உடலை மறுவடிவமைக்கவும் மற்றும் வயிற்றுத் தசைகளை வலுவாக்கவும் உதவுகிறது. உடற்பயிற்சி இரத்த ஓட்டத்தை எளிதாக்குகிறது, இது திசுக்களுக்கு ஆக்ஸிஜன் விநியோகத்தை மேம்படுத்துகிறது மற்றும் கொலாஜன் மற்றும் எலாஸ்டின் உற்பத்தியை அதிகரிக்க உதவுகிறது. உடற்பயிற்சி பின்வருவனவற்றைக் கொண்டிருக்கலாம்:
கார்டியோ பயிற்சிகள் வயிற்றுத் தசைகளை வலுப்படுத்தி அதிகப்படியான கொழுப்பை எரிக்கின்றன. சுறுசுறுப்பான நடைபயிற்சி, ஜாகிங், பைக் சவாரி அல்லது நீச்சல் போன்றவற்றை முயற்சி செய்யலாம். இருப்பினும், பிரசவத்திற்குப் பிறகு உடற்பயிற்சி செய்யத் துவங்கும் முன் மருத்துவரை ஆலோசிக்கவும்.
Article continues below advertisment
ஸ்டெரென்த் டிரெய்னிங் பயிற்சிகள் தசைகளை வலுப்படுத்துவதன் மூலம் சருமத்தின் நெகிழ்ச்சித்தன்மையை மேம்படுத்துகின்றன. சைக்கிள் ஓட்டுதல், க்ரஞ்சஸ் மற்றும் கால்களை உயர்த்துதல் போன்ற பயிற்சிகளை முயற்சி செய்யலாம்.
கார்டியோ அல்லது ஸ்டெரென்த் டிரெய்னிங் பயிற்சிகளுடன் மாறுபாடுகளைச் சேர்க்கவும். வொர்க்அவுட்டிற்கு முன்னும் பின்னும் ஸ்ட்ரெட்ச் செய்ய வேண்டும். இரண்டு வாரங்களுக்கு ஒருமுறை உடற்பயிற்சி நெறிமுறையை மாற்றவும். ஒரு வாரத்திற்கு ஒன்று அல்லது இரண்டு பவுண்டுகள் எடை மட்டுமே இழப்பதை இலக்காகக் கொள்ள வேண்டும், ஏனெனில் இது நீண்ட காலத்திற்கு உடலை மிகவும் ஆரோக்கியமாகவும் நிலையானதாகவும் ஆக்குகிறது.
.கர்ப்பத்திற்குப் பிறகு தொய்வான சருமத்தை இறுக்குவது என்பது நெகிழ்ச்சித்தன்மையை மேம்படுத்துவதும் பராமரிப்பதும் ஆகும். நெகிழ்ச்சித் தன்மைக்கும் நீரேற்றத்திற்கும் தொடர்புண்டு. ஒவ்வொரு நாளும் குறைந்தது ஏழு முதல் எட்டு கிளாஸ் தண்ணீர் குடிப்பதே நீரேற்றமாக இருக்க உதவும். இது சருமத்தின் நெகிழ்ச்சித்தன்மையைப் பராமரிப்பதோடு மட்டுமல்லாமல், உடலில் கலோரிகளை எரிக்க மற்றும் உங்கள் அடிவயிற்றில் நீர் தக்கவைப்பை குறைக்கவும் உதவுகிறது. இவை அனைத்தும் சேர்ந்து, சருமம் தொய்வாகத் தோன்றாதபடி பராமரிக்கும். உங்கள் சருமத்தை நீரேற்றமாக வைத்திருக்க பாடி லோஷனையும் பயன்படுத்தலாம். லோஷனில் உள்ள கிளிசரின் மற்றும் செராமைடு போன்ற இயற்கையான பொருட்கள் வறண்ட சருமத்தை ஈரப்பதமாக்கி, உங்கள் சருமத்தின் நெகிழ்ச்சித்தன்மையை அதிகரித்து, சருமத்தை இளமையாகவும், இளமையாகவும் வைக்கும். தினமும் நிறைய தண்ணீர் குடிப்பது மற்றும் மாய்ஸ்சரைசிங் தைலம் தடவுவது கர்ப்பத்திற்குப் பிறகு உள்ளும் வெளியேயும் இருந்து தளர்வான சருமத்தை இறுக்க உதவும்.
