உதவி இனப்பெருக்கம் பற்றிய அனைத்தும் (ஏ.ஆர்.டி) (Defining Assisted Reproductive Technology (ART) In Tamil)

இனப்பெருக்க உதவி தொழில்நுட்பத்தை வரையறுத்தல் (ஏ.ஆர்.டி) (Defining Assisted Reproductive Technology (ART) In Tamil)

இனப்பெருக்க உதவி நுட்பங்கள் என்பது குழந்தைகளை கருத்தரிப்பதில் உள்ள சிரமம் அல்லது கருவுறாமைக்கு சிகிச்சையளிக்கப் பயன்படுத்தப்படும் கருவுறுதல் நடவடிக்கைகள் ஆகும். சிலர் கருவுறாமை பிரச்சினைகள் காரணமாக ஏ.ஆர்.டியைத் தேர்வு செய்கிறார்கள். மற்றவர்கள் மரபணு நிலைமைகள் காரணமாகவோ அல்லது சிக்கலான பிரக்னன்ஸிகளைத் தவிர்ப்பதற்காகவோ அவ்வாறு செய்யலாம். இந்த துறையில் சான்றளிக்கப்பட்ட நிபுணர் மட்டுமே மேற்கொள்ளக்கூடிய சிக்கலான சிகிச்சைகள் இவை.

இனப்பெருக்க உதவி தொழில்நுட்பத்தின் முக்கிய குறிக்கோள் முட்டைகள், விந்து அல்லது கருக்களை கையாளுவதன் மூலம் வெற்றிகரமான பிரக்னன்ஸி வாய்ப்புகளை அதிகரிப்பதாகும். ஏ.ஆர்.டி என்பது கர்ப்பமடைவதற்கும் ஆரோக்கியமான குழந்தைகளைப் பெறுவதற்கும் நன்கு ஆராய்ச்சி செய்யப்பட்ட, அங்கீகரிக்கப்பட்ட வழியாகும்.

இனப்பெருக்க உதவி தொழில்நுட்பங்கள் மனிதர்களுக்கு எவ்வாறு உதவுகின்றன(How Are Assisted Reproductive Technologies Helpful To Humans In Tamil)

சமீப காலங்களில் ஆண்கள் மற்றும் பெண்கள் இருவருக்கும் கருவுறாமை அதிகரித்து வருகிறது. இந்த பிரச்சினை பிராந்தியங்கள், மக்கள் தொகை மற்றும் பாலினத்தின் அனைத்து வரம்புகளையும் தாண்டியுள்ளது. நமது வாழ்க்கை முறை மாற்றங்கள் மற்றும் ஆரோக்கியமற்ற பழக்கவழக்கங்களை நோக்கி நகர்வது ஆகியவை மலட்டுத்தன்மை பிரச்சினையை நமக்கு அளித்துள்ளன.

மேலும், இனப்பெருக்கத்திற்கு உதவியை பயன்படுத்த வேண்டிய தேவை அதிகமாக உள்ளது. இதில் உள்ள பிற நன்மைகள் பெற்றோரிடமிருந்து குழந்தைக்கு தேவையற்ற மரபணு கண்டிஷன்கள் அல்லது குறைபாடுகளைத் தவிர்க்க உதவுவதும் அடங்கும்.

இனப்பெருக்க உதவி தொழில்நுட்பத்தின் வகைகள்(Types Of Assisted Reproductive Technology In Tamil) :

ஒரு குறிப்பிட்ட நபரின் தேவைகளுக்கு ஏற்ப பல்வேறு உதவி நுட்பங்கள் பயன்படுத்தப்படுகின்றன. ஒருவரின் கண்டிஷன் மற்றும் சூழ்நிலைகளுக்கு ஏற்ற பொருத்தமான திட்டத்தை வரைவது ஆரோக்கியமான பிரக்னன்ஸி மற்றும் பிரசவத்திற்கு வழிவகுக்கும் சிகிச்சையில் சிறப்பாக செயல்படும்.

1. இன்-விட்ரோ கருத்தரித்தல் (ஐ.வி.எஃப்)(In-vitro Fertilization (IVF))

இந்த செயல்முறையில் ஒரு மருத்துவர் கருப்பையில் இருந்து முட்டைகளைப் பிரித்தெடுத்து ஒரு சிறப்பு ஆய்வகத்தில் விந்தணுக்களுடன் இணைக்கிறார். சிறப்பு நுட்பங்களைப் பயன்படுத்தி முட்டை கருவுற்று ஒரு பெண்ணின் கருப்பைக்கு மாற்றப்படுகிறது. ஐ.வி.எஃப் நடைமுறையுடன் கருத்தரிக்க ஒன்றுக்கு மேற்பட்ட சோதனைகள் இருக்கலாம். இந்த இனப்பெருக்க உதவி நுட்பத்தின் சில தீமைகள் என்னவென்றால் அதிகமான பிரக்னன்ஸிகள், எக்டோபிக் கர்ப்பம் அல்லது கருப்பை ஹைப்பர்ஸ்டிமுலேஷன் சிண்ட்ரோம் போன்றவை ஆகும்.

