ஆட்டிசம் ஸ்பெக்ட்ரம் கோளாறு: அறிகுறிகள், ஆபத்துக்கள் & சிகிச்சைகள்

ஆட்டிசம் ஸ்பெக்ட்ரம் கோளாறு என்பது ஒரு மருத்துவ நிலை இது பொதுவாக இளம் வயதிலேயே தொடங்குகிறது. இது ஒரு நபர் சமூகத்துடன் எப்படி தொடர்பு கொள்கிறார் மற்றும் எப்படி பழகுகிறார் என்பதைத் தீவிரமாக பாதிக்கும் ஒரு மன நிலையாகும். மக்களுடன் தொடர்புகொள்வது மற்றும் தொடர்புகொள்வதில் சிரமம் போன்ற ஆட்டிசத்திற்கான பல அறிகுறிகள் உள்ளன. இருந்தாலும், ஆட்டிசத்திற்கான சரியான அறிகுறிகளை அடையாளம் காண்பதற்கு, ஆட்டிசம் என்றால் என்ன, அது அவர்களுடைய குழந்தையை எவ்வாறு பாதிக்கலாம் என்பதைப் புரிந்து கொள்ள வேண்டும்.

ஆட்டிசம் ஸ்பெக்ட்ரம் கோளாறு என்றால் என்ன?

ஆட்டிசம் ஸ்பெக்ட்ரம் கோளாறு (ஏஎஸ்டி) அல்லது ஆட்டிசம் என்பது நரம்பியல் வளர்ச்சி நிலைகளுக்கான குழுவை வரையறுக்கப் பயன்படுத்தப்படும் ஒரு குடைச் சொல்லாகும். இந்நிலையால் பாதிக்கப்பட்டவர்கள் அவர்களுடைய நடவடிக்கையை அடிக்கடி திரும்பத் திரும்பச் செய்வார்கள். இந்த நிலையானது பெண் குழந்தைகளை விட ஆண் குழந்தைகளில் அதிகம் காணப்படுகிறது. ஆட்டிசம் என்பதற்கான சரியான அர்த்தத்தையும், அது ஏன் ஏற்படுகிறது என்பதற்கான சரியான காரணத்தையும் மருத்துவர்கள் வரையறுப்பது கடினம், ஆட்டிசத்தை முற்றிலும் குணப்படுத்தக்கூடிய சிகிச்சை எதுவும் இல்லை. இருந்தாலும், சில சிகிச்சைகள் மற்றும் செயல்முறைகளானது குழந்தையின் நிலையை மேம்படுத்த உதவும், ஆனால் இதை முழுமையாக குணப்படுத்த முடியாது.

ஆட்டிசம் ஸ்பெக்ட்ரமின் அறிகுறிகள் & அடையாளங்கள்

ஆட்டிசத்திற்கான சில பொதுவான அறிகுறிகள் மற்றும் அடையாளங்கள் பின்வருமாறு கொடுக்கப்பட்டுள்ளன: -

• ஆட்டிசம் இருப்பவரின் சமூகத் தொடர்பு திறன் ஆனது, அவருடைய வயதை ஒத்த மற்றவர்களுக்கு இருக்கும் சமூக தொடர்பு திறனைப் போல இருக்காது

• ஏஎஸ்டி இருப்பவர்கள் தங்களுடைய நடவடிக்கைகளையும் மற்றும் தங்களுக்குப் பிடித்ததையும் திரும்பத் திரும்பச் செய்வார்கள், இது பொதுவானது கிடையாது.

• அவர்களுடைய மொழித்திறன் பிற்காலத்தில் மற்றவர்களை விட அதிகமாக இருக்கும்

• ஏஎஸ்டி இருக்கும் சிலருக்கு வலிப்பு நோய் ஏற்படலாம்.

• ஒழுங்கில்லாத தூக்கம் மற்றும் ஒழுங்கில்லாமல் உணவு சாப்பிடும் நேரம் இருக்கும்.

  Article continues below advertisment

• அதிகப்படியான அல்லது குறைவான பயம் இருக்கும்

• அசாதாரணமான மனநிலை

• இயற்கைக்கு மீறிய சுறுசுறுப்பு மற்றும் உணர்ச்சிவசப்படுதல்

• செரிமானம் தொடர்பான பிரச்சனைகள்

• அறிவாற்றல், சிந்தனை போன்றவற்றில் தாமதமான வளர்ச்சி

  Article continues below advertisment

ஆட்டிசம் ஸ்பெக்ட்ரம் கோளாறுக்கான காரணங்களைக் கண்டறிதல் மற்றும் ஆய்வு செய்தல்

இதற்கு இரத்தம் அல்லது உடல் பரிசோதனைகள் எதுவும் இல்லாததால் ஏஎஸ்டி நோய்க்கான காரணத்தைக் கண்டறிவது மற்ற மருத்துவ நிலைகளிலிருந்து சற்று வித்தியாசமானது. இருந்தாலும், குழந்தையின் ஒரு சில வளர்ச்சி பண்புகளை மருத்துவர் கவனிப்பார். குழந்தைக்கு ஆட்டிசம் உள்ளதா என்பதைத் தெரிந்து கொள்வதற்கு மருத்துவ நிபுணர் பின்வரும் சோதனைகளைச் செய்கிறார்.