தாய்ப்பால் கொடுப்பது குழந்தைக்கு மட்டுமல்ல, தாய்க்கும் பலன் தரும். புதிதாகப் பிறந்த குழந்தைக்குத் தாய்ப்பால் மிகவும் ஆரோக்கியமான ஊட்டச்சத்து ஆதாரமாக இருந்தாலும், அது அவர்கள் மனரீதியாகவும் உடல் ரீதியாகவும் வளர உதவுகிறது மற்றும் அவர்களின் நோயெதிர்ப்பு அமைப்புகளை செயல்பட வைக்கிறது. அதுமட்டுமின்றி, குழந்தைக்குத் தாய்ப்பால் கொடுப்பது, கர்ப்பத்திற்குப் பிறகு உடல் எடையைக் குறைக்கவும், தொய்வான சருமத்தை இறுக்கவும் உதவுகிறது. தாய்ப்பால் கொடுக்கும் போது பால் உற்பத்தி செய்ய உட்கொள்ளும் கலோரிகளின் பெரும்பகுதியை பால் உற்பத்திக்காக உடல் பயன்படுத்துகிறது. இதன் விளைவாக, குறைந்த அளவு கொழுப்பே சேர்க்கும் அல்லது உங்களிடம் இருக்கும் கொழுப்பு உபயோகிக்கும். அதாவது கர்ப்பத்திற்குப் பிறகு நீங்கள் இயற்கையாகவே விரைவாக எடையைக் குறைக்கலாம் மற்றும் தொய்வான சருமத்தை இறுக்கலாம், இது புதிய தாய்மார்களுக்கு ஒரு மகிழ்ச்சியான செய்தி.
சருமத்தின் மேற்பரப்பில் இருந்து இறந்த செல்களை அகற்றும் செயல்முறை எக்ஸ்ஃபோலியேஷன் என்று அழைக்கப்படுகிறது. இது ஆரோக்கியமான, இயற்கையான மற்றும் இறுக்கமான புதிய சரும வளர்ச்சியை ஊக்குவிக்கிறது. சருமம் உரிதல் மேற்பரப்பு அடுக்குகளுக்கு இரத்த ஓட்டத்தை ஊக்குவித்து அதன் உருவாக்கம் மற்றும் நெகிழ்ச்சித்தன்மையை ஊக்குவிக்கிறது. இந்தச் செயல்பாடுகள் அனைத்தும் பிரசவத்துக்குப் பிறகு தளர்வான சருமத்தை இறுக்க உதவுகின்றன. உங்கள் தினசரி வழக்கத்தின் ஒரு பகுதியாக, முகம் மற்றும் கழுத்தில் எக்ஸ்ஃபோலியேட்டிங் செய்யலாம். இருப்பினும், குளிக்கும் போது லூஃபா அல்லது பாத் பிரஷ் கொண்டு வயிறு மற்றும் தொடைகளுக்கு கூடுதல் கவனம் செலுத்துவது அங்குள்ள சருமத்தின் மேற்பரப்பில் இருந்து இறந்த செல்களை அகற்றும். சருமம் உறுதியானதாக இருந்தால், குளிப்பதற்கு முன் உலர்வான பிரஷ் கூட உபயோகிக்கலாம். சருமம் சேதமடையாமல் கவனம் கொள்ளவும்.
Article continues below advertisment
பிரசவத்துக்குப் பின் தொய்வுற்ற சருமத்தை இறுக்க முயற்சிக்கும் போது, அதற்கான முடிவுகள் விரும்பும் அளவுக்கு விரைவாகக் கிடைக்காமல் இருந்தால், அது மனத் தொய்வு ஏற்படலாம். அமைதியாக, ஆரோக்கியமான மனநிலையைப் பராமரிக்கவும். சிறந்த மன நிலையைக் கண்டறிவதற்கான சில குறிப்புகள் பின்வருமாறு:
1. உடல் தற்போதுதான் பெரும் அதிர்ச்சிக்கு ஆளாகியுள்ளது என்பதால் பொறுமையாக இருங்கள்.
2. விரக்தியடைவதாக உணர்ந்தால், ஆழ்ந்த சுவாசம் எடுக்க முயற்சிக்கவும்.
3. பிடித்தமான இசையைக் கேளுங்கள்
4. வீட்டை விட்டு வெளியில் சென்று மனமாற்றத்துக்கு முயலுங்கள்
Article continues below advertisment
5. குழந்தையுடன் விளையாடுங்கள்
6. தியானம் செய்யுங்கள்.
7. சோர்வடையாமல் இருக்க குழந்தையுடன் சேர்ந்து சிறிது நேரம் தூங்குங்கள்.
ஸ்ட்ரெச் மார்க் அல்லது சருமத்தில் உள்ள பதிக்கப்பட்ட கோடுகள் அல்லது வண்ணக் கோடுகள் கர்ப்ப காலத்தில் பொதுவாக ஏற்படுபவை மற்றும் முற்றிலும் இயற்கையானது. இது எடை அதிகரிப்பு அல்லது எடை இழப்பு காரணமாகச் சரும நீட்டிப்பு மற்றும் சுருக்கத்தின் விளைவாகும். சமீபத்தில் ஏற்பட்ட நீட்சி சிவப்பு நிறமாக இருக்கும் மற்றும் இதற்குச் சிகிச்சையளிப்பது எளிது. வெள்ளை நிறக் கோடுகள் பழமையானவை மற்றும் இவற்றிற்குச் சிகிச்சையளிப்பது கடினம்.
