டாக்டர் முத்துலட்சுமி மகப்பேறு உதவித் திட்டத்தின் கீழ் தமிழ்நாட்டில் கர்ப்பிணிப் பெண்களுக்கு எவ்வாறு ரூ.14,000 அளிக்கப் படுகிறது?(Tamil Nadu Government to Offer Financial Assistance of Rs. 14,000 & Nutrition Kit to Pregnant Women In tamil)

மகப்பேறு மற்றும் குழந்தையின் இறப்பு விகிதங்களைக் குறைக்கவும்,கர்ப்பிணிகள் மற்றும் பாலூட்டும் பெண்களுக்கு உகந்த ஊட்டச்சத்தை வழங்கவும்,தமிழக அரசு கர்ப்பிணிப் பெண்களுக்காக டாக்டர் முத்துலட்சுமி மகப்பேறு உதவித் திட்டத்தைத் தொடங்கியுள்ளது. பலபடுத்தப்பட்ட அம்மா ஊட்டச்சத்து பெட்டகத்துடன் ரூ.14000 நிதி உதவி மற்றும் ரூ.4000 மதிப்புள்ள ஊட்டச்சத்துப் பெட்டி தமிழக அரசு வழங்குகிறது.

டாக்டர் முத்துலட்சுமி மகப்பேறு உதவித் திட்டம்,அதன் நோக்கங்கள், தகுதிக்கான அளவுகோல்கள் மற்றும் பலன்களை இன்னும் சற்று விரிவாகப் பார்க்கலாம்.

டாக்டர் முத்துலட்சுமி மகப்பேறு உதவித் திட்டத்தின் நோக்கம் என்ன?(What is the Objective of the Dr. Muthulakshmi Maternity Benefit Scheme? In Tamil)

தமிழக அரசு இத்திட்டத்தை செயல்படுத்துவதன் நோக்கம் :

• தாய் மற்றும் சிசு இறப்பு விகிதங்களைக் குறைக்கவும்

• கர்ப்பிணி மற்றும் பாலூட்டும் பெண்களுக்கு உகந்த ஊட்டச்சத்தை உறுதி செய்யவும்

  Article continues below advertisment

• கர்ப்பகாலத்தில் ஏற்படும் ஊதிய இழப்பை ஈடுசெய்யவும்

டாக்டர் முத்துலட்சுமி மகப்பேறு உதவித் திட்டத்திற்கான தகுதிகள் என்னென்ன?(What are the Eligibility Criteria for the Dr. Muthulakshmi Maternity Benefit Scheme? In Tamil)

பின்வரும் தகுதிகளையுடைய கர்ப்பிணிப் பெண்கள் டாக்டர் முத்துலட்சுமி மகப்பேறு உதவித் திட்டத்தில் இருந்து பயனடையலாம்:

• 19 வயது நிறைவடைந்த கர்ப்பிணிப் பெண்கள்.

• HOB மற்றும் புலம்பெயர்ந்த தாய்மார்கள் சில நிபந்தனைகளின் அடிப்படையில் 1வது மற்றும் 5வது தவணைகளைப் பெறுவார்கள்.

• பயனாளி அதிகபட்சம் இரண்டு பிரசவங்களுக்கு 5 தவணைகளையும் பெறுவார்.

  Article continues below advertisment

டாக்டர் முத்துலட்சுமி மகப்பேறு உதவித் திட்டத்தின் நன்மைகள் என்ன?(What are the Benefits of the Dr. Muthulakshmi Maternity Benefit Scheme? In Tamil)

டாக்டர் முத்துலட்சுமி மகப்பேறு உதவித் திட்டம் கர்ப்பிணிப் பெண்களுக்கும் அவர்களின் குழந்தைக்கும் பின்வரும் நன்மைகளை வழங்குகிறது:

• ரூ.4,000 மதிப்புள்ள 12 அத்தியாவசிய பொருட்கள் அடங்கிய அம்மா ஊட்டச்சத்துப் பெட்டி.அதாவது,கர்ப்பிணிகளுக்கு 1 கிலோ ஹெல்த் மிக்ஸ், 3 ஐஎஃப்ஏ சிரப், 1 கிலோ பேரிச்சம்பழம், 500 கிராம் புரோட்டீன் பிஸ்கட், 500 கிராம் ஆவின் நெய், 3 டி.அல்பெண்டசோல், ஒரு பிளாஸ்டிக் கூடை மற்றும் ஒரு துண்டு.