• மற்றவர்களுடன் பழகும் போது ஆட்டிசம் பாதித்த குழந்தை நன்றாகப் பழகுகிறதா, அவர்களின் தகவல் தொடர்பு திறன் எப்படி இருக்கிறது என்பதை அவர்கள் சரிபார்க்கிறார்கள்.

• குழந்தையின் பேச்சுத்திறன், மொழி, நடத்தை மற்றும் வளர்ச்சி நிலைகளை மதிப்பிடுவதற்கான சோதனைகள் கொடுக்கப்படுகின்றன.

• மருத்துவ வல்லுநர்கள் குழந்தைக்கு ஒரு கட்டமைக்கப்பட்ட சமூக தொடர்புகளை வழங்குகிறார்கள் மற்றும் அவர்களின் செயல்திறனைக் குறித்துக் கொள்கிறார்கள்..

• மனநலக் கோளாறுகளுக்கான நோயறிதல் மற்றும் புள்ளியியல் கையேட்டில் (டிஎஸ்எம்-5) குறிப்பிடப்பட்டுள்ள அளவுகோல்களின் அடிப்படையில் ஒரு குழந்தை அல்லது நபரின் செயல்திறனை அவர்கள் தீர்மானிக்கிறார்கள்.

  Article continues below advertisment

• குழந்தைக்கு இந்த நிலையை ஏற்படுத்தக்கூடிய ரெட் சிண்ட்ரோம் போன்ற சில மரபணு கோளாறுகள் இருக்கிறதா என்பதைச் சரிபார்ப்பதற்கு மருத்துவர் ஒரு சில மரபணு சோதனைகளையும் மேற்கொள்ளலாம்.

ஆட்டிசம் ஸ்பெக்ட்ரம் கோளாறு சேவைகளுக்கான குறுக்கீடு மற்றும் சிகிச்சை

ஏஎஸ்டி-யின் முக்கிய சிக்கல்களை தீர்க்கக்கூடிய முக்கிய தலையீடுகளை அடையாளம் காண்பதில் தற்போது கணிசமான அளவில் முன்னேற்றம் ஏற்பட்டுள்ளது. இருந்தாலும், ஏஎஸ்டி இருக்கும் ஒருவருக்கு பயனளிக்கும் வகையில் சரியான தலையீடுகளை அடையாளம் காண்பது மிகவும் கடினமாக இருக்கலாம்.

அறிவாற்றல் சிகிச்சைகள் ஆனது ஆட்டிசத்தால் பாதிக்கப்பட்டவர்களுக்கு அவர்களின் சமூகப் பற்றாக்குறையைக் குறைப்பதற்கு உதவுகின்றன. பயன்பாட்டு நடத்தை பகுப்பாய்வு முறைகள் மற்றும் சமூக திறன் குழுக்கள் போன்றவை ஏஎஸ்டி-யால் பாதிக்கப்பட்டவர்களின் விஷயங்களை எளிதாக்கும்.

பெரியவர்கள் மற்றும் டீனேஜர்களிடையே ஏற்படும் ஆட்டிசம் ஸ்பெக்ட்ரம் கோளாறு

ஏஎஸ்டி-ஐக் கொண்ட பெரியவர்களுக்கு, அவர்களுடைய குழந்தைப் பருவமும், டீனேஜ் பருவமும் மிகவும் கடினமாக இருந்திருக்கும். ஏஎஸ்டி இருக்கும் பெரும்பாலான டீனேஜர்களுக்கு அவர்களுடைய நடவடிக்கையினால் அவர்களுக்கு நண்பர்கள் இருப்பதற்கான வாய்ப்பு மிகவும் குறைவாகவே இருந்திருக்கும். ஏஎஸ்டி இருக்கும் டீனேஜர்கள் சரியாகப் படிக்காத காரணத்தினால் அவர்களுக்கு வேலையின்மைக்கான விகிதமானது அதிகமாக உள்ளது.