ஸ்ட்ரெச் மார்க் மரபியல் சார்ந்ததாக இருக்கலாம் என்றாலும், வளர்ச்சி விரைவாக ஏற்படுதல் அல்லது எடை அதிகரிப்பு அல்லது இழப்பு உள்ளவர்களுக்கும் அவை பொதுவானவை. ஸ்ட்ரெச் மார்க்கைச் சீர் செய்ய பல சிகிச்சைகள் உள்ளன. அவற்றில் சில அடையாளங்களின் நிறத்தை தணியச் செய்து அவற்றைச் சுருக்கலாம். ஸ்ட்ரெச் மார்க்கைத் தடுக்க ஸ்ட்ரெட் மார்க் எண்ணெய் மற்றும் கிரீம்கள் ஏராளமாக உள்ளன.
Article continues below advertisment
ஸ்ட்ரெச் மார்க் கிரீம்கள், லோஷன்கள், ஜெல்கள் பல இருந்தாலும் எந்த ஒரு தயாரிப்பும் ஸ்ட்ரெச் மார்க்கை ஒரே தரத்துடன் மங்க வைக்க உதவுவதாக உறுதியான ஆராய்ச்சி முடிவுகள் ஏதுமில்லை. லேசர் சிகிச்சை அல்லது மைக்ரோ-நீட்லிங் போன்ற சிகிச்சைகள் கொலாஜன் உற்பத்தியைத் தூண்ட உதவினாலும் அவற்றால் ஸ்ட்ரெச் மார்க்கை அகற்ற முடியாது. 100% பயனுள்ள சிகிச்சை எதுவும் இல்லை என்பதால், அவை நேராமல் தடுப்பதற்குக் கவனம் செலுத்துவது நல்லது.
முன்பே கூறியது போல, சருமத்தின் பொதுவான நீட்சியைவிட வேகமாக விரிவடைவதன் விளைவாகவே ஸ்ட்ரெட்ச் மார்க் உருவாகிறது. சருமத்தை ஈரப்பதமாகவும் நீரேற்றமாகவும் வைத்திருப்பது இதைத் தடுக்க உதவும். சருமம் எவ்வளவு வளைந்துகொடுக்கிறதோ, அந்த அளவுக்கு ஸ்ட்ரெட்ச் மார்க்ஸ் தோன்றுவதற்கான வாய்ப்புகள் குறைவு. எந்த எண்ணெயும் முழுமையாக ஸ்ட்ரெட்ச் மார்க் போக்க உதவாது, ஆனால் உங்கள் சருமத்தில் எண்ணெயைப் பயன்படுத்துவது இயற்கையான லிபிட் பேர்யரை நிரப்பி சருமத்தின் ஈரப்பதத்தைத் தக்கவைக்க உதவுகிறது. பாடி ஆயில்கள் ஸ்ட்ரெட்ச் மார்க்களை நீக்க உதவாவிட்டாலும், ஒட்டுமொத்த சரும ஆரோக்கியத்தைப் பராமரிக்க உதவும்.
சரியான மூலப் பொருட்கள் உள்ளதா என்று கவனியுங்கள்: அத்தியாவசிய கொழுப்பு அமிலங்கள் மற்றும் வைட்டமின்களின் வளமான மூலமான தாவர எண்ணெய்கள் ஸ்ட்ரெட்ச் மார்க் ஆயிலில் உள்ள முக்கியமான மூலப்பொருள் ஆகும். அவை சருமத்தின் நெகிழ்ச்சித்தன்மையை மேம்படுத்துதல் மற்றும் ஆக்ஸிஜனேற்றம், அழற்சி எதிர்ப்பு மற்றும் பாக்டீரியா எதிர்ப்புப் பண்புகள் ஆகியவற்றுடன் சருமத்திற்குப் பல வழிகளில் உதவிகரமாக உள்ளன. கர்ப்பமாக இல்லாதவர்களுக்கு, ரெட்டினோல் போன்ற மேற்பூச்சு வைட்டமின் ஏ டெரிவேடிவ்களை ஆராய்ச்சியாளர்கள் பரிந்துரைக்கின்றனர், இது சருமத்தின் தோற்றத்தை இறுக்கமாக்குவதால் ஸ்ட்ரெட்ச் மார்க்ஸ் தெரிவது குறைகிறது. வைட்டமின் ஏ புதிய கொலாஜனை உருவாக்க உதவுகிறது மற்றும் சருமத்தை புதுப்பிக்க உதவுகிறது. அவை நெகிழ்ச்சித்தன்மையை அதிகரிக்கவும், சரும அமைப்பு மற்றும் தொனியை அதிகரிக்கவும் உதவுகின்றன. வைட்டமின் இ, ஃப்ரீ ரேடிக்கல்களின் விளைவுகளிலிருந்து சருமத்தைப் பராமரித்து, சருமத்தின் மேல் அடுக்கின் ஈரப்பதத்தை அதிகரித்து மென்மையாகவும், மிருதுவாகவும், மிருதுவாகவும் மாற்றுகிறது.
