லேப்ராஸ்கோபிக் மகப்பேறு அறுவை சிகிச்சை

லேப்ராஸ்கோபிக் மகப்பேறு அறுவை சிகிச்சை என்றால் என்ன?

லேப்ராஸ்கோபிக் மகப்பேறு அறுவை சிகிச்சை என்பது ஒரு மருத்துவ செயல்முறையாகும். இதில் இடுப்புப் பகுதியை ஆய்வு செய்ய லேப்ராஸ்கோப் (கேமராவுடன் கூடிய மெல்லிய குழாய்) பயன்படுத்தப்படுகிறது. இது அந்தப் பகுதியில் உள்ள குறைபாடுகள் அல்லது தேவையற்ற வளர்ச்சிகளைக் கண்டறிய மருத்துவருக்கு உதவுகிறது. கருப்பை நீர்க்கட்டி அகற்றுதல், லேப்ராஸ்கோபி மூலம் கருப்பை அகற்றுதல் (கருப்பையெடுப்பு) அல்லது மாற்றிடக் கருத்தரிப்பு போன்ற பெரிய அறுவை சிகிச்சைகளைச் செய்வதில் மருத்துவர்களுக்கு உதவவும் இம்முறையானது பயன்படுகிறது. லேப்ராஸ்கோபிக் மகப்பேறு அறுவை சிகிச்சை என்பது திறப்பு அறுவை சிகிச்சைக்கு பாதுகாப்பான மாற்றாகவும் உள்ளது.

இது ஏன் செய்யப்படுகிறது?

லேப்ராஸ்கோபிக் மகப்பேறு அறுவை சிகிச்சை என்பது பின்வரும் பிரச்சனைகளைக் கண்டறிய உதவுகிறது.

• எண்டோமெட்ரியோசிஸ்

  Article continues below advertisment

• கருப்பை கட்டிகள் அல்லது நீர்கட்டிகள்

• சதைக்கட்டிகள்

• இடுப்பு தழும்பிழைமம்

• இடுப்பு அழற்சி நோய்

• இடுப்பு சலம்

  Article continues below advertisment

• மாற்றிடக் கருத்தரிப்பு

• கருப்பை புற்றுநோய்

• இடுப்பு இறக்கம்

லேப்ராஸ்கோபிக் மகப்பேறு அறுவை சிகிச்சை என்பது பின்வரும் பிரச்சினைகளுக்கு சிகிச்சையளிக்க பயன்படுகிறது.

• கர்ப்பப்பை நீக்கம்

  Article continues below advertisment

• லேப்ராஸ்கோபி மூலம் கருப்பை அகற்றுதல் (கருப்பையெடுப்பு)

• சதைக்கட்டிகள் அகற்றுதல்

• கருத்தடுப்பு சிகிச்சை (கருத்தரிப்பைத் தடுக்கும் கருக்குழாய் அடைப்பு)

• மாற்றிடக் கருத்தரிப்பை அகற்றுதல்

• சிறுநீர் அடக்கவியலாமை

  Article continues below advertisment

• கருப்பை இறக்கம்

செயல்முறைக்குத் தயாராகுதல்

பிரச்சனையைக் கண்டறிய லேப்ராஸ்கோபிக் மகப்பேறு மருத்துவர் இமேஜிங் சோதனைகளை உங்களுக்கு பரிந்துரைப்பார். இதன் போது ஒருவர் தனது மருத்துவ வரலாற்றைப் பற்றியும், அவர் எடுத்து வரும் மருந்துகளைப் பற்றியும் மருத்துவரிடம் பேச வேண்டும். செயல்முறை செய்வதற்கு சில நாட்களுக்கு முன்பு அந்த மருந்துகளை எடுத்துக்கொள்வதை நிறுத்துமாறு மருத்துவர் அறிவுறுத்தலாம். லேப்ராஸ்கோபிக் மகப்பேறு அறுவை சிகிச்சையானது ஒரு மருத்துவ சிக்கலைக் கண்டறிய 30 முதல் 60 நிமிடங்கள் எடுத்துக்கொள்ளும். மேலும், ஒரு சில நிலைமைகளுக்கு சிகிச்சையளிக்க கூடுதல் நேரம் ஆகலாம்.