மேலும், அவர்கள் தங்களுடைய இளமைப் பருவம் முழுவதையும் தங்களுடைய குடும்ப உறுப்பினருடனேயே கழிக்கின்றனர். இந்த நிலையில் பாதிக்கப்பட்ட சில டீனேஜர்கள் அவர்களுடைய உடல்நிலையில் மாற்றத்தைக் கண்டுள்ளனர் மேலும் பல சுகாதார நிலைமைகளை எதிர்கொண்டுள்ளார்கள், இதனால் அவர்கள் சமூகத்தில் பங்கேற்கும் திறனானது பாதிக்கப்படுகிறது.

நடத்தை முறைகள்

சிறுவர்கள் அல்லது சிறுமிகளிடையே ஆட்டிசத்திற்கான அறிகுறிகளை உறுதிப்படுத்திய பிறகு மருத்துவர்கள் பயன்படுத்தும் ஒரு பிரபலமான முறை பயன்பாட்டு நடத்தை பகுப்பாய்வு முறையாகும். இது அந்த நபருக்கான விருப்பமான நடத்தைகளை ஊக்குவிக்கும் ஒரு முறையாகும். அதே சமயத்தில், ஏஎஸ்டி இருக்கும் நபரின் சமூக திறன்களை மேம்படுத்துவதற்கு அவருக்குப் பிடிக்காத நடத்தையை செய்வதற்கும் ஊக்கமளிக்கப்படுகிறது. வெவ்வேறு சோதனைக்கான பயிற்சி மற்றும் முக்கிய பதில் பயிற்சி போன்றவை நடத்தை சிகிச்சைக்கு மிகவும் பயனுள்ள இரண்டு பாணிகளாகும்.

ஆபத்திற்கான காரணிகள்

குழந்தைகளிடையே ஆட்டத்திற்கான அறிகுறிகளை ஏற்படுத்தக்கூடிய சில ஆபத்தான காரணிகள் -

• ஏஎஸ்டி-ஆல் பாதிக்கப்பட்ட உடன்பிறப்புகள்

• குடல் வீக்கம் அல்லது பலவீனமான எக்ஸ் (X) நோய்க்குறி

• பிறக்கும் போதே சிக்கல்களைக் கொண்டிருக்கும் குழந்தைகள்

  Article continues below advertisment

• வயதான பெற்றோரைக் கொண்டிருப்பது

சாதாரணமாக வளரும் குழந்தைகளிடமிருந்து ஆட்டிசத்தால் பாதிக்கப்பட்டிருக்கும் குழந்தையை எப்படி வேறுபடுத்துவது

குழந்தை பருவ ஆட்டிசத்தின் மிக முக்கியமான அறிகுறிகளில் ஒன்று, குழந்தை தன்னிச்சையாக இருப்பதற்கான மற்றும் செயல்படுவதற்கான வாய்ப்புகள் குறைவு மேலும் அவர்கள் ஒரு சில விஷயங்களை அடிக்கடி சுட்டிக்காட்டமாட்டார்கள். ஆட்டிசத்தால் பாதிக்கப்பட்ட குழந்தை தன்னுடைய சுற்றுப்புறத்தைப் பற்றி எந்தவொரு ஆர்வமும் இல்லாமல் இருக்கும். மேலும், தன் வயதை ஒத்த குழந்தைகள் சரளமாக உச்சரிக்கக்கூடிய வார்த்தைகளை உச்சரிப்பது இவர்களுக்கு மிகவும் கடினமாக இருக்கும்.

இதையும் படிக்கலாமே! - குழந்தைகளுக்கு ஏற்படும் தொப்புள் குடலிறக்கம் - ஒரு பார்வை

எப்போதெல்லாம் ஏஎஸ்டி ஏற்படுகிறது

சிடிசி-இன் ஆட்டிசம் மற்றும் வளர்ச்சி குறைபாடுகள் கண்காணிப்பு (ஏடிடிஎம்) நெட்வொர்க்கின் தரவுகளின்படி, நாற்பத்து நான்கு குழந்தைகளில் ஒரு குழந்தைக்கு ஏஎஸ்டி இருப்பது கண்டறியப்பட்டுள்ளது.

ஆட்டிசம் பற்றி ஒரு நபர் தெரிந்து கொள்ள வேண்டிய அனைத்தும் இங்கு கொடுக்கப்பட்டுள்ளது. மேலும், உங்கள் குழந்தையிடம் அல்லது நெருங்கிய நண்பர் அல்லது உறவினரிடம் மேலே குறிப்பிட்டுள்ள அறிகுறிகளில் ஏதேனும் ஒன்றைக் கண்டால், உடனடியாக ஒரு சுகாதார நிபுணரைச் சந்திப்பது அவசியமாகும்.