நறுமணம் உள்ளது மற்றும் நறுமணம் அற்றது என இவ்விரண்டும் இடையே தேர்வுசெய்யுங்கள்: பொதுவாக நறுமணம் கொண்ட தாவர அடிப்படையிலான எண்ணெய்களைத் தேர்ந்தெடுக்கும்போது, உங்கள் விருப்பப்படி தேர்வு செய்வது நல்லது. பலருக்கு தாவர ஒவ்வாமை அல்லது உணர்திறன் வாய்ந்த சருமம் இருப்பதால், ஒவ்வாமை எதிர்விளைவுகளின் அபாயத்தைத் தவிர்க்க வாசனை இல்லாத தயாரிப்புகளை உபயோகிப்பது பரிந்துரைக்கப்படுகிறது.
இதையும் படிக்கலாமே! - கர்ப்ப காலத்தில் உதடுகள் வறண்டு போவதற்கான அறிகுறிகள் மற்றும் காரணங்கள்
Article continues below advertisment
கர்ப்ப காலத்தில் மற்றும் அதற்குப் பிறகு வயிற்றைச் சுற்றி அதிகப்படியான சருமம் இருப்பது இயல்பானது. வயது, உயரம், எடை, வாழ்க்கை முறை மற்றும் மரபணு காரணிகள் சருமத் தளர்வின் தீவிரத்தைப் பாதிக்கும் பல்வேறு காரணிகளாகும். ஆரோக்கியமான, சீரான உணவு மற்றும் மிதமான உடற்பயிற்சி பிரசவத்துக்குப் பிறகு தளர்வான சருமத்தைக் குறைக்க உதவும். தளர்வான சருமத்தின் தோற்றத்தை மேம்படுத்த பல்வேறு வைத்தியம் மற்றும் சப்ளிமெண்ட்கள் உள்ளன. இருப்பினும், இந்த தயாரிப்புகள் மற்றும் அவற்றின் செயல்திறனை ஆதரிக்கும் சான்றுகள் குறைவே.
Yes
No
Written by
Gajalakshmi Udayar
Get baby's diet chart, and growth tips
கர்ப்ப காலத்தில் ஈகோஸ்பிரின் மாத்திரையை எடுத்துக் கொள்வதால் ஏதேனும் பக்க விளைவுகள் ஏற்படுமா?| Are There Any Side Effects Of Taking Ecosprin In Pregnancy in Tamil
(2,614 Views)
30 நாட்களில் கர்ப்பம் உறுதி செய்ய முடியுமா?|Can pregnancy be confirmed in 30 days in Tamil
(28,114 Views)
ஐ.யூ.ஐ (IUI) (கருப்பைக்குள் விந்தணுவைச் செலுத்துதல்) என்பது வலி நிறைந்ததாக இருக்குமா? | Is IUI (Intra Uterine Insemination) Painful in Tamil
(1,135 Views)
பச்சிளங் குழந்தைகளுக்கு ஏற்படும் இருமல் மற்றும் சளிக்கான 10 வீட்டு வைத்தியங்கள்-10 Home Remedies For Cough And Cold In Toddlers in Tamil
(6,744 Views)
அண்டவிடுப்பின் காலம் - மிகவும் வளமான சாளரம், கர்ப்பத்திற்கான தடையைத் திறக்கவும் |Ovulation Period-The Most Fertile Window, Open the Roadblock to Pregnancy in Tamil
(1,654 Views)
பாலியல் உறவுக்குப் பிறகு கர்ப்பம் அடைவதை இயற்கையாக தவிர்ப்பது எப்படி| How To Avoid Pregnancy Naturally After Sex in Tamil
(3,742 Views)
Mylo wins Forbes D2C Disruptor award
Mylo wins The Economic Times Promising Brands 2022
At Mylo, we help young parents raise happy and healthy families with our innovative new-age solutions:
baby carrier | baby soap | baby wipes | stretch marks cream | baby cream | baby shampoo | baby massage oil | baby hair oil | stretch marks oil | baby body wash | baby powder | baby lotion | diaper rash cream | newborn diapers | teether | baby kajal | baby diapers | cloth diapers |