టెర్రీబుల్ టూస్ దశలో కలిగే అనుభవాలు: ఏమి జరుగుతుంది?

తల్లిదండ్రులు తరచుగా తమ బిడ్డ రెండు సంవత్సరాల వయస్సులో ఉన్నప్పుడు ఈ "టెర్రీబుల్ టూస్" అనే దశ మొదలవుతుందని అనుకుంటారు. కానీ వాస్తవానికి, ఈ దశ బిడ్డలో 18 నెలల వయస్సు ఉన్నప్పుడు ప్రారంభమై, దాదాపు మూడు సంవత్సరాల నిండే వరకు ఉంటుంది. ఈ దశలో తమ పిల్లలకు సరైన సంరక్షణ అందించేందుకు తల్లిదండ్రులు సిద్ధంగా ఉండాలి, అంతే తప్ప ఆందోళన పడకూడదు.

ఈ రెండేళ్ల ప్రాయాన్ని అంత భయపడేలా మార్చేది ఏది?

ఈ టెర్రీబుల్ టూస్ దశ పిల్లలలో కొన్ని తీవ్రమైన ప్రవర్తనా మార్పులను తీసుకువస్తుంది కాబట్టి అది అలా పిలవబడుతోంది. తల్లిదండ్రులు గమనించే అత్యంత సాధారణ మార్పులు మొండితనంతో పాటు అల్లరి చేయడం పెరగడం ఇంకా మానసిక అస్థిరత. ఏ పరిస్థితిలోనైనా ఈ ప్రవర్తనా మార్పులు అకస్మాత్తుగా కనబడటం మూలాన చాలా మంది తల్లిదండ్రులు ఇలాంటివి ముందే ఊహించి ఉండరు. అందువల్ల, తల్లిదండ్రులు తమ పిల్లల ప్రవర్తన గురించి నలుగురిలో ఇబ్బంది పడవలసి వస్తుంది. వారు తమ పిల్లల ప్రవర్తనను మార్చలేకపోతున్నామని లేదా అప్పటికప్పుడే వారిని అలా ప్రవర్తించకుండా ఆపలేమని కూడా వారు తెలుసుకుంటారు.

టెర్రీబుల్ టూస్ తెలిపే సంకేతాలు ఏమిటి?

"టెర్రీబుల్ టూస్" దశలో తల్లిదండ్రులు తమ పిల్లలలో గమనించదగ్గ కొన్ని ప్రవర్తనా మార్పులు:

• కోపం - పిల్లవాడు చిన్న విషయానికి కూడా కోపగించుకోవడం చేస్తాడు. కొన్నిసార్లు తామంతా తామే తలుపు తెరవలేని అసమర్థత కూడా వారి కోపానికి కారణమౌతుంది.
• మూడ్ స్వింగ్స్(మానసిక అస్థిరత) - గమనించాల్సిన మరో పెద్ద సంకేతం మూడ్ స్వింగ్స్. పిల్లవాడు టీవీ చూస్తూ ఉండవచ్చు లేదా ఒక నిమిషం ఆనందంగా ఆడుకుంటూ ఉండవచ్చు, వెంటనే తరువాతి నిమిషం ఏడవవచ్చు కూడా.
• అరవడం - పిల్లలు ఈ దశలో అరవడం ఇంకా కేకలు వేయడం ప్రారంభిస్తారు. ఇది వారి భావోద్వేగాలను లేదా అవసరాలను సరిగ్గా వ్యక్తపరచలేని వారి అసమర్థతకు కారణం.
• గొడవపడటం - చాలా మంది పిల్లలు తమ చుట్టూ ఉన్న ఇతర పిల్లలతో కూడా గొడవ పడటం మొదలుపెడతారు.

మీకు ఇది కూడా నచ్చుతుంది: మీరు ఆఫీస్ నుండి ఇంటికి వచ్చేసరికి పిల్లలు మారాం చేయడానికి కారణాలు ఏమిటి?

మీ బిడ్డలో ఈ "టెర్రీబుల్ టూస్" దశ మొదలయ్యిందా?