செயல்முறையின்போது

இந்த செயல்முறையின் போது ஒரு நபர் வலியை உணராமல் இருக்க மருத்துவர் அவருக்கு மயக்க மருந்துகளை வழங்குவார். செயல்முறையின் போது உறுப்புகளின் சேதத்தைத் தடுக்க கார்பன் டை ஆக்சைடு வாயு கொண்ட ஒரு சிறிய ஊசி அடிவயிற்றில் செருகப்படுகிறது.

தொப்புளில் ஒரு சிறிய கீறல் போடப்பட்டு லேப்ராஸ்கோப் செருகப்படுகிறது. தெளிவான படங்கள் திரையில் காட்டப்படும். இது குறைபாடுகளைச் சரிபார்த்து, என்ன பிரச்சனை என்பதைக் கண்டறிய மருத்துவரை அனுமதிக்கிறது. அதுவே கருப்பையின் லேப்ராஸ்கோபி செய்யப்பட்டால், பல வெட்டுக்கள் செய்யப்படுகின்றன. மேலும் இந்த வெட்டுக்கள் உதவியுடன் மற்ற கருவிகள் செருகப்படுகின்றன. அறுவை சிகிச்சை நிபுணர் லேப்ராஸ்கோப்பின் வழிகாட்டுதலின் கீழ் இச்செயல்முறையை செய்வார்.

செயல்முறை முடிந்ததும், அனைத்து கருவிகளும் அகற்றப்படும். கீறல்கள் சுத்தம் செய்யப்பட்டு, தைக்கப்பட்டு, ஒழுங்காக கட்டப்படுகின்றன. மயக்க மருந்தின் விளைவுகள் தணிந்த பின் அந்த நபர் மீட்பு அறைக்கு மாற்றப்படுகிறார்.

செயல்முறைக்கு பின்

செவிலியர்கள் முக்கிய அறிகுறிகள் ஏதேனும் தென்படுகிறதா என்பதை கண்காணிப்பர். மேலும் மயக்க மருந்தின் விளைவுகள் தணிந்து போகும் வரை காத்திருப்பார்கள். செயல்முறையின் வகையைப் பொறுத்து, நோயாளி அதே நாளில் அல்லது சில நாட்களுக்குப் பிறகு மருத்துவமனையில் இருந்து வீட்டிற்குச் செல்லலாம். இந்த செயல்முறையில் தொப்புளில் புண் மற்றும் காயங்கள் ஏற்படுவது வழக்கம். லேப்ராஸ்கோபிக் மகப்பேறு மருத்துவர் நோயாளியை வீட்டிற்கு அனுப்புவதற்கு முன் சில வழிமுறைகளை பின்பற்றும்படி அறிவுறுத்துவார். இந்த வழிமுறைகளுடன், நோய்த்தொற்றின் அபாயத்தைக் குறைக்க வலி மருந்துகள் மற்றும் நுண்ணுயிர் எதிர்ப்பிகளையும் மருத்துவர் பரிந்துரைப்பார். அந்த நபர் சில வாரங்கள் அல்லது ஒரு மாதத்தில் தனது அன்றாட வேளைகளில் ஈடுபடலாம்.

கருப்பையை அகற்றிய பின் என்ன ஆகும்?

கருப்பை லேப்ராஸ்கோபிக் அறுவை சிகிச்சை என்பது ஒரு மருத்துவ செயல்முறையாகும். இதில் கருப்பையை அகற்றுவதற்கு லேப்ராஸ்கோப் பயன்படுத்தப்படுகிறது. லேப்ராஸ்கோபி மகப்பேறு மருத்துவர் மீதமுள்ள அறுவை சிகிச்சையை முடித்து, பெண்ணுறுப்பு வழியாக கருப்பையை அகற்றுகிறார்.

கருப்பை லேப்ராஸ்கோபியின் பயன்கள்

திறந்த அறுவை சிகிச்சையுடன் ஒப்பிடுகையில், லேப்ராஸ்கோபி மூலமாக கருப்பையை அகற்றுவது பின்வரும் நன்மைகளைக் கொண்டுள்ளது.

• குறைந்த வலி

• குறைந்தபட்ச இரத்த இழப்பு

  Article continues below advertisment

• மருத்துவமனையில் குறைவான நாட்கள் தங்குதல்

• விரைவாக குணமடைதல்

• தொற்று ஏற்படுவதற்கான குறைவான வாய்ப்பு

லேப்ராஸ்கோபிக் அறுவை சிகிச்சை பாதுகாப்பானதா?