• ஊட்டச்சத்துப் பெட்டி தவிர, தமிழக அரசு தாய்க்கு ஐந்து தவணைகளில் ரூ.14,000 வழங்குகிறது.

• 12 வாரங்களில் அல்லது அதற்கு முன் ரூ.2,000 பிரசவத்திற்கு முந்தைய பதிவின் அடிப்படையில் வழங்கப்படும்.

• ரூ.2000 மதிப்புள்ள சத்துணவுப் பெட்டி கர்ப்பத்தின் மூன்றாவது மாதம் முடிந்தவுடன் வழங்கப்படும்.

  Article continues below advertisment

• ரூ.2,000 கர்ப்பத்தின் நான்காவது மாதம் முடிந்த பிறகு வழங்கப்படும்.

• ரூ.2000 மதிப்புள்ள இரண்டாவது சத்துணவுப் பெட்டி கர்ப்பிணிப் பெண்ணுக்கு வழங்கப்படும்.

• கர்ப்பிணிப் பெண்ணுக்கு குழந்தை பிறந்த பிறகு ரூ.4,000 வழங்கப்படும்.

• OPV(ஒபிவி)/ Rota(ரோட்டா)/Penta Valent(பென்டா வெலன்ட்) இன் 3வது டோஸ்கள் மற்றும் IPV(ஐபிவி)இன் 2வது டோஸ்கள் அனைத்தையும் வெற்றிகரமாக முடித்த பிறகு ரூ.4,000 வழங்கப்படும்.

• குழந்தை பிறந்து 9-12 மாதங்களுக்குள் தட்டம்மை-ரூபெல்லா தடுப்பூசியை வெற்றிகரமாக முடித்த பிறகு ரூ .2,000 வழங்கப்படும்.

  Article continues below advertisment

டாக்டர் முத்துலட்சுமி மகப்பேறு உதவித் திட்டத்திற்கு எப்படி விண்ணப்பிப்பது?(How to Apply for the Dr. Muthulakshmi Maternity Benefit Scheme? In Tamil)

டாக்டர் முத்துலட்சுமி மகப்பேறு உதவித் திட்டத்தில் கர்ப்பிணிப் பெண்கள் கர்ப்பமாகி 12 வாரங்களுக்கு முன்பு VHN/UHN மூலமாகவோ அல்லது தானாகவே 12 வாரங்களுக்கு முன் தனது கர்ப்பத்தைப் பதிவு செய்து கொள்ளலாம்.

கூடுதல் தகவல்களைப் பெற நீங்கள் அனைத்து VHN/UHN மற்றும் PHC/UPHC ஐ தொடர்பு கொள்ளலாம் அல்லது நேரில் சென்று பார்வையிடலாம். https://krishnagiri.nic.in/scheme/dr-muthulakshmi-maternity-benefit-scheme/ .

டாக்டர் முத்துலட்சுமி மகப்பேறு உதவித் திட்டம் ஒவ்வொரு ஆண்டும் சுமார் 8 லட்சம் கர்ப்பிணி மற்றும் பாலூட்டும் பெண்களுக்கு பயனளிக்கிறது. தமிழக அரசின் இந்த முயற்சி, நம் மாநிலத்தில் தாய் மற்றும் சிசு இறப்பு விகிதங்களை கணிசமாகக் குறைக்க உதவும். கூடுதலாக, இது தாய்வழி ஊட்டச்சத்து மற்றும் குழந்தை தடுப்பூசிகளில் குறிப்பிடத்தக்க ஊக்கத்தை ஏற்படுத்தும்.

Tags :

Tamil Nadu government offers for pregnancy in tamil, dr.muthulakshmi maternity benefits scheme in tamil, uses of government scheme during pregnancy in tamil, government schemes for pregnancy in tamil