తల్లిదండ్రులు తరచుగా వారి శిశువైద్యుడిని ఈ టెర్రీబుల్ టూస్ దశ ఎప్పుడు మొదలవుతుందని అడుగుతుంటారు? ఆ దశలో తమ పిల్లల ప్రవర్తనను ఎదుర్కొనేందుకు చక్కగా సిద్ధం కావడానికి వారు తమ సందేహాన్ని అడుగుతారు. కానీ దురదృష్టవశాత్తు, పిల్లల కోసం "టెర్రీబుల్ టూస్" దశ ఎప్పుడు ప్రారంభమవుతుందో సూచించడానికి నిర్దిష్ట సమయ సూచీ ఏదీ లేదు. పిల్లలలో ఈ దశ, వారు ఒక సంవత్సరం వయస్సు ఉన్నప్పటి నుండి మొదలయ్యీ, మూడు సంవత్సరాల వరకు ఉంటుంది. తల్లిదండ్రులు తమ పిల్లలలో ప్రవర్తనా మార్పులను గమనించే విషయంలో అప్రమత్తంగా ఉండాలి, తద్వారా వారు వాటిని చక్కగా ఎదుర్కోవడంలో అవి సహాయపడతాయి.

అసలు సమస్య ప్రవర్తనా పరమైనదా లేక టెర్రీబుల్ టూస్ ప్రభావమా?

సాధారణంగా, మూడు సంవత్సరాల కంటే తక్కువ వయస్సు ఉన్న పిల్లలు మొండిగా ప్రవర్తించడం, అల్లరి చేయడం ఇంకా వారు మానసిక అస్థిరతను కలిగి ఉండటం సహజం. ఎందుకంటే అటువంటి వయస్సు పిల్లలు సాధారణంగా పరిమిత పదజాలల జ్ఞానాన్ని కలిగి ఉంటారు అంతేకాక, వారి భావాలను సరైన రీతిలో వ్యక్తపరచలేరు. బిడ్డ వయసు మూడు సంవత్సరాల కంటే ఎక్కువ ఉన్నట్లయితే, ఇంకా అల్లరి, మొండితనం అలాగే ఉన్నప్పుడు, ఆ తల్లిదండ్రులు ఈ విషయాల పట్ల కాస్త అప్రమత్తంగా ఉండాలి. మూడు సంవత్సరాల కంటే ఎక్కువ వయస్సు ఉన్న పిల్లలలో ప్రవర్తనా సమస్యలను సూచించే కొన్ని నిర్దిష్ట సంకేతాలు ఇవి కావొచ్చు:

• ఒకే రోజులో చాలా సేపు అసహనంతో అలక బూనడం.
• కొంత సమయం తర్వాత పిల్లలు తమంతట తాముగా అలక మానకపోవడం.
• పిల్లలు కోపంతో అలిగినప్పుడు తనకు తానే గాయపరచుకోవడమే కాక ఇతరులను గాయపరచవచ్చు.
• తమ బిడ్డ ప్రవర్తనలలో ఇలాంటివి ఏమైనా తల్లిదండ్రులు గమనించినట్లయితే, వారు తమ పిల్లల వైద్యునిని సంప్రదించాలి..

ఈ దశ పిల్లలందరిలో కనిపిస్తుందా?

పిల్లలందరూ "టెర్రీబుల్ టూస్" దశ గుండా వెళతారు, కానీ ప్రతి తల్లిదండ్రులు ఇందులోని భిన్నమైన అనుభవాలను ఎదుర్కొంటారు. ఎందుకంటే కొంతమంది పిల్లలు సహజంగానే ఇతరుల కంటే మెరుగ్గా మామూలుగా మారుతారు, దానివల్ల వారిలో అసహనం తగ్గుతుంది. కొంతమంది పిల్లలు ప్రశాంతమైన స్వభావాన్ని కలిగి ఉండి, త్వరగా అసహనానికి ఇంకా నిరుత్సాహానికి లోనుకారు. అటువంటి పిల్లల తల్లిదండ్రులకు ఈ దశ అంతగా బాధించదు, కానీ ఇతరులకు ఇది అలా ఉండకపోవచ్చు.

