உங்கள் குழந்தைக்கு மர கட்டிலைத் தேர்ந்தெடுக்கும் போது என்னென்ன விஷயங்களை கவனத்தில் கொள்ள வேண்டும்.

உங்கள் குழந்தை இன்னும் சில வருடங்களுக்கு தன்னுடைய நாட்களை இந்த கட்டிலில் தான் கழிக்கப்போகிறார். எனவே, அதில் செய்யப்போகும் முதலீடு மதிப்புள்ளதாக இருப்பதோடு நீண்ட காலத்திற்கு உழைக்கக்கூடியதா என்று அதன் தரத்தை உறுதி செய்து கொள்ளுங்கள்.

சில பெற்றோர்கள் வீட்டில் இடத்தை சேமிக்க பெரிய கட்டிலை வாங்குவதற்கு பதில் சிறிய பேபி கட்டிலைத் தேர்ந்தெடுப்பார்கள். ஆனால், அவ்வாறு செய்தால் பின் நாட்களில் குழந்தை சிறிது வளர்ந்த பிறகு மீண்டும் புது கட்டிலுக்கு முதலீடு செய்ய வேண்டியிருக்கும்.

குழந்தைகளுக்காக தயாரிக்கப்பட்ட பேபி கட்டில்களின் முக்கிய நோக்கம் என்னவென்றால் தாய் குழந்தையோடு படுக்கையை பகிந்துகொள்வதை தவிர்ப்பதும், குழந்தை மீது உருண்டு விடாமல் இருப்பதே ஆகும். பொதுவாக வண்ணம் பூசப்பட்ட கட்டிலே அதிகம் விரும்பப்படுகிறது. ஆனால், அவை ஈயம் கலந்த பெயிண்ட்கள் அடிக்கப்பட்டவைகளாகும். இது பின்னாட்களில் நமக்கே தீங்கை விளைவிக்கும். எனவே மரக்கட்டில்களுக்கே நாம் முன்னுரிமை அளிக்க வேண்டும்.

குழந்தைக்கான பேபி கட்டிலைத் தேர்ந்தெடுக்கும்போது நாம் கவனிக்க வேண்டிய விஷயங்கள்

குழந்தைகளுக்குரிய பாதுகாப்பான பேபி கட்டிலைத் தேர்ந்தெடுக்கும்போது பெற்றோர்கள் கவனிக்க வேண்டிய சில குறிப்பிட்ட விஷயங்கள் இங்கே உள்ளது:

1. மெத்தை மற்றும் பேபி கட்டிலின் விளிம்பிற்கு இடையில் எந்த இடைவெளியும் இருக்கக்கூடாது என்பதால் மெத்தையின் அளவு மிக முக்கியம் ஆகும். எனவே, பேபி கட்டிலுடன் வரும் மெத்தையை மட்டுமே பயன்படுத்த வேண்டும், ஒருபோதும் வேறு ஏதேனும் மெத்தையைப் பயன்படுத்த வேண்டாம்.

2.மெத்தை குழந்தையின் எடை காரணமாக தொய்வடையக்கூடாது மற்றும் குழந்தையின் எடையைத் தாங்கும் அளவுக்கு உறுதியாக இருக்க வேண்டும். பக்கவாட்டில் இடைவெளிகள் இல்லாமல் கட்டிலின் ஒவ்வொரு மூலையிலும் சரியாக பொருந்தியிருக்க வேண்டும்.

3.மெத்தைக்கு மேலே சுமார் 26 இன்ச் உயரத்தில் கட்டில் பக்கவாட்டு தடுப்புகளுடன் உள்ள பேபி கட்டிலைத் தேர்ந்தெடுங்கள். உங்கள் குழந்தை வளரும் போது மெத்தையின் உயரம் குறைவாக இருக்க வேண்டும்.