2. இன்ட்ராஃபாலோபியன் பரிமாற்றம்(Intrafallopian Transfer)

இந்த நுட்பம் ஒரு பெண்ணின் ஃபலோபியன் குழாய்க்குள் கருமுட்டைகள், ஜைகோட்கள் அல்லது கருவுற்ற முட்டைகளை மாற்றுவதை உள்ளடக்கியது,

• காமெட் இன்ட்ராஃபாலோபியன் பரிமாற்றம் (ஜி.ஐ.எஃப்.டி) கருமுட்டைகள் மற்றும் விந்தணுக்கள் ஃபலோபியன் குழாயின் உள்ளே இயற்கையாக கருத்தரிப்பதற்காக வைக்கப்படுகின்றன. எந்த கருவை மாற்ற வேண்டும் என்பதை ஒரு நபர் தேர்வு செய்ய முடியாது.

• ஜைகோட் இன்ட்ராஃபாலோபியன் பரிமாற்றம் (இசட்.ஐ.எஃப்.டி ); இது ஐ.வி.எஃப் மற்றும் ஜி.ஐ.எஃப்.டி ஆகியவற்றின் கலவையாகும். கருவுற்ற முட்டைகள் அல்லது ஜைகோட்கள் ஃபலோபியன் குழாய்க்கு மாற்றப்படுகின்றன. இது சேதமடைந்த ஃபலோபியன் குழாய்களை சரிசெய்ய மற்றும் கடுமையான மலட்டுத்தன்மை பிரச்சினைகளுக்கு உதவுகிறது.

• புரோநியூக்ளியர் ஸ்டேஜ் டியூபல் பரிமாற்றம் (பி.ஆர்.ஓ.எஸ்.டி); இது இசட்.ஐ.எஃப்.டி- ஐ ஒத்திருக்கிறது, ஆனால் கருவுற்ற முட்டை அவை பிரியத் தொடங்குவதற்கு முன்பு அதை மாற்றுகிறது.

3. உறையவைக்கப்பட்ட கரு பரிமாற்றம்(Frozen Embryo Transfer)

முன்னர் கருவுற்ற உறைந்த கருக்கள் உறைவிலிருந்து மீட்கப்பட்டு பின்னர் கருப்பையில் வைக்கப்படுகின்றன. இந்த நுட்பம் வயதான தம்பதிகளுக்கு சாதாரண மற்றும் ஆரோக்கியமான குழந்தைகளைப் பெற உதவுகிறது. இந்த நுட்பத்தின் தீமை என்னவென்றால், அனைத்து உறைந்த கருக்களும் உயிர்வாழாது, மேலும் உயிர்வாழும் கருக்கள் குறைப்பிரசவம் நிகழ வழிவகுக்கலாம்.

இதையும் படிக்கலாமே! - கர்ப்பிணி பெண்கள் காய்ச்சலுக்கு எதிரான தடுப்பூசி செலுத்திக் கொள்ளலாமா?(Can pregnant women get the flu shot?In Tamil)

4. இன்ட்ராசைட்டோபிளாஸ்மிக் ஸ்பெர்ம் ஊசி (Intracytoplasmic Sperm Injection)

ஒரு கரு மருத்துவர் ஒரு சிறிய ஊசியைப் பயன்படுத்தி ஒரு விந்தணுவை ஒரு முட்டைக்குள் செலுத்துகிறார். கரு நிபுணர் செயல்முறையைத் தொடர்வதற்கு முன்பு ஒரு குறிப்பிட்ட விந்தணு மற்றும் முட்டையைத் தேர்வு செய்யலாம். இந்த இனப்பெருக்க உதவி நுட்பத்தின் வெற்றி விகிதம் ஒரு ஐ.வி.எஃப் போன்றது. இதில் உள்ள தீங்கு என்னவென்றால், இது ஐ.வி.எஃப் ஐ விட அதிக விலை உயர்ந்தது மற்றும் இந்த முறையில் முட்டைகளை சேதப்படுத்தக்கூடும். மேலும் குழந்தைக்கு பிறவி குறைபாடுகள் உருவாகலாம்.

5. மூன்றாம் தரப்பு ஏ.ஆர்.டி(Third-Party ART)

இந்த இனப்பெருக்க தொழில்நுட்பங்கள் ஆரோக்கியமான முட்டை அல்லது விந்தணுக்களை உற்பத்தி செய்ய முடியாத அல்லது முழு கால கர்ப்பத்தை சுமக்க முடியாத நபர்களுக்கு பயன்படுத்தப்படுகின்றன. வாடகைத்தாய்கள் அல்லது கர்ப்பகால கேரியர்கள் கர்ப்பத்தின் முழு காலத்திற்கும் ஒரு குழந்தையை வளர்க்க உதவுகின்றன. தம்பதியரைத் தவிர, பிற நபர்கள் கருத்தரிக்க உதவும் முட்டைகள் அல்லது விந்தணுக்களை தானம் செய்கிறார்கள். ஒரு தம்பதிக்கு மீண்டும் மீண்டும் ஐ.வி.எஃப் தோல்வியுறும் போது அல்லது ஆபத்தான மரபணு கண்டிஷன் இருக்கும்போது இந்த இனப்பெருக்க நுட்பம் அதிசயங்களைச் செய்கிறது. ஆனால் இந்த தொழில்நுட்பத்தில் செலவுகள் அதிகம்.