ఈ దశ ఎంతకాలం కొనసాగుతుంది?

తల్లిదండ్రులు పిల్లల వైద్యులను అడిగే మరో ముఖ్యమైన ప్రశ్న ఏంటంటే - టెర్రీబుల్ టూస్ దశ ఎప్పుడు ముగుస్తుంది? ఈ ప్రశ్నకు సమాధానం కొంచెం గమ్మత్తైనది. చాలా మంది పిల్లలు మూడు సంవత్సరాల వయస్సులోపు మాటలను సరిగ్గా పలకడం నేర్చుకుంటారు. కాబట్టి వారు తమను తాము బాగా వ్యక్తీకరించుకోగలరు, ఇది అసహనం ఇంకా కోపం కలిగించే సందర్భాలను తగ్గిస్తుంది. ఈ పిల్లలలో మునుపటి కంటే తక్కువగా అలక బూనడం ఉంటుంది. కానీ కొన్నిసార్లు, పిల్లలు పెద్దయ్యాక కూడా ఇలాగే అసహనం అలకలు కొనసాగిస్తూనే ఉంటారు. అలాంటప్పుడు ఇది అలవాటుగా మారకముందే పిల్లల తల్లిదండ్రులు పరిస్థితిని చక్కదిద్దాలి.

మీకు ఇది కూడా నచ్చుతుంది: చిన్ననాటి రుగ్మతలు అనగానేమి? ఇవి ఎలా ఉంటాయి? వీటికి కారణాలు, చికిత్స ఏమిటి?

టెర్రీబుల్ టూస్‌ను ఎందుర్కొనేందుకు టిప్స్

"టెర్రీబుల్ టూస్" దశలో తల్లిదండ్రులు తమ పిల్లల ప్రవర్తనను గాడిన పెట్టేందుకు సహాయపడే కొన్ని పనిచేసే టిప్స్ ఇవి:

1. పిల్లల మంచి ప్రవర్తనను మెచ్చుకోవాలి ఇంకా తప్పుగా ప్రవర్తిస్తే పట్టించుకోకూడదు.
2. బిడ్డ అసహనంతో ప్రవర్తించినప్పుడు దానిపై నుండి దృష్టి మరల్చడానికి ప్రయత్నించాలి.
3. ఆకలి లేదా నిద్రమత్తులో చేసే అల్లరి ప్రవర్తనలను తగ్గించేందుకు, సమయానుకూలంగా పిల్లలకు నిద్ర సరిగ్గా ఉండేలా చూడాలి
4. సమయానికి తినిపించేలా ప్రయత్నించాలి.
5. నిర్ణయం తీసుకోనే విషయంలో వారిని కూడా భాగస్వామ్యులను చేయాలి, అందువల్ల వారు తమకు కూడా ప్రాధాన్యత ఇస్తున్నారని అనుకోని అదుపులో ఉంటారు.
6. పిల్లలు ఉక్రోషంతో ఉన్నప్పుడు ప్రశాంతంగా ఉంటూ, ఆ పరిస్థితిపై దృష్టిసారించాలి.

ఎప్పుడు సహాయం కోరాలి

తల్లిదండ్రులు తమ పిల్లలలో అసాధారణ ప్రవర్తనను గమనించినట్లయితే నిపుణుల సహాయం తీసుకోవాలి. పిల్లలు శారీరక హింసా ప్రవృత్తిని చూపినట్లయితే ఆరోగ్య పరమైన సమస్యలున్నాయేమో తెలుసుకొనేందుకు వైద్యపరమైన పరీక్షలు అవసరం.

ముగింపు

"టెర్రీబుల్ టూస్" అనేది బాల్యంలో ఎదురయ్యే ఒక దశ మాత్రమే. తల్లిదండ్రులు దాని గురించి ఆందోళన చెందకుండా వారి పిల్లల వికాసం ఇంకా ఆరోగ్యంపై దృష్టి సారించాలి.