திறந்த அறுவை சிகிச்சையுடன் ஒப்பிடும்போது கருப்பை அல்லது வேறு எந்த மருத்துவ நிலைக்கும் லேப்ராஸ்கோபிக் அறுவை சிகிச்சை பாதுகாப்பான மற்றும் பயனுள்ள மாற்றாகக் கருதப்படுகிறது. சிகிச்சை மேற்கொள்வதற்கு முன், இந்த செயல்முறையின் ஆபத்து மற்றும் நன்மைகளைப் புரிந்து கொள்ள லேப்ராஸ்கோபிக்கான சிறப்பு மகப்பேறு மருத்துவரை சந்திக்கவும்.

அபாயங்கள்/சிக்கல்கள்

பின்வரும் காரணிகள் லேப்ராஸ்கோபிக் மகப்பேறு அறுவை சிகிச்சைக்குப் பிறகு ஒருவருக்கு மேலும் சிக்கல்கள் ஏற்படுவதை அதிகரிக்கலாம்.

• உடற்பருமன்

• நாள்பட்ட குடல் கழிவு நோய்

• இடுப்புத் தொற்று

• தீவிர எண்டோமெட்ரியோசிஸ்

  Article continues below advertisment

• இதய அறுவை சிகிச்சை

• அடிவயிற்று அறுவை சிகிச்சை

• நுரையீரல் நோய்

• இதய நோய்

• குறைந்தஎடை

  Article continues below advertisment

• முதுமை

லேப்ராஸ்கோபிக் மகப்பேறு அறுவை சிகிச்சைக்குப் பிறகு ஒரு நபர் பின்வரும் சிக்கல்களை எதிர்கொள்ளலாம்.

• ஒவ்வாமை

• நரம்பு சேதம்

• இரத்த உறைவு

  Article continues below advertisment

• சிறுநீர் கழிப்பதில் சிரமம்

• கருப்பை அல்லது அருகில் உள்ள இடுப்பு பகுதிகளில் சேதம்

• இரத்தப்போக்கு

• வலி

• கன்றிப்புகள்

• குமட்டல்

• புண்

• சோர்வு

• தோற்பட்டை வலி

• குடலிறக்கம்

• நோய்த்தொற்று

மருத்துவரை எப்போது சந்திக்க வேண்டும்

ஒரு நபர் கருப்பை லேப்ராஸ்கோப்பி அறுவை சிகிச்சை செய்துகொண்ட நீண்ட நாட்களுக்கு பிறகும் பின்வரும் அறிகுறிகளை அனுபவித்தால் உடனடியாக மருத்துவரை அணுக வேண்டும்.

• அதிக காய்ச்சல்

• இரத்தப்போக்கு

• அறுவை சிகிச்சை செய்யப்பட்ட இடத்தில் நோய்த்தொற்று

• அடிவயிற்றில் தாங்க முடியாத வலி

• வாந்தி மற்றும் குமட்டல்

• சிவத்தல்

• வீக்கம்

• மூச்சு விடுவதில் சிரமம்

• அதிகப்படியான மாதவிடாய் இரத்தப்போக்கு

இதையும் படிக்கலாமே! - கர்ப்பப்பை நீர்க்கட்டி: வகைகள், காரணங்கள், அறிகுறிகள் மற்றும் சிகிச்சை

முடிவுரை

லேப்ராஸ்கோபிக் மகப்பேறு அறுவை சிகிச்சை என்பது பல நோய்களைக் கண்டறிந்து சிகிச்சையளிப்பதற்குப் பயன்படுத்தப்படும் ஒரு மருத்துவ செயல்முறையாகும். திறந்த அறுவை சிகிச்சைக்கு இது பாதுகாப்பான மற்றும் மிகவும் பயனுள்ள மாற்று முறையாகும். நீர்க்கட்டிகள், சதைக்கட்டிகள் அல்லது இனப்பெருக்க உறுப்பு புற்றுநோய் உள்ள நபர்களுக்கு இந்த செயல்முறை சிறந்தது. இந்த செயல்முறையின்போது, சில நபர்கள் இரத்தப்போக்கு, நோய்த்தொற்று அல்லது குடலிறக்கம் போன்ற சிக்கல்களை அனுபவிக்கலாம். அதிக காய்ச்சல், அடிவயிற்றில் தாங்க முடியாத வலி மற்றும் குமட்டல் போன்ற அறிகுறிகளை அனுபவித்தால் உடனடியாக மருத்துவரை அணுகவும்.