மேற்கூறிய அனைத்து இனப்பெருக்க உதவி நுட்பங்களும் அவற்றில் நன்மைகள் தீமைகள் இரண்டையும் கொண்டுள்ளன. ஏ.ஆர்.டி காரணமாக சில சிக்கல்களும் ஏற்படலாம். பலமுறை பிரக்னன்ஸி அடைவதால் அதிக சிரமத்தை ஏற்படுத்தும். ஆயினும்கூட, ஏதேனும் ஒரு முறை ஒரு நபருக்கு வேலை செய்யலாம். மற்றவை சமயங்களில் எந்த விளைவையும் காட்டாது. ஆரோக்கியமான பிரக்னன்ஸி மற்றும் பிறப்பு திட்டத்திற்கு தொழில்முறை வழிகாட்டுதல் தேவை.

6.முன்னேற்பாடு செய்தல்(Preparation)

ஏ.ஆர்.டி சிகிச்சைக்குத் தயாராவதற்கு ஒருவர் பின்பற்றக்கூடிய சரிபார்ப்பு பட்டியல் உள்ளது. அடிப்படைகளில் உணவு மாற்றங்கள், உடற்பயிற்சி மற்றும் ஆரோக்கியமான வாழ்க்கை முறையை பராமரித்தல் ஆகியவை அடங்கும். காஃபின், ஆல்கஹால் மற்றும் நிகோடின் ஆகியவற்றைக் குறைப்பது வெற்றிகரமான இனப்பெருக்க உதவி தொழில்நுட்ப தலையீட்டைக் கொண்டிருப்பதற்கான வாய்ப்புகளை மேம்படுத்துகிறது. பரிந்துரைக்கப்பட்ட கூடுதல் மருந்துகளை உட்கொள்வது மற்றும் ஒரு நிபுணரின் திட்டத்தைப் பின்பற்றுவது இனப்பெருக்க உதவி தொழில்நுட்பங்களிலிருந்து பயனடைய சிறந்த வாய்ப்பை வழங்குகிறது.

முடிவில்

இனப்பெருக்க உதவி தொழில்நுட்பங்கள் என்பது குழந்தைகளைப் பெறுவதற்கான நுட்பங்கள் ஆகும். மலட்டுத்தன்மை அல்லது தீங்கு விளைவிக்கும் மரபணு கண்டிஷன்களால் பாதிக்கப்பட்ட நபர்கள் மற்றும் தம்பதிகள் சிறப்பு இனப்பெருக்க முறைகள் மூலம் குழந்தைகளைப் பெற ஏ.ஆர்.டி அனுமதிக்கிறது. இன்-விட்ரோ கருத்தரித்தல், இன்ட்ராஃபாலோபியன் பரிமாற்றம், மூன்றாம் தரப்பு நுட்பங்கள் போன்றவை பரவலாகப் பயன்படுத்தப்படும் ஏஆர்டிகளில் சில. இனப்பெருக்க தொழில்நுட்பங்களை வெற்றிகரமாக செயல்படுத்துவதற்கு பிரக்னன்ஸி மற்றும் பிரசவத்தின் முன்னேற்பாடுகள், செயல்முறை மற்றும் விளைவுக்கு பொறுப்பான ஒரு பல்துறை குழு தேவைப்படுகிறது. செலவுகள், நன்மைகள் மற்றும் அபாயங்களை மனதில் கொண்டு, தனிப்பட்ட வரலாறுகள் மற்றும் விருப்பங்களுக்கு ஏற்ப சிகிச்சை திட்டங்கள் பட்டியலிடப்படுகின்றன.

நெட்வொர்க்கிங் மூலம் இனப்பெருக்க உதவி தொழில்நுட்பங்கள் பற்றி அறிந்துகொள்வது, கட்டுரைகள் மற்றும் புத்தகங்களைப் படிப்பது, மைலோ ஸ்டோரிலிருந்து பொருத்தமான தயாரிப்புகளைப் பயன்படுத்துவது மற்றும் சுகாதார வசதிகளைப் பார்வையிடுவது ஆகியவற்றின் மூலம் தகவலறிந்த முடிவை எடுக்க உதவும்.

Tags :

Assisted Reproduction in tamil, ART in tamil, Things you need to know about Assisted Reproduction in tamil, what is Assisted Reproduction in tamil, what are positive aspects of Assisted Reproduction in tamil, Benefits of Assisted Reproduction in tamil, types of ART in tamil