4.நீங்கள் கட்டிலை சிறிது அசைத்து பார்க்கும்போது அது ஆடாமல் உறுதியாக இருப்பதை உறுதிப்படுத்திக் கொள்ளுங்கள். ஏனெனில், குழந்தை விளையாட்டு ஆர்வத்தில் கட்டிலை ஆட்டும்போது அது சாயாமல் உறுதியாக இருக்க வேண்டும். அவ்வாறு சாய்ந்தால் அது ஒன்றோடு ஒன்று சரியாக பொருத்தப்படாமல் இருக்கலாம்.

5.பேபி கட்டிலில் வெளியே தெரியும்படி நீட்டிக் கொண்டிருக்கும் ஆணிகள், ஸ்க்ரூக்கள் அல்லது பசை ஏதேனும் இருக்கிறதா என்று சோதித்து பாருங்கள். கட்டிலில் வண்ணம் தீட்டப்பட்டிருந்தால், அதில் பெயிண்ட் உரிந்திருப்பது அல்லது எந்த கீறல்களும் இருக்கக்கூடாது.

6. பெரிய அளவிலான கட்-அவுட்டுகள் எதுவும் இல்லாத ஒரு பேபி கட்டிலைத் தேர்ந்தெடுங்கள், ஏனெனில் உங்கள் குழந்தையின் தலை அல்லது கால்கள் அதில் சிக்கிக் கொள்ளலாம்.

7.அனைத்து ஸ்க்ரூக்கள், போல்ட்கள், நட்கள் மற்றும் பிற ஹார்டுவேர் பொருட்களை ஒரு பெட்டியில் போட்டு வைத்துக்கொள்ளுங்கள், அதோடு ஒரிஜினல் உபகரணங்கள் மட்டுமே பயன்படுத்தப்பட வேண்டும், ஆன்லைனில் கிடைக்கும் மலிவான மாற்றுப்பொருட்களைத் தேர்ந்தெடுக்க வேண்டாம்.

கவனத்தில் கொள்ள வேண்டிய பிற அத்தியாவசிய விஷயங்கள்

பாதுகாப்பு: குழந்தைக்கான பேபி கட்டிலை தேர்ந்தெடுக்கும்போது அதன் பாதுகாப்பு விஷயத்தில் கவனமாக இருங்கள். மெத்தைக்கு மேலிருந்து கட்டில் மேற்பகுதி வரையுள்ள தூரம் குறைந்தது 50 செ.மீ ஆக இருக்க வேண்டும். யாரும் இல்லாத போது குழந்தை கட்டிலில் இருந்து வெளியே வர, கட்டில் மீது ஏறுவதற்கு வசதியாக எந்த பிடிமானமும் இருக்கக்கூடாது.

இதையும் படிக்கலாமே! - உங்கள் குழந்தை புரள ஆரம்பிக்கும் போது நீங்கள் செய்ய வேண்டிய விஷயங்கள்

• சிக்கிக்கொள்ளுதல்

கட்டிலுக்கு இடையில் உள்ள எந்த பெரிய இடைவெளியும் இல்லாமல் பார்த்துக்கொள்ளுங்கள். ஏனெனில், உங்கள் குழந்தை இடையில் சிக்கிக் கொள்ளவோ அல்லது இடைவெளியிலிருந்து கீழே விழவோ செய்யலாம், அதே நேரத்தில் கட்டிலில் இருக்கும் சிறிய துளைகளில் குழந்தையின் சிறிய கைகால்கள் மாட்டிக்கொள்ளக்கூடும்.

• பயன்படுத்த எளிதாக இருத்தல்

இது ஒரு பெரிய தலைவலியாக மாறும் என்பதால் இது மிகவும் முக்கியமானது, குறிப்பாக இது தூக்கத்தைக் கெடுக்கக்கூடியதாக மாறிவிடும். பெரியவர்களால் எளிதில் கையாளக்கூடியதாக இருக்க வேண்டும், இதனால் நீங்கள் அதை ஒற்றை கையால் இயக்க முடியும்.